CHARLAS SOBRE DIVERSIDADE SEXUAL COA ASOCIACIÓN ARELAS

Esta semana o alumnado de 3ºESO e 4ºESO participou con representantes de ARELAS, Asociación de familias de menores trans, nunhas charlas sobre diversidade sexual, tan necesarias para o coñecemento e formación no respecto da diversidade en todos os aspectos da sociedade, pero nesta ocasión poñendo a atención na defensa dos dereitos dxs nenxs e adolescentes trans en todos os ámbitos da vida.

Seguimos contribuíndo a que o noso alumnado sexa parte dunha sociedade diversa, baseada no respecto e a inclusión, desde un ensino público e de calidade.

Letras Galegas 2018

"Sombra e luz". A Secretaría Xeral de Política Lingüística enviou ao noso Centro dez carteis, mais unha unidade didáctica, co gallo do Día das Letras Galegas 2018. Estes materiais foron elaborados polo IES Gonzalo Torrente Ballester de Pontevedra. O obxectivo  é dar a coñecer a figura e a obra de Mª Victoria Moreno Márquez e analizar, xa con certa prerspectiva histórica, unha época de transcendental importancia no proceso de normalización lingüística e especialmente fecunda en manifestacións culturais na nosa lingua (nas súas palabras).

 O alumnado de 3º da ESO A estivo traballando con estes materiais e despois axudou a colocar os dez carteis no cubo da entrada para que estiveran expostos a toda a comunidade escolar.

FELIZ DÍA DAS LETRAS GALEGAS A TOD@S!!!!!!!! 

Sofía Mª Martínez-Almeida  (3º ESO A)
 é a autora deste fermoso cartel.