Degustación gastronómica

 

O martes os alumnos de FP.Básica de Cociña e Restauración elaboraron uns menús con pratos típicos de 4 países anglosaxóns para rematar o proxecto de aula da materia de inglés. Ese día profesorado do departamento de inglés así como o alumnado de F.P. Básica disfrutaron de: ‘Fish and Chips’ británicos,  ‘Cheese Burger with bacon’ americana,  ‘Lamingtons’ australianos e o ‘Gelat tan-Anna’ maltés. Moitos parabéns para os nosos futuros chefs, o resultado dos pratos foi excelente.

 

ACTIVIDADE ANTÓN MASCATO

O xoves 19 de abril, a 4ª hora, o escritor grovense Antón Mascato realizou unha charla no salón de actos para o alumnado de 4ºESO sobre o autor ao cal se lle dedica o Día das Letras Galegas deste ano 2023 Francisco Fernández del Riego.

Loitamos contra a contaminación

O alumnado de 4ºESO participou o martes 18 de abril de 2023 nunha charla sobre A Contaminación. A charla foi impartida pola Dra. Fuencisla Mariño “Pachila”, profesora de Zooloxía e Contaminación na Universidade de Vigo.

Os contidos da charla tocaron os temas da definición de contaminación, os tipos de contaminantes naturais e artificiais e as súas fontes. Ademais puideron comentar a relación da contaminación coa historia do ser humano.

Visita a Celanova

 Nesta visita os alumnos de 2º de bacharelato da materia de Historia da Música e da Danza visitaron o mosteiro de Celanova onde puideron ver a igrexa, o propio mosteiro (nel os alumnos leron poemas de Celso Emilio Ferreiro), o instituto da localidade (situado no mosteiro) e a súa biblioteca do século XVIII, a Casa dos Poetas (onde os alumnos fixeron lecturas de poemas de Curros Enríquez), a vila medieval de Vilanova dos Infantes e o castro de Castromao. Ademais disto, os alumnos asistiron a un concerto didáctico de órgano na igrexa do mosteiro de Celanova e tocaron dúas pezas cos instrumentos escolares.

X Foro de innovación da FP de automoción no IES de Vilalonga

 

PROXECTO LENDAS DE AQUÍ E DE ACOLÁ

 Este curso seguimos co noso proxecto Lendas de aquí e de acolá realizado polo EDLG do IES de Vilalonga con centros doutros países ou lugares para o intercambio de lendas en diferentes linguas co obxectivo de realizar un compendio plurilingüe. 

Neste curso escolar este organizouse co centro portugués Escola Secundária Carlos Amarante, de Braga, e nel as lendas galegas foron traducidas ao portugués polo alumnado do país veciño e as lendas portuguesas foron traducidas ao galego polo alumnado do centro.

Aquí tendes o resultado final. Esperamos que sexa do voso agrado!

https://www.canva.com/design/DAFer008HAo/wAbBWbbhMGIpWpYsSyf-dw/view?utm_content=DAFer008HAo&utm_campaign=designshare&utm_medium=link&utm_source=publishsharelink

Exposición Acorda.

 Como complemento ás actividades de memoria histórica que se están facendo no centro en colaboración co departamento homónimo da Deputación de Pontevedra, esta semana traemos a exposición Acorda. Cartografía musical da memoria histórica de Ponetevedra. 

Poderemos disfrutar dela ata o próximo 24 de abril.

Acorda. Cartografía musical da memoria histórica de Pontevedra

 O mércores 12 de abril o alumnado de 4º da ESO puido ver o documental "Acorda. