ENTROIDO NA BIBLIOTECA DO IES DE VILALONGA

 ENTROIDO MODO ON!

A Biblioteca do IES de Vilalonga quixo sumarse á celebración do Entroido, poñendo como tema a gastronomía destas datas.

 

Para iso, non só caracterizamos a entrada como un Furancho típico da zona, cos seus chourizos, o porco e as filloas, senón que puxemos a disposición da xente usuaria unha selección de libros relacionados co gastronomía galega. 

 

E non podía faltar o  Fotocol neste Entroido!

 

Polo que pasaron profes, persoal non docente e alumnado!

 

A VIDA É PURO TEATRO!

 O ALUMNADO DE 1º BAC E 3º ESO ACODEN A UNHA REPRESENTACIÓN TEATRAL

A Biblioteca do IES de Vilalonga colaborou co Departamento de Lingua Castelá e Literatura para que o alumnado de 3º ESO e 1º BAC puidera acudir, o pasado martes, 3 de febreiro, á representación dunha versión de La Celestina, a cargo da compañía Transeduca.

 

Esta representación levouse a cabo no Auditorio de Vilagarcía de Arousa e acudiron tamén outros centros da contorna e da propia Vilagarcía.

 

Tras a representación, que durou aproximadamente unha hora e dez minutos, o alumnado mantivo un coloquio cos actores, con preguntas interesantes sobre a actuación, a adaptación realizada e o propio oficio de actor / actriz, moitas delas plantexadas polo noso alumnado.

 

Un xeito diferente de disfrutar e aprender coa literatura! 

 

 

 

 

NOVA REUNIÓN DO CLUB DE LECTURA DE 1º BAC 

O pasado martes, 10 de febreiro, tivemos a 3ª reunión do Club de lectura de novela curta e relato. 

Desta volta, o alumnado de 1º BAC enfrontouse a relatos de mestres do xénero, como Borges, Poe, Roald Dahl ou Pardo Bazán.

Comezamos a reunión con algunhas actividades para coñecer mellor aos relatistas, cun xogo no que o alumnado tiña que decidir a quen lle correspondía cada un dos datos anecdóticos sobre as vidas dos/as autores/as. E non o fixeron mal.

Como os relato ían de asesinatos (algún bastante peculiar), recopiláronse titulares de prensa reais e misturáronse con outros inventados, para comprobar se a realidade superaba á ficción e se as nosas lectoras e lectores saberían diferenciar cales aconteceran e cales non.

Por último, e para aclarar conceptos sobre o tema, acudimos á terminoloxía xurídica para diferenciar asasinatos, homicidios, homicidios imprudentes... para poder falar con propiedade.

O alumnado parece que ten bastante claros estes conceptos.

Panel ao que se tivo que enfrentar o alumnado lector

 

 

Proceso de reflexión para completar o panel

 

 

Panel solucionado

 

E por último quedou falar do que desfrutamos e aprendemos con esta lectura de clásicos e non tan clásicos do relato.

 

Para a próxima xuntanza, o alumnado traballará na elaboración dunha versión en banda deseñada do relato que escolla, para o que se empregarán ferramentas dixitais que nos permitan esa elaboración.

Seguro que saen verdadeiras obras de arte!

 

CONCURSO DE CARTAS DE AMOR/AMIZADE

 

Este febreiro vén cargadiño de cousas para a Biblio, pois coincide na mesma semana o 14 de febreiro, o Antroido e o día da Radio. 

Para fomentar un sentimento tan positivo como o amor e a amizade (que boa falta fai nos momentos que estamos a vivir), este ano a Biblioteca e o equipo de Normalización retoman o concurso de cartas de amor / amizade que xa se levara a cabo hai uns cursos. 

Está aberto a todo o alumnado do IES e poderase participar ata o próximo venres 13 de febreiro. O concurso presenta 3 categorías e dúas modalidades, unha seria, de amor ou amizade, e outra paródica, adicada a aquela realidade/obxecto sen o que non poderiamos vivir (o bote de crema de cacao, por exemplo).

As cartas teñen que depositarse nunha urna que está na Biblioteca, que, como o tema do Antroido no centro é "contos", quixemos decorala recordando a un libro en particular (xa sabedes cal?).

 

Se queredes consultar as bases, están colgadas nas aulas, nos corredores e aquí mesmo.

Non deixedes de participar, que o premio é ben suculento!