Adeus a Manuel Marías

 1951-2022

O escritor Javier Marías, autor de novelas como Corazón tan branco, Todas as almas, O teu rostro mañá ou Tomás Nevinson, faleceu este domingo en Madrid por mor dunha pneumonía, segundo confirmaron fontes da familia. Tiña 70 anos.

Madrileño do barrio de Chamberí, académico da lingua e colaborador do PAÍS, Marías estreouse como escritor en 1971, con 19 anos. Debutou cos Dominios do lobo, unha novela redactada “polas mañás” —considerábase escritor “vespertino”— no apartamento parisiense do seu tío, o cineasta Jesús Franco, para o que traducira guións sobre Drácula. O libro está dedicado ao seu mestre Juan Benet —que mediou coa editorial Edhasa para que se publicase— e ao seu amigo Vicente Molina Foix, que lle “regalou” o título.

Xornal: O País

Novo curso. Nova etapa.

 

Benvidos ao curso escolar 2022/23 no IES de Vilalonga!

Empezamos con ilusión e forza. 

PLAN PROXECTA: LINGUA, PATRIMONIO E COÑECEMENTO TRADICIONAL

Aínda que este curso foi un pouco complicado, especialmente no seu inicio, conseguimos sacar adiante co alumnado de 1º ESO parte do programa do Plan Proxecta de Lingua, patrimonio e coñecemento tradicional, un programa que se dá en colaboaración coa Consellería de Educación e a Universidade de Santiago- Instituto da Lingua Galega.

Este programa está integrado no proxecto GEOARPAD, enmarcado no programa operativo EP-INTERREG V A España-Portugal (POCTEP), un proxecto transfronteirizo que ten como finalidade fundamental o coñecemento e valorización do patrimonio cultural da Eurorrexión Galicia – Norte de Portugal e co que traballamos de xeito interxeracional o vocabulario do mar e da vendima e puidemos comentar nas aulas algunhas diferenzas das variedades xeográficas referidas a estas terminoloxías e afondar no léxico tradicional, o galego e a culrura local e tradicional.

 Aquí van algúns dos audios das entrevistas do alumnado sobre o vocabulario da vendima: 

Vendima 01

Vendima 02

 

Vendima 03

 

 

E aquí algúns exemplos das entrevistas do mar:

Mar 01

 

Mar 02

 

Mar 03.

Proxecto Hazlo verde.

 

Proxecto promovido pola empresa Leroy Merlin. Dirixido a concienciar ao
alumnado de secundaria sobre a economía circular, o consumo responsable
(ODS-12) e a necesidade de conservar o medio ambiente.
O alumnado de 4º ESO da materia de Bioloxía e Xeoloxía e Ciencias aplicadas á
actividade profesional transformaron residuos en recursos para elaborar murais
artísticos, proxectos ou obxectos funcionais.

Se amas á Terra, Recicla e Conserva!!!

Programa Xente con Don

 

A finalidade deste proxecto foi proporcionar ao alumnado de 3º e 4º da ESO,

coñecementos básicos sobre as principais Infeccións de Transmisión Sexual (ITS)

incluíndo as medidas de prevención para evitalas. Para isto, promoveuse a

elaboración dun equipo de traballo formado polo alumnado e o profesorado das

materias de bioloxía e xeoloxía, matemáticas, debuxo e física e química para

traballar, de forma transversal, distintas tarefas como a procura de información

sobre ITS e métodos de barreira, deseño de carteis, vídeos ou folletos

informativos. 

E recorda... Ti decides o que compartes!

MOTIVACIÓN, ESFORZO, SUPERACIÓN E ÉXITO, CLAVES DAS NOSAS ALUMNAS EXEMPLARES DA OFERTA MODULAR DA EMPRESA

Claro exemplo de que case sempre se cumpre o dito de que quen quere, pode, sexa cal sexa a etapa da vida na que unha se atope, son as alumnas exemplares da Oferta Modular da Empresa. Foi unha experiencia gratificante para o profesorado traballar cun grupo tan motivado, do cal dúas das alumnas dependen xa só das prácticas de setembro para graduarse.

O bo descanso merecido comeza co peche do curso e unha comida de xuntanza! (Falta Inés, pero agardamos que poida estar na vindeira).

Parabéns

ao profesorado e alumnado do IES de Vilalonga, por comtribuír en todos os niveis a un ensino público e de calidade!

SOMOS XENTE DE RADIO!!

 O pasado día 10 continuamos dándolle forma ao noso proxecto de radio no centtro, neste caso con formación a cargo de Luis Pardo para que o alumnado saiba empregar as técnicas necesarias para ser grandes locutores/as.

LIBRO DIXITAL DO PROXECTO LENDAS DE AQUÍ E DE ACOLÁ

 

Como resultado do proxecto Lendas de aquí e de acolá, que este ano realizou o alumnado de Francés de 1º de bacharelato en colaboración co alumnado do curso de Iniciación ao galego niveis 1 e 2 da Universidade da Sorbonne Nouvelle (Centro de Estudos Galegos), presentamos o libro dixital coas versións bilingües das lendas en galego e en francés procedentes de diferentes culturas.

Para ver o resultado final preme na ligazón:

https://www.calameo.com/books/0070998395d83f2eb3f30

Roteiro interdisciplinar en Sanxenxo

 

Ao largo do curso 2021-2022 formouse un grupo de traballo no IES de Vilalonga chamado "Roteiro matemático" a súa coordinadora foi a profesora de matemáticas Estela Prol. Participaron no mesmo profesores de diversas materias. O resultado dese traballo que unía o uso das TICs coa posta en práctica dos coñecementos teóricos impartidos nas aulas foron dúas saídas a Sanxenxo:

Os días 13 e 15 de xuño varios seminarios do IES de Vilalonga fixeron un roteiro polo paseo de Silgar en Sanxenxo. O obxectivo era levar a clase a realidade da contorna. Participaron os seminarios de matemáticas, plástica, física e química e xeografía e historia. O roteiro consistía en facer distintas actividades das diferentes materias ao largo do paseo, usando como base elementos situados no mesmo.

Estivo un día soleado e o alumnado mostrouse moi resolutivo, a experiencia foi moi positiva. O luns  13 foi o alumnado de 3º da ESO e o mércores 15 o de 4º da ESO, ademais despois da pandemia, poder saír todos/as xuntos/as e facilitar a convivencia tamén resultou positivo.

Roteiro literario en Celanova

O día nove de xuño o alumnado de 4º da ESO viaxou a provincia de Ourense, acompañados polos profesores Victoria Villar Mosquera de Lingua e Literatura Galega, María Elisa Vidal Cacabelos de Física e Química e Iván García Ambruñeiras de Xeografía e Historia. Fixeron distintas actividades, a pesar da calor que soportaron ese día. Visitaron a casa do escritor galego Curros Enríquez, leron uns poemas na praza maior do concello:

Foron ao Mosteiro de San Rosendo de Celanova, onde visitaron a igrexa, e puideron gozar do órgano e escoitalo, tamén viron o Oratorio mozárabe de San Miguel que se encontra no interior do mosteiro:

Pola tarde visitaron Vilanova dos Infantes que é unha vila medival moi ben conservada situada a dous quilómetros de Celanova e alí visitaron a Torre do Homenaxe do antigo castelo, as covas de San Vivián e o Museo etnográfico dos zapateiros:

Por último foron ao xacemento de Castromao:

A saída foi calificada como moi positiva polo alumnado, quitando a calor. 😓