Visitas de escritores

O escritor Santiago Lopo acudiu o pasado xoves ó IES de Vilalonga para charlar co alumnado do primeiro curso de bacharelato sobre a obra  gañadora do Premio Xerais de Novela 2017.

O autor comezou a súa intervención comentando aspectos de A arte de trobar e do oficio de escritor. A continuación, contestou as preguntas que lle foron formuladas e mesmo deu consellos  a futuros escritores e, por último, asinou exemplares dos seus lectores.

Agradecémoslle a Santiago Lopo que, unha vez máis, atopase un oco na súa axenda para achegarse a Vilalonga e que amosase unha actitude tan  próxima co noso alumnado.

Premio Nacional de Poesía 2019

Unha casa familiar reducida a entullos para abrir oco á ampliación dun aeroporto e o soño destruído das clases traballadoras. Ese é o punto de partida de Tempo fósil (2018), o libro de poemas que converteu este xoves á poeta Pilar Pallarés, de 62 anos, na terceira autora en lingua galega en recibir o Premio Nacional de Poesía despois de Manuel Álvarez Torneiro (2013) e Gonzalo Hermo (2015). O xurado designado polo Ministerio de Cultura distinguiu esta obra “por transmitir con profunda sabedoría e emoción, a un tempo lúcida e desgarrada, a experiencia da perda e da destrución do vivido”.




Durmirme na noite do teu pelo
no fío do teu beizo desvanecerme
ser tan só  pigmento da túa pelo
fósforo aceso na medula do teu óso
desposuírme
serche
no músculo que tensa as túas coxas
na vea que  azulea na túa boneca.

                                         (Pilar Pallares)

Premio Nacional das Letras 2019

O Premio Nacional das Letras Españolas ten por obxecto recoñecer o conxunto da obra literaria dun autor español, escrita en calquera das linguas españolas.

A finalidade que se persegue con este premio é dobre. Á vez que se recoñece a transcendencia dun autor e da súa obra literaria, incídese na presenza de linguas diferentes na configuración da cultura española, integrada por unha pluralidade de achegas lingüísticas que representan, cada unha delas, unha tradición literaria que forma parte de todo o noso legado cultural.

O anuncio de que gañou o Premio Nacional das Letras, dotado con 40.000 euros, pillou a Bernardo  Atxaga camiño da súa casa, en  Zalduondo (Áraba). “Perdoa se falou con énfase. É que nevou e estoume xeando. Hai un tempo de cans”, conta ao responder o teléfono. O galardón chégalle xusto cando acaba de publicar unha novela en eúscaro  Etxeak  eta  Hilobiak (Casas e tumbas) ( Pamiela), que a editorial Alfaguara lanzará en castelán en febreiro. 

O xurado do Nacional das Letras destacou “a súa contribución fundamental á modernización e á proxección internacional das linguas vasca e castelá”.

30 anos da caída do Muro de Berlín

 

 

 

 O 9 de novembro de 1989 sucedeu o impensable en Alemaña. O muro de Berlín, que partiu en dous á actual capital xermana e que se converteu no símbolo da división do pobo alemán durante a guerra fría, caeu tras 29 anos de ser construído.

 Segundo un estudo elaborado recentemente pola Fundación Muro de Berlín e o Centro de Investigación de Historia Contemporánea de  Potsdam, só na cidade morreron entre 1961 e 1989 un total de 136 persoas, das cales máis da metade fixérono nos cinco primeiros anos de Muro.

 O 13 de agosto de 1961 foi construido o Muro de Berlín. Logo da ocupación militar de Alemaña polos exércitos aliados e a súa división en catro zonas autónomas de ocupación. Supoñía a fin da 2ª Guerra Mundial.

O Muro de Berlín caeu o 9 de novembro de 1989 por mor dun anuncio, en parte improvisado, dun funcionario do este alemán,  Guenter  Schabowski, que creu que dese xeito podería salvar ao réxime comunista da República Democrática Alemá ( RDA).
http://www.rtve.es/alacarta/videos/informe-semanal/informe-semanal-dia-cayo-muro-berlin/586264/ 

 Viva a liberdade !. O sol nunca iluminou un logro humano máis glorioso.

(Nelson Mandela)

Morre Margarita Salas

Margarita Salgas (Asturias, 1938), unha das científicas máis destacadas de España, faleceu este xoves aos 80 anos dunha parada  cardiorrespiratoria tras unha complicación dunha doenza dixestiva pola que levaba tres semanas en observación e da que ía ser operada. Iniciou o desenvolvemento da bioloxía molecular en España. O seu estudo do  fago Phi29, un virus que infecta ás bacterias, permitiu coñecer como funciona o ADN e como a información que contén transfórmase nas proteínas que fan funcionar ao virus.

Salas tivo que irse en 1964 a traballar a Nova York co Nobel Severo  Ochoa, escapando do que ela lembraba como “un  páramo científico” sen financiamento para facer investigación. Alí estivo a traballar durante tres anos e aprendeu cousas que marcarían a súa carreira posterior. “Hai que facer investigación básica de calidade, pois desta investigación sairán resultados que non son previsibles a priori e que redundarán en beneficio da sociedade", lembraba Salas que dicía o seu mestre.

