Orgullosos do noso ex alumnado

       Darío Ferreira Martínez, ex-alumno do IES Vilalonga, deu unha conferencia o venres 5/05/2017 no salón de actos do noso Centro ao alumnado de 1º de bacharelato. O tema era "A teoría de cordas",  organizada polo profesor de física e química Tomás Álvarez Torres, posto que o alumndo dese nivel mostrara interese por este tema. Darío está estudando 2º de Física na Univerdidade de Santiago de Compostela. Utilizou unha linguaxe e unha orde extraordinariamente pedagóxicas para explicarnos como se chegou a dita teoría e en que consiste esta.

Ó rematar abriu unha quenda de preguntas na que o  alumnado preguntou as súas dúbidas sobre a teoría e tamén sobre a física en xeral. Esta parte prolongouse no tempo, dado que o relator  resultou moi entretido e interesante.

Coloquio de ex-alumnos/as con alumnos/as de 2º de bacharelato.

O venres 29 de abril tivo lugar o encontro entre ex-alumos/as do Centro que están cursando primeiro na Universidade e alumnos/as de 2º de bacharelato, como xa ven sendo habitual nos últimos anos.

Os universitarios comentan a súa experiencia na Selectividade e danlle consellos aos aspirantes, en xeral tratan de quitarlle ferro ao asunto e de tranquilizalos. Comentan tamén as súas experiencias no 1º ano de facultade: a matrícula, as clases, os profesores, a vida fora da casa,etc.

Resultou unha xornada moi agradable e ata divertida, esperamos que tamén útil.

ÁNIMO CHICOS/AS!