MENUDO VENRES TERRORÍFICO!!

 

🎃 O Samaín  da nosa Biblioteca! 🦇👻

 

ABRE A PORTA E ENTRA (se te atreves)!! 

          Xa pasou o venres, pero aínda temos na retina o ambiente misterioso e divertido que vivimos na nosa biblioteca para celebrar o Samaín. Foi unha xornada máis que especial na que o terror, a literatura e a convivencia foron os grandes protagonistas.

Se non puidestes asistir ou queredes lembrar algúns dos mellores momentos, este venres celebramos o Samaín na Biblioteca e tivemos de todo:

• 🏆 Entrega de premios do concurso de microrrelatos: Noraboa a todas as persoas participantes e premiadas pola vosa fantástica imaxinación escura! Os vosos relatos deixaronnos coa pel de galiña. Podedes ler algúns dos presentados no corredor inferior do edificio I.

   

  
   

   

• 📸 Photocall para levar un recordo: Un espazo onde ninguén puido resistirse a posar coas caracterizacións máis orixinais e terroríficas.

  
   
  
  
  
  
  
  

• 📚🎬 Selección de lecturas e películas: Unha coidada mostra de libros e títulos cinematográficos recomendados para pasar momentos de verdadeiro terror e intriga esta fin de semana.

   

   

  
  
   

• 🕸️ Un ambiente do máis arrepiante: Decoracións elaboradas con moito mimo para transportarnos a outra dimensión.

  

  
   
  
  
   

🎥 O vídeo do día

Non vos perdades detalle! Premede no seguinte enlace para ver en acción todo o que pasamos: 👉 [ Aquí tedes un vídeo resumo do que pasamos ] 

⚠️ Un aviso importante: E non esquezades, os que pasáchedes polo Photocall, vir a próxima semana recoller a vosa foto impresa para gardala de recordo! Estará agardando por vós na biblioteca.

Moi boa fin de semana de Samaín para toda a comunidade escolar!!! 🕷️🍬💀

Xa chegou o Samaín á Biblioteca! Libros, misterio e creatividade!

 

Xa se respira ese ambiente tan especial. As follas caen, os días acurtan e nas rúas (e nos corredores do instituto) comeza a sentirse a maxia do Samaín. Na biblioteca xa temos todo preparado para celebrar estas datas como merecen: con moita imaxinación, un chisco de terror e, sobre todo, boas historias.

 Concurso de cabazas con materiais reciclados: "Imaxina a túa cabaza"

 

Concurso de microrrelatos: "Píldoras terroríficas"

 

O recuncho do medo: Selección de libros e películas

Se o teu plan perfecto para estes días é acubillarte cunha manta e unha boa historia de suspense, pásate pola biblioteca. Preparamos unha selección especial con:

• Novelas de terror, misterio e intriga que che atraparán desde a primeira páxina.

• Recomendacións cinematográficas para pasar unha tarde de cine... e moito medo.

 

Este Samaín, non te limites a mirar: participa, le, crea e vive o terror (e a diversión) dende a biblioteca do IES.

Agardamos as vosas creacións e as vosas visitas! 🎃📚👻

FELIZ DÍA DAS BIBLIOTECAS!!!

Hoxe celebramos o Día das Bibliotecas, unha data para lembrar que estes espazos son moito máis que libros: son puntos de encontro, aprendizaxe, creatividade e comunidade.

Baixo o lema deste ano, «Sen profesionais, non hai bibliotecas», queremos recoñecer e agradecer o traballo de todas as persoas que coordinan as bibliotecas non só nos centros educativos, senón as municipais, grandes dinamizadoras da vida cultural das vilas, sobre todo das pequenas. 

Queremos anirmar a todos e todas a poñelas en valor, porque teñen moito que ofrecer. E imitando unha frase que non é nosa, só podemos dicir:

Longa vida ás Bibliotecas!!!

24 de outubro, Día das Bibliotecas

 

 ¡MISIÓN CUMPLIDA!

Que farías se un virus descoñecido ameazara con borrar por completa a nosa capacidade pensar?

Iso foi o que ocorreu hoxe no noso IES. Pero, tranquilos, o alumnado do IES de Vilalonga puido atopar o antídoto. 

Para celebrar o Día das Bibliotecas, que se conmemora todos os 24 de outubro, a nosa Biblioteca converteuse nunha zona de conrentena e resolución de enigmas.

 

Organizados por equipos, o alumnado aceptou un reto contra o reloxio:

  atopar o antídoto definitivo para desactivar o virus da ignorancia.

🔍 En que consistía a misión?

