Dentro das actividades desenvolvidas polos grupos de diferentes cursos para estes 21 días co galego e +, o alumnado de 1ºESO do IES de Vilalonga realizou para o Departamento de Matemáticas, en colaboración co EDLG, unha recollida de información tanto escrita como visual (con vídeos e fotos) de diferentes medidas tradicionais que aínda se lembran nas familias de Sanxenxo.
Algunhas recollémolas en imaxes e podémolas ver expostas nos corredores do IES de Vilalonga; outras irán aparecendo...
A estadounidense KarenUhlenbeck leva o Premio Abel polas súas revolucionarias investigacións na intersección co mundo da física.
Hai medio século, a estadounidense KarenUhlenbeck,
por entón unha nova e prometedora matemática, púxose a buscar un
emprego, tras dous breves traballos temporais como profesora no
Instituto de Tecnoloxía de Massachusetts e na Universidade de Berkeley.
“Dixéronme que ninguén contrataba a mulleres, porque as mulleres debían
estar na casa e ter bebés”, lembrou nun libro en 1997. Hoxe, a Academia
de Ciencias e Letras de Noruega decidiu conceder a Uhlenbeck o Premio Abel 2019, dotado cuns 600.000 euros e considerado o Nobel das matemáticas.
Apenas mo podo crer. Estou profundamente agradecida", explicou Uhlenbeck este martes ao PAÍS nun correo electrónico. "Pertenzo á primeira xeración de mulleres que podían esperar unha progresión profesional. Quizá non igual que os homes, pero as portas xa non estaban pechadas. Nas décadas de 1960 e 1970, cando se eliminaron as barreiras legais para avanzar, esperabamos que as mulleres e as minorías entrarían polas portas e ocuparían o lugar que lles corresponde, polo menos no mundo académico. Quedou demostrado que non era tan fácil, pero conseguiuse un progreso tremendo, polo menos para as mulleres. As mozas matemáticas de hoxe son un grupo de talento impresionante e diverso. Espero contribuír, á miña maneira, xunto a outras persoas, a abrir estas portas pechadas e a mantelas abertas de pao a pao", engade a galardoada.
O Departamento de Matemáticas e a Biblioteca do IES de Vilalonga traen a exposición Dalí arte, Dalí ciencia, Dalí soño, Dalí realidade para o desfrute de todos.
Froito do traballo de varias profesoras do IES Castro da UZ das Pontes podemos facer un percorrido pola obra de Salvador Dalí e as súas etapas acompañada de textos didácticos sobre a matemática, a física e a química, as ilusións ópticas e a música.
Para ver os paneis en PDF e obter máis información sobre este traballo podedes ir a este enlace
