Para rematar un ano tan duro para todas as persoas que formamos a comunidade educativa do IES de Vilalonga nada mellor que facelo con música.
Moitas grazas a Juan e ao seu alumnado de 2º e 3º ESO A e a Marcos, Anxo, Daniel e Natalia por facer que fose un peche espectacular!!! Que artistas!!!
Esta tarde de celebración aproveitamos para entregar os premios do XV Certame Literario do IES de Sanxenxo e os do noso propio centro. Non todos puideron vir, pero gardarémoslle os premios.
Seguide creando e concursando!!! Parabeńs a tod@s!!!
Gañadoras e finalistas do certame IES de Sanxenxo:
Gañadoras do concurso do IES de Vilalonga:
A poucos días de que chegue unha das grandes festas da nosa terra e para que as novas xeracións sigan manténdoa, hoxe fixemos unha charla e un paseo didáctico para coñecer e recoñecer as herbas de San Xoán. Con Manolo Domínguez, da empresa de educación ambiental Ventos, coñecemos a riqueza da nosa flora e das nosas tradicións. Só se ama e se respecta o que se coñece.
Desde os departamentos de Matemáticas e Xeografía e Historia vimos traballando durante este curso en pequenos proxectos interdisciplinares nas aulas de 1º ESO.
Nesta avaliación mergullámonos nas primeiras
civilizacións fluviais para investigar en que contexto histórico xorde
Mesopotamia e a escritura humana; como se organizaban estas sociedades e de que
maneira se administraba a xustiza.
A través do Zigurat de Ur o alumnado aplicou os
seus coñecementos en volume, proporción e sistemas de numeración; aplicou o
teorema de Pitágoras e comprobaron o coñecemento matemático que tiñan os
sumerios.
O resultado de todas estas cuestións foron
plasmadas en distintos borradores ao longo da avaliación co obxecto de crear un
artigo científico para difundir de maneira clara e precisa os resultados destas
indagacións.
Entre os artigos presentados polo alumnado de 1º
ESO, destacamos o excelente traballo de Daniel Simes pois sintetiza perfectamente
os obxectivos formulados ao inicio do proxecto. Parabéns Dani:
Parabéns a todos por participar un ano máis no certame de escritura do IES. De entre todas as persoas foron seleccionadas como gañadoras as seguintes.
Entregaremos os premios o día 22 de xuño pola tarde.
Abril dos libros, maio das letras
CATEGORÍA B (1º e 2º ESO)
|
FINALISTA |
CURSO |
POSICIÓN |
|
Uxía Rozas Pérez |
2º B |
1º premio |
|
Candela Estévez Deza |
2º B |
2º premio |
|
Ignacio Carballa Maza |
1º B |
3º premio |
CATEGORÍA C (3º e 4º ESO)
|
FINALISTA |
CURSO |
POSICIÓN |
|
Claudia Pérez Viñas |
4º A |
1º premio |
|
Santiago Esteban López-Gil |
4º B |
2º premio |
|
Deserto |
- |
3º premio |
Xa temos os resultados do XV Certame literario IES de Sanxenxo. Parabéns a todas as persoas premiadas!!
Entregaremos os premios o día 22 de xuño pola tarde.
CATEGORÍA B (1º e 2º ESO)
|
FINALISTA |
CURSO |
POSICIÓN |
|
Uxía Toba Poza |
2º B |
1º premio |
|
Manuela Garrido Míguez |
2º B |
4ª finalista |
|
Candela Estévez Deza |
2º B |
6ª finalista |
|
Enma Rodríguez Blanco |
1º A |
8ª finalista |
CATEGORÍA C (3º e 4º ESO)
|
FINALISTA |
CURSO |
POSICIÓN |
|
Emma Domínguez Fernández |
4º B |
2º premio |
|
Candela Pérez González |
3º A |
1ª finalista |
|
Mateo Otero Torres |
3º A |
3º finalista |
|
Claudia Pérez Viñas |
4º A |
6ª finalista |
Dous alumnos de 1º de BACH baseáronse nunha das lendas do proxecto "Lendas de aquí e de acolá", realizado co IE Cañada Blanch de Londres, para facer na materia de TIC unha gravación sonora da lenda británica relacionada coa Longleat House e a súa pantasma.
Magnífico resultado que compartimos con vós!
O IES de Vilalonga tivo a oportunidade de colaborar co Proxecto Ecociencia promovido pola Universidade de Vigo. Dirixido a concienciar ao alumnado de secundaria sobre a necesidade de conservar o medio ambiente e sobre o grave problema que supón o cambio climático en xeral.
O alumnado de 4º ESO da materia de Bioloxía e Xeoloxía, como verdadeiros xeólogos e ecólogos, especialistas na materia puideron construír unha liña do tempo do planeta, dirixir unha campaña de publicidade de concienciación sobre a deforestación e a perda de biodiversidade ou elaborar un discurso dirixido aos membros integrantes da ONU.
Deste xeito, grazas á propia observación e intenso traballo realizado ao longo de dúas semanas puidemos percatarnos de que o cambio climático é un problema de todos e todas e que é posible coidar do medio ambiente coa posta en práctica de sinxelas actuacións.
O alumnado de 1º ESO A e B fixo unhas fermosas láminas sobre as especies de árbores autóctonas e naturalizadas en Galicia.
Unha forma de coñecer e divulgar o noso patrimonio natural.
O alumnado de Ciclo Medio e de FPBásica de Administrativo vai facer un crowdfunding en beneficio do Banco de Alimentos Rías Baixas para mercar produtos de necesidade nun ano no que a pandemia da covid-19 supuxo a imposibilidade da recollida de alimentos nas diversas campañas habituais e, por outra banda, incrementou o número de solicitantes de axuda.
