O CMDC Breogán do Grove colabora coa Biblioteca do IES de Vilalonga

O Presidente do CMDC Breogán do Grove, Félix Lamas, coa coordinadora da Biblioteca do IES, Alba Piñeiro.

O CMDC Breogán do Grove cedeu temporalmente a exposición "Balcóns con memoria. Castelao vive" que fixera co gallo do ano Castelao e que estivera exposta nos balcóns da villa meca durante o verán. Esta exposición, que colocamos no IES para conmemorar o día das Artes, está composta de cadros de artistas do municipio grovense que fixeron unha interpretación de obras ou da propia figura do autor galego. Entre os artistas que cederon estas obra atópanse caricaturistas consagrados, como Gogue, ilustradoras, como Lucía Cid ou fotógrafos, como Paco Luna.

Unha oportunidade única para celebrar as artes cunha visión máis local, e para coñecer de preto as obras de artistas da contorna.

Unha marabilla para os sentidos que percorre o corredor do IES e que podedes contemplar aquí.