Encontro co escritor Miguel Anxo Fernández

Foto de Miguel Anxo Fernández Fernández.
O martes, día 19, o escritor Miguel Anxo Fernández compartiu unha charla co alumnado de 3º e 4º de ESO sobre a súa novela Bícame Frank, protagonizada polo detective Frank Soutelo, que se desenvolve en distintos lugares da na nosa comarca. Explicoulles, entre outras cousas,  como realiza o proceso de construción da historia e como procurou inspiración en distintos personaxes cinematográficos para dar vida e este peculiar detective que xa ten vida propia na nosa historia literaria,  como reflicten os distintos retratos que se teñen feito del por distintos ilustradores galegos.


 



SOLEDAD FELLOZA CONTOU CON NÓS


Este luns, día 18, o alumnado de 2º de bacharelato gozou coas historias de Soledad Felloza, eses Contos do mundo. Contos e historias de mulleres  engaiolaron o noso alumnado e deixáronos un pouquiño máis preto do coñecemento dunha realidade  diversa, no só na condición do xénero, senón tamén no cultural, posto que a orixe uruguaia de Soledad serve para achegarnos as experiencias de vida noutros países, tan próximos e á vez tan lonxe de nós.


Tan bo sabor de boca deixaron as súas historias que un grupo de alumnas e alumnos estiveron unha hora máis charlando con ela, unha vez acabada a actividade. Non podemos máis que agradecer que compartise connosco as súas historias e que contase con nós.

EXPOSICIÓN SOBRE OS SUEVOS EN OURENSE


Eran os suevos un pobo “bárbaro”? que fixeron durante case dous séculos na antiga provincia da Galaecia? E, que pegada deixaron no noso país?- “In tempore Sueborum” tentará dar resposta a esas e outras cuestións do que é considerado o primeiro reino de Europa. Ese é o nome da gran exposición monográfica sobre o reino suevo que se organizará en Ourense e contará con pezas de museos de Europa e EE.UU, ademais de Galicia e Portugal -onde os suevos afincaron o seu reinado- e de España.
Será entre novembro de 2017 e febreiro de 2018 cando se inaugure esta exposición cunha colección que reunirá en tres espazos expositivos ao redor de 200 obxectos. Algunhas son pezas singulares de gran valor histórico-arqueolóxico que serán traídas doutros museos e coleccións europeos e mesmo da Dumbarton Oaks Collections, de Washington.

RECOLLIDA SOLIDARIA DE NADAL


O grupo de rede solidaria da mocidade vinculado á ONG Entreculturas, formado recentemente no instituto e promovido polo Departamento de Relixión, organizou nuha recollida de alimentos e outros artigos de primeira necesidade para donar a Cáritas de Portonovo, dentro da súa campaña de Nadal. Esta actividade tivo lugar entre os días 30 de novembro e 5 de decembro pasados. O grupo encargouse de difundir a súa proposta, colocando carteis, expoñendo a actividade polas aulas e mantendo un contacto constante coas representantes da delegación de Portonovo. O martes 5 de decembro, pola tarde, dúas representantes de Cáritas Portonovo, achegáronde a recoller a donación e explicaron ao alumnado de 2º de bacharelato e 1º,2º e 3º da ESO, cal é a súa función, que necesidades atenden e cal é o destino dos produtos recollidos. A biblioteca colaborou con esta iniciativa publicándoa no seu blog "A beira das palabras".




"Sentido común"



Co lema “ Cárgate de sentido común e asina”, A Mesa pola Normalización Lingüística pretende recoller como mínimo 10.000 sinaturas para o debate da ILP no Parlamento. 

Estas son algunhas das razóns polas que asinar a ILP para a garantía dos dereitos lingüísticos no ámbito socioeconómico.  Nela participa a nosa profe de inglés Laura Sáez. Para máis información visita a páxina:

 http://sentidocomun.amesa.gal/ 

CONTACONTOS: SOLEDAD FELLOZA

Entramos na recta final antes das vacacións e para quedarnos cun bo sabor de oído, hoxe temos co alumnado de 2º bacharelato a SOLEDAD FELLOZA. Unha actriz e fotógrafa de orixe uruguaia e galega de adopción, que compartirá connosco o seu espectáculo de contacontos: 

O COMEZO DO MUNDO
Contos e historias de mulleres.

Resultado de imagen de SOLEDAD FELLOZA CONTOS DO MUNDO

BO NADAL A TOD@S


A toda a comunidade educativa do IES de Vilalonga (Sanxenxo) o equipo da Biblioteca desexámosvos un feliz Nadal e un próspero Aninovo 2018.
Bicos e apertas para tod@s.

