Semana das Letras: Visita de Héctor Cajaraville

Para ir entrando en contacto coa figua homenaxeada esta ano polo Día das Letras Galegas, Florencio Delgado Gurriarán, tivemos connosco a Héctor Cajaraville. Como autor da obra Florencio Delgado Gurriarán. Polos vieiros da saudade puidemos coñecer e entender a achega deste poeta e activista cultural tan importante para manter a cultura e a literatura galega no exilio, para darlle voz aos que en Galicia estaban silenciados pola ditadura.

Un pracer escoitalo e aprender nesta charla co alumnado de 2º da ESO!

Ensino activo

O xoves 20 de xaneiro, o grupo de traballo de Mathcitymap trasladouse ao paseo marítimo de Sanxenxo. Está constituido por profesorado de matemáticas, plástica, física e xeografía e historia. Ese día buscáronse lugares concretos onde poder facer actividades co alumnado de 3º e 4º da ESO. Fixemos fotos e pensamos en posibles rutas. Agora toca concretalas, subilas a páxina correspondente e poñerse en marcha.

Árbore de Nadal xeométrica

   

 

 O alumnado de matemáticas da ESO fixo unha árbore de Nadal orixinal. Traballaron a xeometría e con distintas formas e materiais elaboraron este varios adornos de Nadal.

A xeometría é unha rama das matemáticas fundamental por iso se estuda en secundaria. O aprendizaxe da xeometría debe de ir do concreto ao abstracto, polo cal é necesario  que se desenvolvan actividades con materiais concretos.

 

 

O obxectivo é desenvolver no alumnado a percepción do espazo, a súa capacidade de abstracción e visivilización, a súa habilidade  para desenvolver conxecturas a cerca das relacións xeométricas entre unha ou varias figuras e poder argumentar o resultado.

                                                                                        

A xeometría contribúe a resolver problemas prácticos como a medición de lonxitudes, áreas e volumes, ou o trazo de  lindes na terra. Ademais, desempeña un papel instrumental para o desenvolvemento da arquitectura, a xeografía e a astronomía.

 

O alumnado do ciclo de automoción colaborou na actividade.

Practicando as mates

 En decembro visitarou a biblioteca o alumnado de 1º da ESO. Viñeron coa súa profesora de matemáticas Estela Prol para facer un traballo de modelización: Cantas persoas viven aí? O obxectivo é aplicar as matemáticas á realidade para que o alumno/a poida razoar e comprender os conceptos teóricos, así como fixar conceptos básicos que teñen que aprender e que son imprescindibles para etapas posteriores.

Marchamos á universidade!

  

 O día 10 de decembro contamos coa visita dun membro do programa A Ponte que impartiu unha conferencia ao alumnado de 2º de bacharelato e 2º ciclo superior de administrativo.

Desde o Programa “A Ponte entre o Ensino Medio e a USC”, como o seu nome indica, queren facer de ponte entre o estudantado de Ensino Medio e a USC, para informar e orientar ao futuro estudante universitario, para que poida elixir os estudos que máis se adapten ás súas preferencias.

O Programa leva en funcionamento dunha forma estruturada desde o curso 2003-2004 e pretende dar a coñecer a oferta académica e o contexto investigador, social, cultural e espacial da Universidade en que se desenvolven eses estudos.

O fío condutor é a difusión do que é a Universidade de Santiago de Compostela: as súas titulacións, a investigación, os servizos académicos, pero tamén o que é a contorna en que se desenvolve a actividade universitaria: servizos de residencia, culturais, deportivos, asociativos, etc. En fin, o que é a vida nunha universidade inserida en pleno corazón de dúas cidades históricas (Lugo e Santiago de Compostela).

Organizaron esta actividade a Subdirectora do Centro: Lidia Fernández Pastoriza xunto co Departamento de orientación: Sara Gómez  Camiña.

Conferencia sobre as matemáticas

Dende o departemento de matemáticas e en colaboración coa Universidade da Coruña, organizamos unha serie de charlas, enmarcadas no plan de divulgación científica, dirixidas ó noso alumnado de 3º ESO e 4º ESO.

Nestas conferencias, impartidas de xeito virtual por José Manuel Rodríguez Seijo, profesor e investigador universitario na área de matemáticas aplicadas, puidemos profundizar na idea de que as matemáticas xogaron un papel fundamental na historia da humanidade, a través da charla “Matemáticas (y sus aplicaciones) a lo largo de la historia”.  Ademais, ampliamos dita idea a un tempo presente, mediante a charla “Modelización matemática”, onde puidemos apreciar o uso actual de modelos matemáticos para a predicción de comportamentos de diversos sistemas físicos, químicos e/ou biolóxicos.

Traballando as matemáticas

O alumnado  de 2º ESO A e  B  estiveron  traballando  na biblioteca  coa  súa profesora de matemáticas Lucía González Regal.

Realizaron un mural sobre tres fórmulas matemáticas coñecidas co nome de Igualdades Notables, son unhas fórmulas moi usadas en álxebra e que lles resultan difíciles de aprender e aplicar pola abstracción que supón pasar do cálculo numérico ao cálculo con variables. Son importantes porque non aprendelas ben este curso pódelles carrexar dificultades os próximos cursos.

