Música en directo
11 de febreiro
O venres 11 de febreiro celebramos o Día Internacional da Nena e a Muller na Ciencia. O 22 de decembro de 2015, a Asemblea Xeral da ONU decidiu establecer un Día Internacional anual para recoñecer o rol crítico que xogan as mulleres e as nenas na ciencia e a tecnoloxía, a través da Resolución A/RES/70/212.
Os nosos obxectivos eran:
-Visibilizar o traballo das mulleres que se dedican á áreas STEM (Science, Technology, Engineering and Mathematics), creando así referentes femininos.
- Coñecer a situación actual da muller nas áreas STEM para tentar a eliminación das trabas e prexuízos e alcanzar a igualdade de xénero no ámbito científico.
Levamos a cabo as seguintes actividades:
Colocamos, no cubo da entrada do edificio 1, unha exposición sobre mulleres científicas destacadas:
É tristemente coñecido o feito de que o papel de moitas mulleres na historia da ciencia foi, demasiado a miúdo, esquecido ou o que é peor aínda: negado. Son poucos os casos nos que algunha muller inventora, exploradora ou descubridora recibiu as honras da historia polo seu traballo.
É de xustiza recoñecer a achega que tantas valentes fixeron nos campos do desenvolvemento e a ciencia, non só xusto, senón necesario, porque hai que poñer en valor estas grandes referencias do pensamento, hai que loitar para que estas mulleres sexan o espello en que moitas persoas se miren para espertar a súa vocación científica.
Blog Astroándalus.
O alumnado de 3º da ESO participou nun concurso que consistía na elaboración de postais sobre mulleres científicas. Foi organizado pola a súa profesora de bioloxía Inés Giménez, en colaboración coa biblioteca. Os gañadores foron:
1º premio___Mateo Amado Díaz (3º ESO A)
__ Lucía Franco Torres (3º ESO B) 2º premio
Participamos na conferencia organizada por Muncyt de enxeñeiras tituladas pola Faculdade de Informática da Universidade da Coruña. Contaron a súa experiencia para que o alumnado coñecera que motiva as vocacións tecnolóxicas e como é o traballo en temas tan punteiros como a intelixencia artificial e a aprendizaxe máquina, o big data e a xeración de contidos dixitais innovadores. As charlas foron ademais unha mostra da abundancia e importancia das mulleres neste ámbito. Foi dirixida ao alumnado de 3º da ESO B.
Club de lectura de 4º da ESO
Os xoves 20 e 27 de xaneiro reuníronse os clubs de lectura de 4º da ESO A e C. Acabaron as lecturas do 1º trimestre: Alas de fuego de Laura Gallego e Percy Jackson el ladrón del rayo de Rick Riordan respectivamente. A súa coordinadora é a profesora de Lingua e Literatura galega Victoria Villar Mosquera.
Parabéns, seguide a ler, obteredes resultados.
"Os libros son unha incomparable maxia portátil" – Stephen King.
Ensino activo
O xoves 20 de xaneiro, o grupo de traballo de Mathcitymap trasladouse ao paseo marítimo de Sanxenxo. Está constituido por profesorado de matemáticas, plástica, física e xeografía e historia. Ese día buscáronse lugares concretos onde poder facer actividades co alumnado de 3º e 4º da ESO. Fixemos fotos e pensamos en posibles rutas. Agora toca concretalas, subilas a páxina correspondente e poñerse en marcha.
FORMACIÓN PARA PROFESORADO NO ESPECTRO AUTISTA
Esta semana comezamos no IES de Vilalonga a primeira das tres xornadas de formación para profesorado sobre autismo (TEA), como medio para ampliar os nosos coñecementos na diversidade e poder contribuír á formación e á inclusión do noso alumnado nunha sociedade diversa, cun primeiro chanzo a través da integración nas aulas.
Foi unha grata experiencia e unha xornada moi ben aproveitada por todos e todas.
No IES de Vilalonga seguimos traballando por un ensino público e de calidade!
Exposición DH
A Declaración Universal dos
Dereitos Humanos é un documento que marca un fito na historia dos dereitos
humanos. Elaborada por representantes de todas as rexións do mundo con
diferentes antecedentes xurídicos e culturais, a Declaración foi proclamada
pola Asemblea Xeral das Nacións Unidas en París, o 10 de decembro de 1948 (Resolución 217 A (III)) como un ideal común para todos os pobos e nacións.
A Declaración establece, por primeira vez, os dereitos humanos fundamentais que
deben protexerse no mundo enteiro e foi traducida a máis de 500 idiomas.
A DUDH é amplamente recoñecida por inspirar e achandar o camiño para a
adopción de máis de setenta tratados de dereitos humanos, que se aplican hoxe
en día de maneira permanente a nivel mundial e rexional (todos conteñen
referencias a ela nos seus preámbulos).
O IES de Vilalonga ten, estos
días, unha exposición sobre os DH, prestada por Amnistía Internacional, no
corredor do Edificio 1. Os obxectivos é que o alumnado coñeza algún destes
artigos, que os compreda e os asuma como propios e fundamentais.O seu contido
foi traballado, sobre todo, co alumnado de 3º da ESO.
Árbore de Nadal xeométrica
O alumnado de matemáticas da ESO fixo unha árbore de Nadal orixinal. Traballaron a xeometría e con distintas formas e materiais elaboraron este varios adornos de Nadal.
A xeometría é unha rama das matemáticas fundamental por iso se estuda en secundaria. O aprendizaxe da xeometría debe de ir do concreto ao abstracto, polo cal é necesario que se desenvolvan actividades con materiais concretos.
O obxectivo é desenvolver no alumnado a percepción do espazo, a súa capacidade de abstracción e visivilización, a súa habilidade para desenvolver conxecturas a cerca das relacións xeométricas entre unha ou varias figuras e poder argumentar o resultado.
A xeometría contribúe a resolver problemas prácticos como a medición de
lonxitudes, áreas e volumes, ou o trazo de lindes na terra. Ademais, desempeña
un papel instrumental para o desenvolvemento da arquitectura, a xeografía e a
astronomía.
O alumnado do ciclo de automoción colaborou na actividade.
Subscribirse a:
Publicacións (Atom)