VISITA DOS BOMBEIROS DE SANXENXO AO IES DE VILALONGA


O venres, día 1 de decembro de 2017, recibimos a visita dos bombeiros de Sanxenxo, viñeron para facer un obradoiro con todo o alumnado de Automoción. En primeiro lugar procederon a queimar un coche para logo ensinar aos alumnos como seguir o protocolo para sufocar o incendio, mostraron os métodos necesarios e os posibles perigos.

A continuación procederon a ensinar como rescatar a un accidentado que quedou atrapado no seu coche. Mostraron as ferramentas que utilizan e procederon a facer o traballo tal e como sería nun caso real.

Agradecemos ao Parque de Bombeiros municipal a súa colaboración na formación do noso alumnado.

FOTOGRAFÍAS POLA IGUALDADE




25 de novembro
Nosoutras tamén podemos...   Nosoutros tamén podemos...
Co gallo da celebración do Día contra a Violencia de Xénero, o alumnado do IES de Vilalonga rebélase contra os límites que impón a sociedade.

CAMPAÑA SOLIDARIA DE NADAL


O Departamento de relixión, en coordinación coa Biblioteca, e  a clase de 2º B de bacharelato organizaron unha recollida de alimentos de cara ao Nadal. Contactouse con Cáritas local para a recollida dos mesmos. Os días previstos para a mesma son do 29 de novembro ao 5 decembro.
O obxectivo é traballar en valores, en especial, a solidariedade.

COLABORADE!!!!!

Concentración no IES de Vilalonga contra a violencia machista


O luns, día 27, fixemos unha concentración, na que participou toda a Comunidade Escolar, en contra da violencia de xénero, con motivo do Día Internacional pola Eliminación das Violencias Machistas (25 de novembro).
Este tema tratouse en numerosas materias ao longo da semana e en algunhas clases fixéronse traballos: vídeos, fotos, murais, lectura de poemas e novas, etc. Algúns deste traballos están colgados neste blog:
Entérate do que pasa no teu centro!!!!


1º DE FP BÁSICA CONTRA A VIOLENCIA DE XÉNERO


                                         


“Non é unha festa. Están a matarnos” Miles de mulleres toman as rúas en máis de 50 cidades contra a violencia machista.

Non saíron á rúa para celebrar. Por iso moitas van de negro, con reproducións de féretros ás costas, cos rostros tapados, con fachos, conolleiras pintadas na cara. Miles de persoas —maioritariamente mulleres—

saíron este sábado en máis de 50 cidades de España no Día Internacional da
Eliminación da Violencia contra a Muller. Lembraron as vítimas asasinadas polas
súas parellas, pero tamén denunciaron o acoso sexual ou a discriminación.
Pediron unha sociedade por fin xusta coas mulleres.

No que vai de ano, morreron asasinadas polas súas parellas e ex-parellas 45 mulleres e oito nenos, segundo as estatísticas de
Sanidade.

PANCARTA CONTRA A VIOLENCIA DE XÉNERO




O alumnado de 1º de FP básica da rama de administrativo fixeron co profesor da materia de Comunicación e Sociedade, Manuel Radío, un mural con imaxes, listas de vítimas e estatísticas sobre a lacra da violencia de xénero na nosa sociedade. O obxectivo principal era educar en valores, como a iguladade e a solidariedade, así como concienciar da importancia e a inxustiza deste problema.

TRABALLEMOS PARA QUE ESTE PROBLEMA DESAPAREZA. QUE AS XERACIÓNS FUTURAS NON TEÑAN QUE SUFRILO. PARA QUE DEIXEMOS DE AVERGOÑARNOS!!!!                                                                              

OBITUARIO



Dende o 25 de novembro de 2016 ata o 25 de novembro de 2017 , con motivo do Día internacional para a eliminación da violencia de xénero, fixemos un panel no que fomos colocando os nomes das vítimas, a data do suceso e o lugar onde ocorreu. O resultado foi abraiante e o espazo insuficiente.

Os obxectivos desta experiencia eran non esquecer as vítimas de esta lacra, concienciar do problema, educar en valores e ter presente que esta non é unha nova esporádica senón que está sempre presente.

O alumnado de antropoloxía contra a violencia de xénero, 1º de bacharelato








A violencia de xénero segue presente na sociedade en forma de agresións e abusos con miles de vítimas en todo o mundo. Cada 25 de novembro, as voces de denuncia elévanse globalmente en pos da súa erradicación definitiva.

ÚNETE!!!!!!!!!!!!!!