Ademais de investigadora excelente, “Margarita foi tamén incansable na denuncia da situación de discriminación das mulleres na ciencia”, aplaudiu onte a Asociación de Mujeres Investigadoras e  Tecnólogas ( Amit) nun comunicado. “Ela mesma recoñecía que tardou en darse conta dese feito e de como afectara á súa propia carreira, pero unha vez que foi consciente xa non se detivo na denuncia pública desa discriminación”. El Pais 7/11/2019

Día da Biblioteca.

 O 24 de outubro  celébrase o Día da Biblioteca e con tal motivo a Biblioteca do IES de Vilalonga realizou unha exposición de fotografías de Antonio Pampliega agrupadas baixo o título “O seu futuro depende de nós”.

Son imaxes que reflicten miradas que  transmiten dor, pero tamén ilusión e desexos de seguir loitando por unha vida mellor ou simplemente sobrevivir.

No Congo, en Siria, en Somalia, no Kurdistán a cámara captou cidades convertidas nun campo de cascallos, nenos que foron secuestrados para seren convertidos en soldados, mulleres vítimas de violacións que despois foron repudiadas polos seus homes ou cando menos obrigadas a abandonar os seus fillos, corpos con membros amputados pola guerra...

Noutros casos a imaxe é a de seres que arriscan a súa vida partindo desde países como Libia na procura dun mundo mellor cruzando o Mediterráneo ou a de rapaces que aínda son quen de atopar momentos para o xogo e a ilusión na realidade adversa  que os rodea. Prestounos esta exposición o IES Castro Alobre de Vilagarcía de Arousa.

Antonio Pampliega (Madrid, 1982) é un periodista  cuxas reportaxes en numerosas zonas de conflito (Afganistán, Iraq, Líbano, Paquistán,  Siria...) foron difundidas en canles de televisión como a CNN, a BBC ou  xornais como The Times, El País ou El Mundo.

En 2015 permaneceu secuestrado en Siria polo grupo terrorista Al Qaeda durante 299 días, experiencia extrema que recolle no libro En la oscuridad (2017).

Coltán, matrimonios amañados de nenas afganas, secuestros en Venezuela,  Ku Klux Klan, cazadores furtivos,  prostitución infantil...  son temas  captados pola súa cámara para achegarnos unha realidade que non  debería deixar impasible a ninguén.

 

 Eduardo Pérez Baamonde, membro do equipo da biblioteca e profesor de plástica,

fixo este bonito cartel para celebrar o 24 de outubro. A biblioteca ten un papel fundamental no Centro, 

pois garda cantidade de materiais útiles para a aprendizaxe, a información, o lecer, etc. Serve como lazo de unión entre todos os membros da comunidade escolar e presta o seu espazo para xuntanzas, obradoiros, visitas de escritores, exposicións, etc.

Memoria fotográfica 2018/19

Todos os anos empezamos cunha exposición de fotografías do curso anterior. Recordamos, así momentos destacados de actividades extraescolares, obradoiros, visitas de escritores, días de celebración, etc. Non están todos, son só unha mostra. A biblioteca desexa acompañarvos nesta nova  andaina do curso 2019/20.

Simulacro de evacuación dun autobús

O 16 de outubro tivo lugar no IES de Vilalonga un simulacro de evacuación dun autobús. Foi organizado pola subdirección do Centro para o alumnado de 1º da ESO. Trasladouse  un membro da policía local para explicar ao alumnado como debía proceder en caso de perigo. Esta actividade é moi importante pois a maioría do alumnado acode en autobús ao centro.

Premio Planeta 2019

Javier Cercas Premio Planeta 2019

O Premio Planeta de novela é un premio literario comercial outorgado desde 1952 polo editorial Planeta á mellor obra inédita. Foi creado polo fundador da editorial, José Manuel Lara Hernández. Wikipedia

Data da cerimonia: 15 de outubro de 2019 11:30  p. m.

Categoría de: Premio Planeta

Primeira entrega: 1952

 Javier Cercas:

Terra Alta é o título da novela gañadora, unha historia de plena actualidade, co pano de fondo no  procés e un protagonista chamado Melchor Marín,  exdelincuente  convicto, heroe nos atentados  yihadistas de  Cambrils de 2017 e actual  mosso d’ esquadra en  Gandesa (Tarragona). O seu labor é resolver un triplo asasinato. Cercas ( Ibahernando, 57 anos), moi crítico co independentismo, inicia con esta novela, que presentou ao premio co nome do seu protagonista e baixo o título Cristais rotos, unha serie de historias  policíacas coas que prevé estar un tempo en Planeta. Terra Alta supón unha volta de Cercas á ficción máis pura, máis na liña dos relatos do móbil ou da súa primeira novela, O inquilino, que o xogo coa falsa  autoficción, de inspiración  posmoderna, da súa obra a partir de Soldados de  Salamina (2001).El País: https://elpais.com/cultura/2019/10/15/actualidad/

Manuel Vilas (Barbastro, 57 anos): quedouse ás portas de gañar o galardón co que de xeito evidente parece unha secuela da  súper vendas  Ordesa, é dicir, un libro  autobiográfico, titulado simplemente Alegría, no que a voz do narrador, un escritor de mediana idade que se lamenta polo paso do tempo e a perda dos seus seres queridos, trata de escapar á depresión e ser, definitivamente, feliz. El País

Javier Cercas 1º premio e Manuel Vilas 2º premio.