REMATOU O CURSO!

Que cousas! Cando comeza o curso parécenos que o mes de xuño queda moi lonxe (e é certo) pero logo, cando chega o derradeiro día de clase, a sensación é que pasou moi rápido. O certo é que pasamos nove meses a traballar (uns máis que outros) e quixemos despedirnos con música, entrega de premios literarios organizados pola biblioteca e a actuación do monologuista e actor Cándido Pazó.
Aquí vos deixamos unha pequena mostra do inxenio e do saber facer de Cándido Pazó e algunhas fotos dos nosos alumnos e alumnas que nos deron un concerto cun repertorio de música clásica e moderna.






Clubs de lectura: roteiro pola illa de Ons



 O venres 19 o noso club de lectura "A praia das palabras" realizou un roteiro pola illa de Ons en xuntanza co club de lectura "Libros comarea" do IES Agra das Raíces (Cee). A lectura do libro de Pedro Feijoo "Os fillos do mar" foi o punto de partida para visitar o Furado do Inferno

A poesía coa temática do mar  achegounos poemas de todo tipo e épocas: Martín Codax, Amado Carballo, Manuel Antonio ata Cunqueiro na voz dos integrantes do noso club. E desde a Costa da Morte os "Areeiros" trouxéronnos poemas do "Batallón literario da Costa da Morte" e outros poetas: Estevo Creus, David Creus, Suso Bahamonde, María Lado, Rafa Villar e Miro Villar.
 

Un exemplo de promoción da lectura desde o ámbito curricular

Os alumn@s de 1º de bacharelato realizaron coa profesora de xeografía e historia,, Estefanía Fernández Piñeiro,  unha serie de traballos utilizando a banda deseñada; as presentacións en power-point están acompañadas dunha unidade de texto explicando as imaxes. Parabéns polo excelente traballo realizado.






O noso alumnado de 2º de bacharelato na selectividade

PontevedraPontevedraPontevedra

Hoxe na portada da Voz de Galicia, edición Pontevedra, temos as fotos do noso alumnado de 2º de bacharelato na selectividade. Despois dun ano tan duro como é este curso, só queda que demostren o moito que saben para poder acceder ás carreiras coas que soñan. Moita sorte rapaces!
Pontevedra
PontevedraPontevedra
PontevedraPontevedraPontevedra

Cine en galego: "O noso último verán en Escocia"



Temos unha boa nova nos cines:"O noso último verán en Escocia". Esta película británica que está dobrada ó galego por unhas voces moi coñecidas para todos nós. Ademais de reivinvindicarmos que a dobraxe á nosa lingua é moi importante, encontraremos nela unha mestura perfecta de comedia, drama e cinismo, onde o protagonismo infantil ecoa á película "Pequeña Miss Sunshine". 

E xa, para os máis carrozas, a banda sonora de The Waterboys pon a guinda para que saïamos máis que satisfeitos do cine.

 

Videocreación: "Tradutor galego-castelán"




Este é o traballo   de videocreación realizado para a materia de lingua e literatura galega das alumnas de 2º de bacharelato: Iria Aspérez, Fátima Barreiro, Alba Domínguez, Melissa López, Paula Reiriz, Andrea Rodríguez. 

A idea desenvolta neste vídeo está inspirada na conta de twitter @TradutorGalego.