O autor Xesús Fraga é o recente gañador do Premio Nacional de Narrativa 2021 coa súa obra Virtudes (e misterios).
Este premio é concedido polo Ministerio de Cultura e Deporte. O xurado escolleu esta obra “por amosar cunha prosa moi coidada, no fondo e na forma, a historia de dúas xeracións de mulleres valentes dunha familia en tempos hostís, e adentrarnos nun relato sobre a emigración galega en Inglaterra e América”.
Ademais, o xurado sinala: “Con esta novela contemplamos a inmigración, cos seus claros e escuros, desde as súas dúas beiras, a dos que marchan e a dos que quedan e tamén desde o punto de vista dos que viven a cabalo entre dous mundos”.
(Fonte: Falamos de libros (Ed.Galaxia))
