Obradoiro de portugués

OPS! O PORTUGUÊS SIMPLES.

É o nome do obradoiro sobre a lingua portuguesa, que impartiu no noso centro o pasado día 19 de decembro a profesora Noemí Pinheira ó alumnado de 3º da ESO.

Este obradoiro de cen minutos de duración pretende achegarlles ós rapaces as vantaxes que ten o coñecemento do galego para comprendermos facilmente a lingua portuguesa.

Cunha actividade sobre a canción de Adriana Calcanhoto rematou o obradoiro.



Pero a canción que houbo que escoitar e cantar, a petición do alumnado, foi a popular "Ai se eu te pego".

Déixovos aquí o enlace da parodia que lle fixeron os do programa de Tourilandia da TVG a esta canción:"Ai se me opero". Para irmos abrindo boca cara ó Entroido.