O obxectivo é que as aprendan, non só as fórmulas en si,  senón como se len, para que lles resulte máis fácil lembralas e  aplicalas. O traballo realizárono en grupos de 7 alumnos de diferentes niveis para que os que teñen máis dificultades de comprensión se vísen apoiados por aqueles alumnos aos que lles resulta máis fácil e para que na parte máis manual visen que poden achegar tanto ou máis que outros alumnos que a priori sacan mellores notas, tiveron que distribuírse as tarefas e expoñelo en clase.

Día Internacional contra a Violencia de Xénero

 O 25 de novembro é o Día Internacional contra a Violencia de Xénero no IES de Vilalonga quixemos unirnos a repulsa contra estos feitos. Consideramos que toda a sociedade debe loitar para evitalos, así nos manifestamos toda a comunidade escolar. 

Fixemos moitas actividades e un acto simbólico ás 12h. Aquí vós queda un resumo:

Na biblioteca colocamos pancartas elaboradas pola profesora de  Plástica Alba Piñeiro co seu alumnado de 2º da ESO:

Nos pasillos dos edificios un e dous tamén colocamos destas pancartas, só que de tamaño xigante:

Espuxemos  un cartel feito polo alumnado de Igualdade baixo a coordinación

da profesora Patricia Díaz para medir a violencia machista:

 

 

 

 Pintamos as mans de violeta e puxemos lazos da mesma cor:

Ás 12h toda a comunidade escolar se reuniu no patio para ler un manifesto e gardar un minuto de silencio:

Durante o minuto de silencio izamos unha pancarta que contiña os datos das  vítimas do ano 2021:

 

 

Despois colocamos a pancarta na entrada do instituto e alí estará toda a semana ao igual que as dos corredores e a biblioteca:

A profesora Patricia Díaz elaborou un vídeo sobre igualdade co seu alumnado de Fp básica de administrativo e alumnas de automoción, é moi bo e gañaron o 1º premio da Xunta de Galicia de traballos  audiovisuais dos centros escolares:

 

O Cim de Sanxenxo convocou o concurso Tik Tok sen violencias, o alumnado de Vilalonga participou e resultaron gañadores co 2º premio "non é amor, é control" do alumnado de 3º da ESO e co 3º premio a alumna de 2º da ESO Paula Besada por Humor vacío", parabéns a todas/os:

Conferencia de ciberseguridade

 A profesora Silvia Castro organizou para 2º de Fp básica de servicios administrativos unha conferencia de Afundación da Obra Social Abanca que ofrece unha serie de conferencias de contido educativo sobre emocións, acoso escolar, ciberseguridade, etc. A profesora contactou con eles para poder asistir online a de ciberseguridade, cuestión tan de moda na actualidade polo seu elevado risco.

O enxeneiro de telecomunicacións Bernardo Viqueira explicoulles que o mundo do haking é a súa paixón, ten reportado fallos de seguridade a grandes multinacionais, colaborado con organismos gubernamentais e participado en programas de radio e televisión. A súa experiencia sérvelle para detectar e denunciar gran cantidade de perigos existentes nas redes, así como o mal uso que facemos delas.

 

In memoriam

MORRE ALMUDENA GRANDES, UNHA DAS VOCES IMPRESCINDIBLES DA NARRATIVA ACTUAL

            Sábado, 27 de novembro de 2021. Mentres paso o tempo botando un ollo ao Facebooka topo a nova do pasamento da escritora Almudena Grandes, novelista, columnista, feminista, republicana ata a medula e defensora, ata o seu derradeiro alento, dos desgraciados, como ben podemos ler no artigo póstumo que aparece hoxe en El País, xornal do que Almudena Grandes era colaboradora habitual. Un artigo sobre a nostalxia do kinki, que ela ve con outros ollos, os que pousou hai moito tempo en Eleuterio Sánchez.

            Teño que recoñecer que sinto cara a Almudena unha admiración especial que non só ten que ver co seu bo facer literario, senón tamén coa súa personalidade.

Hoxe doulle as grazas por deixar tantas declaracións e entrevistas en programas televisivos e radiofónicos, nos que non tiña reparos en aparecer. Pero sobre todo grazas polos seus libros e artigos, dos que fun e son lectora habitual dende a súa irrupción no panorama literario con Las edades de Lulú, adaptada ao cine por Bigas Luna en 1990 (un ano despois da súa publicación) ata a súa serie adicada á Guerra Civil, Episodios de una guerra interminable, entre os que podemos atopar Los pacientes del doctor García, novela coa que gañou, en 2018, o Premio Nacional de Narrativa. Ela mesma declarou que se inspirou para esta serie noutro grande da nosa narrativa, Benito Pérez Galdós e os seus Episodios Nacionales. Aínda poderemos gozar dunha nova lectura desta grande autora, novela póstuma e sétima entrega dos Episodios, que deixou inédita ante a precipitada marcha.

Pero mentres non se publica esa nova obra, gocemos das que nos deixou e que podedes atopar nos andeis da nosa biblioteca.

Que a terra che sexa leve, Almudena, grande entre as grandes!

                                                                                              Fátima Barreiro Pérez