"O incerto Sr. Cunqueiro"

Non debe ser casualidade, máis ben parece maxia da do mago Merlín, que coincidan na mesma semana o aniversario do nacemento de Rosalía de Castro e o aniversario do pasamento de Álvaro Cunqueiro.

 

Aquel que deixou escrito para o seu epitafio: "Eiquí xaz alguén que coa súa obra fixo que Galicia durase mil primaveras máis"

Este documental titulado "O incerto Sr. Cunqueiro" tenta destapar unha figura tan grande como é a do noso autor ÁLVARO CUNQUEIRO, que se viu soterrada pola época que lle tocou vivir. Antón Reixa dirixe os testemuños de familiares, escritores, críticos, amigos e especialistas como Xuan Vello, Quico Cadaval, Xavier Castro, César Cunqueiro, Juan Ramón Díaz, Luis Mateo Díez, Francisco Fernández del Riego, José María Merino, César Antonio Molina, César Morán, Sacha Ormaechea e Nélida Piñón.

Álvaro Cunqueiro. Aniversario (1911-2011)

Exposición Álvaro Cunqueiro. Aniversario do seu nacemento (1911-2011)

Exposición sobre a vida e a obra de Ávaro Cunqueiro elaborada polos Equipos de Normalización Lingüística do CEIP Galán (Oseiro - Arteixo) e CEIP Fernández Latorre (A Coruña) con motivo do centenario do seu nacemento, que acabamos de celebrar o pasado ano.

Cunqueiro no seu centenario.

Cartaz dixital de Álvaro Cunqueiro realizado polo CPI O Progreso de Catoira.

Na nosa biblioteca tamén podes atopar o folleto da exposición "No niño novo do vento", que está a percorrer unha parte de Galicia con motivo do seu centenario e na que se resume a súa traxectoria e obra. Así como unha escolma de dezaseis poemas realizada para esta exposición.