Ciberviolencia

O ALUMNADO DE VILALONGA CONTRA A VIOLENCIA MACHISTA



O alumnado de 4º da ESO, da materia de Filosofía, xunto  ao profesor Fernando Prada, fixeron unhos vídeos en contra da violencia de xénero, nos que expuxeron as súas ideas sobre as violencias machistas. Graváronos con motivo do 25 de novembro, día internacional para a eliminación contra a violencia de xénero. 
Proxéctanse na pantalla da entrada do edificio 1.

Botádelle unha ollada! Merece a pena!


IN MEMORIAM

25 DE NOVEMBRO DE 2017

Saída teatral a Pontevedra


O xoves 16 de novembro o alumnado de ESO e de Bacharelato do noso centro asistiu á posta en escena no Teatro Principal de Pontevedra d' A noiva de Don Quixote, comedia escrita por José Luís Esteban e dirixida por José Carlos García.
A compañía Eme2 presenta unha obra na que a actriz Mercedes Castro, coñecida polo gran público como Amelia, a criada que  coida do Padre Casares na serie da TVG, dá vida a unha Aldonza Lorenzo que aparece en escena  levando ás costas  un decorado que irá dispoñendo sobre as táboas ó longo dos cincuenta minutos que dura a representación.
Case unha hora durante a que o público atende ás reflexións de Aldonza Lorenzo sobre a  vida e sobre a identidade da noiva de Don Quixote.



 A noiva de Don Quixote

“A obra trata un tema tan recorrente como o do  Quixote cun punto de vista innovador e orixinal: o de Aldonza Lorenzo.” (Santiago Reinal, 1º Bach.)
“Un dos detalles que máis me gustou foi que todo o que se utilizou no escenario levábao a actriz enriba e íao collendo conforme lle facía falta.” (Nerea G. Martínez, 1º Bach.)
“Esta é unha obra na que Aldonza Lorenzo se rebela contra a personaxe que Cervantes lle atribuíu na súa novela (Dulcinea do Toboso).(...) É unha obra irónica e a actriz, Mercedes Castro, dálle un toque de humor coa súa interpretación. (...) Aldonza Lorenzo critica a imaxe que Cervantes deixou dela e séntese unha muller a punto de perder a súa propia identidade  e ademais anoxada por unha fama non buscada. (...) A obra transmite así un certo feminismo.” (Sara Agís, 1º Bach.)
“Un papel complicado e unha boa posta en escena, aínda que con pequenos imprevistos. O cambio que dá a protagonista, renegar da súa sona de Dulcinea para ser ela mesma, a verdade é que me impresionou.” 
(Nerea G. González, 1º de Bach.)

Saída didáctica a Santiago


O pasado 31/10/2017 o alumnado da materia de física, de 2º de bacharelato, acompañados polo seu profesor Francisco Casas, foron o Obsrevatorio Astronómico de Santiago de Compostela. A visita, según nos contaron resultou agradable, instructiva e pedagóxica. Está ben saír das aulas e aprender de outras maneiras de vez en cando.


Samaín 2017



 Estas son algunhas das nosas catrinas da Campaña de resurrección de palabras galegas que levamos a cabo como actividade en 2º de ESO durante este Samaín 2017.



Magosto en Vilalonga


O venres, día 17 de novembro, celebramos o outono cun magosto no patio do instituto. Comemos castañas asadas e divertímonos con xogos tradicionais: o aro, a ra, os zancos, etc.
       Foi un exercicio de convivencia e entretemento.


Divertímonos cos xogos populares.




As castañas

estaban moi boas.




                                        Xogamos xuntos._

25N "Contra a violencia institucional. Xustiza para todas"






Para irmos  traballando o 25N
porque, por desgraza, segue sendo necesario tratar estes temas.





Ligazón do STEG para traballar a violencia de xénero, neste caso a violencia institucional.

Concurso de adhesivos do EDLG do Salnés


Resultado de imagen de imaxes fotos do pergamiño vindelXa está en marcha a nova convocatoria para o CONCURSO DE ADHESIVOS da Coordinadora de EDLG do Salnés.

Este ano o tema é "DO PERGAMIÑO Ó DIXITAL"


Os traballos terán que ser orixinais e inéditos e poden presentarse en calquera formato sobre papel ou cartolina, así mesmo poden empregarse cores e a técnica será libre. Por detrás deberás poñer o teu nome, apelidos, curso e centro escolar.


O prazo de entrega remata o 23 de xaneiro de 2018. 
Resultado de imagen de imaxes fotos do pergamiño vindel

Lembrade que hai dous premios por categoría:

- primeiro ciclo de ESO
- segundo ciclo e FPB 
- bacharelato e ciclos