Adeus a Manuel Marías

 1951-2022

O escritor Javier Marías, autor de novelas como Corazón tan branco, Todas as almas, O teu rostro mañá ou Tomás Nevinson, faleceu este domingo en Madrid por mor dunha pneumonía, segundo confirmaron fontes da familia. Tiña 70 anos.

Madrileño do barrio de Chamberí, académico da lingua e colaborador do PAÍS, Marías estreouse como escritor en 1971, con 19 anos. Debutou cos Dominios do lobo, unha novela redactada “polas mañás” —considerábase escritor “vespertino”— no apartamento parisiense do seu tío, o cineasta Jesús Franco, para o que traducira guións sobre Drácula. O libro está dedicado ao seu mestre Juan Benet —que mediou coa editorial Edhasa para que se publicase— e ao seu amigo Vicente Molina Foix, que lle “regalou” o título.

Xornal: O País

Novo curso. Nova etapa.

 

Benvidos ao curso escolar 2022/23 no IES de Vilalonga!

Empezamos con ilusión e forza. 

A DERRADEIRA VIAXE EN BARCO DE DOMINGO VILLAR

Esta semana foi a do 17 de maio, data que escollemos e iniciamos en Galiza para a homenaxe e celebración de persoas que entregaron parte da súa vida á cultura, lingua e sobre todo literatura galega, mais esta semana das Letras Galegas foi tamén na que partiu unha das persoas que máis teñen feito pola literatura galega nos últimos anos, Domingo Villar. 

Con Ollos de auga Domingo Villar achegounos alá polo 2006 a unha literatura en galego feita para lectores e lectoras de todas as linguas e culturas e nun momento no que as letras galegas precisaban un pulo cara adiante como o que lle deu o inspector Leo Caldas, personaxe que nos levou de visita por Vigo e arredores e que seguimos en A praia dos afogados e O último barco.

Podemos dicir que foi unha sorte que Domingo se decidira a publicar Algúns contos completos deses que tiña agochados nos seus papeis e na súa memoria, porque xa non teremos oportunidade de escoitarllos lembrar.

De seguro que Leo Caldas estaría de novo a pasear por Vigo, tomándose uns viños, no momento que o destino quixo que Domingo Villar collese o barco da súa derradeira viaxe, aínda que esta deixe na súa singradura a pegada das letras inmortais que celebraremos aínda tantas veces.

 

                              

VISITA DE EVA MEJUTO

 Este pasado martes 3 de maio tivemos a visita de Eva Mejuto para compartir co alumnado de 2º da ESO as impresións e opinións sobre as súas obras 22 segundos e Memoria do silencio. Ambas tratan temas que nos deixan ver outras realidades, outras formas de ser e existir e como visibilizar os colectivos e historias que seguen a ser silenciados. Saber poñerse na pel das demais persoas e aprender das heroínas silenciosas e silenciadas é ben importante nestes tempos, é de xustiza.

Moitas grazas Eva por volver ao que un día foi o teu centro!