Viaxe didáctico a Roma

A semana do 28-02 ao 04-03 de 2024 levouse a cabo un viaxe didáctica a Italia. Participaron 25 alumnas/os de 2º de bacharelato C-D. Os profesores responsables desta actividade foron José Dopazo Blanco do Departamento de Latín e Grego e Mª Teresa Fidalgo Villaverde do Departamento de Xeografía e Historia. O obxectivo principal era poñer en contacto ao alumnado coas obras de arte na realidade e tratar de que comprenderan a súa importancia para explicar o pasado e o presente da humanidade. 

Visitamos Roma, situada no centro da península italiana, a súa importancia histórica é enorme, antigamente foi a capital do Imperio romano e hoxe é a capital do país. Situada na rexión do Lacio e atravesada polo río Tíber, ten unha poboación de 2.600.000 habitantes. Posúe gran cantidade de monumentos do antigo esplendor e monumentos e obras artísticas de valor incalculable.

Na zona oeste da cidade encóntrase o Vaticano, é un estado independente, centro da Igrexa Católica.

Visitamos gran cantidade de museos, catedrais, prazas, pazos, fontes... O alumnado que participou na actividade calificouna de moi positiva.

Visita didáctica a Catedral de Santiago

O martes 14 de marzo o Departamento de Historia e Arte  e o de Latín organizaron unha saída didáctica a Santiago de Compostela, para visitar a catedral. O alumnado de Historia da Arte de 2º de bacharelato puido desfrutar dunha explicación in situ deste monumento. Vimos as fachadas, as prazas, o interior, o Pórtico da Gloria, as cubertas, a tribuna, etc. O obxectivo era poder gozar da obra na realidade, analizar os elementos e as partes que a compoñen e desenvolver a conciencia da súa importancia no pasado e na actualidade.

Saída didáctica a Pontevedra

 O alumnado de 2º da ESO do IES de Vilalonga foi de excursión a Pontevedra o venres 13 de maio. Organizaron esta saída as profesoras de Xª e Historia Patricia Díaz e Gala Puy. Fixeron unha visita guiada ao Museo de Pontevedra:

Despois percorreron a zona antiga da cidade acompañados dunha guía local:

Pasaron un día estupendo, a experiencia foi moi positiva segundo nos dixeron.