Congreso Mobilidade Sustentable en medios de Transporte.

Este ano o Foro de Automoción evoluciónou nun congreso.

Aquí queda o vídeo do Congreso de Mobilidade Sustentable en Medios de Transporte 2024.
 

Participación na Carreira Green Porwer das Pontes.

 

A FP de Automoción do IES de Vilalonga participou o día 8 de Xuño na Carreira de "Green Powe" organizada no Concello das Pontes. 

Conseguindo o premio de Green Power Iberia, na Greenest Bodywork. 

Taller primeiros auxilios de protecciónc civil de Sanxenxo.

Os días 22 e 28 de maio, o alumnado de Formación profesional das familias de Automoción e Administración recibiron un taller sobre primeiros auxilios impartida polo servizo de protecciónc civil de Sanxenxo. Na charla tiveron a oportunidade de coñecer cómo actuar ante un accidente, practicar a RCP e as técnicas de atragantamento.

CHARLA VEHÍCULOS PEREZ RUMBAO

O venres 27 de xaneiro recibimos a visita de Antonio Domingo Tudo, director de Recursos Humanos da empresa Pérez Rumbao. Na charla,  destinada ao alumando de 1º CM e 1º FPB de automción abordáronse temas como a xestión de talleres e concesionarios. Moi boa experiencia cun gran profesional!

Automoción do IES de Vilalonga on fire

REPRESENTACIÓN DE AUTOMOCIÓN DO IES DE VILALONGA NA BRIDGESTONE TRAPAGA URBAN RACE 2022 CO KARTLONGA

Este domingo 24 de abril tivo lugar a 1ª carreira BRIDGESTONE TRAPAGA URBAN RACE 2022 na que o alumnado de 2ºCM de automoción que participou  na construción do KARTLONGA, estivo presente na localidade de Trapaga, en Bilbao.

Esta carreira pertenece á categoría BRIGDESTONE F24/24 de coches eléctricos das organizadas por Greenpower Iberia e competimos con equipos de colexios privados de Euskadi, Navarra e outras partes de España. Somos o único centro  público que compite e ademais fixémolo cun coche de desenvolvemento e creación propia dende cero.

 Parabéns e moito ánimo a tod@s e forza a Nico e Yanire!

 

Segundo posto para o equipo de Automoción do IES de Vilalonga na carreira BRIDGESTONE TRAPAGA URBAN RACE 2022 e premio á mellor enxeñaría.

Parabéns!

OS CICLOS DE AUTOMOCIÓN DO IES DE VILALONGA EN EDUGAL

Os días 20, 21 e 22 de outubro levouse a cabo no Recinto Feiral de Pontevedra EDUGAL, salón educativo de referencia en Galicia, que trata de darlles resposta ás necesidades de información sobre a oferta formativa e orientación educativa de estudantes, centros, profesionais da educación e familias.

As claves de EDUGAL son dar continuidade á orientación académica e facilitar unha adecuada elección para tomar unha decisión sobre o futuro profesional nun salón que axuda ao estudantado a decidir eficazmente o seu futuro formativo e profesional e cunha ampla oferta de centros educativos e formativos, empresas e entidades que dan resposta ás necesidades de formación do alumnado que necesita elixir o centro no que formarse para acceder ao mercado laboral.

Neste marco tan importante para o futuro do noso alumnado atopamos un expositor dos ciclos de Automoción do IES de Vilalonga.

Parabéns ao profesorado e alumnado que estes días participou en EDUGAL non só para dar a coñecer o traballo que se desenvolve no noso centro e as saídas que estes ciclos ofrecen, senón polo importante labor de formación e cooperación persoal que saben transmitir.

VISITA DOS BOMBEIROS DE SANXENXO AO IES DE VILALONGA

O venres, día 1 de decembro de 2017, recibimos a visita dos bombeiros de Sanxenxo, viñeron para facer un obradoiro con todo o alumnado de Automoción. En primeiro lugar procederon a queimar un coche para logo ensinar aos alumnos como seguir o protocolo para sufocar o incendio, mostraron os métodos necesarios e os posibles perigos.

A continuación procederon a ensinar como rescatar a un accidentado que quedou atrapado no seu coche. Mostraron as ferramentas que utilizan e procederon a facer o traballo tal e como sería nun caso real.

Agradecemos ao Parque de Bombeiros municipal a súa colaboración na formación do noso alumnado.

Obradoiro de modos de autoprotección para o alumnado de Automoción

O IES de Vilalonga organizou un obradoiro impartido no centro polos Servicios de Emerxencia do Concello de Sanxenxo destinado ao alumnado da FP Básica e do Ciclo Medio de Automoción para formarse nos distintos métodos de autoprotección nos talleres como o uso de mangueiras, de extintores...

Tras unha charla teórica o alumnado tivo a oportunidade de poñer en práctica o aprendido.

Esta formación é importante xa que nos talleres hai líquidos inflamables e saber como proceder rápidamente ante un incendio pode evitar grandes daños persoais e materiais.