Para dar co antídoto, non servía calquera busca en internet. Tiveron que converterse en verdadeiros detectives da información e enfrontarse a varios desafíos:

1. Descifrar a CDU (Clasificación Decimal Universal): Traducir códigos numéricos para saber en que andel se escondía parte da fórmula.

2. Rastrear libros clave: Localizar dentro da Biblioteca diferentes libros, unicamente co título e autor, dentro dos que atoparían outra parte das pistas.

3. Ordear correctamente o antídoto: Unha vez atopadas todas as palabras, ordear a oración que, pronunciada en voz alta, aniquilaría para sempre o virus.

🧠 Traballo en equipo e lóxica ao rescate

O ambiente na biblioteca foi incrible. Houbo carreiras entre andeis, traballo en equipo, debates exprés e, sobre todo, moita concentración. Cada libro atopado restaba minutos á propagación do virus e achegaba os grupos á solución final.

Ao final, grazas á axilidade, á intuición e ao bo uso dos recursos da nosa biblioteca, todos os equipos conseguiron desactivar o virus a tempo!

📚 As bibliotecas: o noso mellor antivirus

Esta actividade lembrounos algo fundamental: nun mundo cheo de desinformación, saber buscar, investigar e pensar por un mesmo é o mellor antídoto posible. E para iso, a biblioteca do instituto sempre será o noso mellor refuxio.

Pásate pola biblioteca esta semana, bota unha ollada ás novidades e lembra que as portas (e os libros) sempre están abertos para ti!

ESTAMOS DE VOLTA

 A bibliteca do IES xa está aberta nos recreos para que todo o alumnado poida achegarse a desfrutar dun espazo con algunhas novidades con respecto ao curso pasado. Unha nova organización para que sexa máis doado atopar os recursos que buscas, unha sección de xogos e a sección de cine exposta que funciona modo de videoclub. E, se non tes reproductor de DVD, non te preocupes, tamén temos solución para iso.

 PÁSATE POLA BILIO E DESCOBRE TODO O QUE TEN PARA TI!!!

VIAXANDO COA IMAXINACIÓN

 

POSTAIS DENDE...

Imaxinas poder mandar unha postal desde o cumio do Everest, unha rúa chuviosa de Toquio ou unha praia secreta no Caribe sen moverte da aula? O noso alumnado fíxoo posible grazas a unha actividade intercentros moi especial que nos encheu a biblioteca de cor, creatividade e imaxinación.

Nas últimas semanas, unimos forzas con outros institutos  de Galicia nun proxecto de correspondencia moi particular. A proposta era sinxela pero fascinante: deseñar e enviar unha postal como se estivésemos no noso "lugar ideal" (real ou imaxinario).

Os centros que participaron na iniciativa foron o IES de Vilalonga, o IES Monte da Vila de O Grove, O IES Armando Cotarelo Valledor, de Vilagarcía e o IES Praia Barraña de Boiro.

🎨 Creatividade sen fronteiras (nin billete de avión)

O proceso foi pura maxia. O alumnado converteuse en artista por uns días para crear as súas propias postais que deseñaron empregando diferentes técnicas.

📨 O correo xa chegou!

Estes días estivemos recibindo nos nosos buzóns as postais que nos enviou o alumnado dos outros centros participantes. É emocionante ver como a mocidade comparte os seus soños, refuxios e inquedanzas a través do papel, recuperando unha tradición tan fermosa como a do correo postal.

🖼️ Ven visitar a nosa "Axencia de Viaxes" na Biblioteca

Para que ninguén perda estas obras de arte, creamos unha exposición especial na entrada da biblioteca. Podes pasar cando queiras para viaxar a través dos ollos de rapaces e rapazas de toda a comunidade.

Queremos dar os parabéns a todo o alumnado pola súa implicación e orixinalidade, e agradecer aos outros IES por facer posible este intercambio cultural tan enriquecedor.

E ti, a onde enviarías a túa postal ideal? 🌍✨

PRÉSTAMOS DE VERÁN, VERÁN DE PRÉSTAMO

 

📚 O verán xa está aquí! Pilla o teu "pack" de lecturas na biblioteca

Chega o momento máis agardado do ano: rematan as clases, os exames son cousa do pasado e por fin temos por diante semanas de sol, praia, piscina e moito tempo libre. E que mellor compañeiro para as túas vacacións que unha boa historia?

Este verán non queremos que pases calor sen un bo libro nas mans. Por iso, dende a biblioteca do IES preparamos todo o necesario para que o teu tempo de lecer sexa redondo.

🏖️ Que temos preparado para ti?

Para que non perdas tempo buscando, facilitámosche o traballo. Pásate pola biblio estes días e bota un ollo a todo o que temos listo:

• Unha selección especial de verán: Escollemos a dedo historias frescas, de misterio, de amor, de aventuras e de fantasía que enganchan dende a primeira páxina. Ideal para ler á beira do mar ou da piscina e incluso no monte!

  
  
   

• Novidades frescas: Acaban de chegar ás nosas estanterías os títulos máis demandados do momento. Queres ser o primeiro en botarlles a man? Esta é a túa oportunidade.

  
  
   

• Máis que libros... Pelis! 🎬: Se es dos que prefiren o formato audiovisual para as tardes de choiva (ou de moita calor), lembra que tamén temos unha coidada selección de películas en préstamo.

  
  
   

📌 Como funciona o préstamo de verán?

Moi sinxelo. Podes levar os libros e pelis que queiras estes días e non terás que devolvelos ata a volta en setembro, co comezo do novo curso. Así de fácil, sen présas nin preocupacións.

O dato: Ler no verán non ocupa espazo na maleta, non gasta batería e lévate a lugares onde os avións non chegan.

Antes de marchar de vacacións, fai unha parada na biblioteca, elixe as túas lecturas e asegura un verán cheo de grandes historias.

Agardámoste cos brazos abertos e os libros listos! Bo verán a todos e todas! ☀️📖

OUTRAS ACTIVIDADES QUE FIXEMOS DURANTE O ANO

 Bo día! 

Velaquí a lembranza dalgunhas das actividades realizadas polo EDGL e a Biblio durante este ano e que quedaron sen subir!

Unha proba que fixemos durante o día das letras galegas. Neste ano rememoramos a Begoña Caamaño a través dunha proba en toda a etapa da ESO :)

O nadal :)

Unha charla sobre o mundo dos videoxogos en galego co alumnado de 4º ESO. 

DESCIFRANDO MISTERIOS E LIBREANDO POR PONTEVEDRA

Saída dos clubs de lectura do IES

Ola, bibliófilos e bibliófilas! 

O pasado luns, 8 de xuño, os Clubs de Lectura do instituto cambiamos as catro paredes da biblioteca por unha xornada de aventura, misterio e, por suposto, moitos (pero moitos) libros polas rúas de Pontevedra. E si, confirmamos: ler abre portas e resolver pistas abre caixas!!

Se non viñeches, perdiches un día épico. Pero non te preocupes, que aquí che contamos todo.

🕵️‍♂️ Empezamos a mañá poñendo a proba as nosas mentes de detectives nun Escape Room. Divididos por equipos, tivemos que traballar en equipo e a contrarreloxo para descifrar enigmas, abrir candados e superar un reto que nos fixo suar a camiseta (e activar todas as nosas neuronas). Spoiler: demostramos que o alumnado deste IES ten nivel de axente secreto.  😎

 

 

🛍️ Despois de liberar adrenalina, chegou o momento estrela. Convertémonos en comisarios literarios oficiais do instituto. Fomos de ruta por algunhas das librarías máis chulas de Pontevedra cunha misión moi especial: escoller e mercar os vindeiros libros que van encher os andeis da nosa biblioteca.

 

A mellor parte? Que foi o propio alumnado quen decidiu que títulos mercar. Desde o manga máis buscado ata algún deses clásicos que non te podes perder, pasando por historias de amor e algo de historia recente. Un lote ben variado!

📦 Que significa isto?

Que en cuestión de días poderás escoller entre estas interesantes novidades (e o resto de libros da biblioteca) para levar as lecturas de verán.

Datos importantes que debes saber:

• Novidades directas: Libros escollidos polos teus compañeiros/as, sen filtros.

• Dispoñibilidade: En canto estean listos e catalogados, avisaremos por aquí e polas nosas redes para que sexades os primeiros en estrealos.

👇 Déixanos un comentario: Cal cres que foi o libro máis top que mercamos? Que xénero tes máis ganas de pillar de préstamo?

As lecturas unen

 IES de Vilalonga e IES Monte da Vila

xuntan os clubs de lectura de persoas adultas

 

Este martes, 26 de maio, os clubs de lectura de persoas adultas do IES de Vilalonga e do IES do Monte da Vila fixemos unha reunión conxunta, pois compartimos dúas das lecturas este curso: Comerás flores, de Lucía Solla Sobral e As tolas que non o eran, de Carmen V. Valiña, dúas obras non deixan indiferente, aínda que as realidades que expoñan sedan ben distintas.

A primeira fíxonos reflexionar sobre o concepto do amor, as relacións tóxicas e a imposibilidade dalgunhas persoas de saír delas, aínda que as leve a autodestruírse.

No caso da obra de Carmen V. Valiña, as impresións foron moi semellantes entre os lectores: cantas de nós non estaríamos dentro se vivisemos naquela época?

Unha moi grata experiencia que esperemos repetir no vindeiro curso!!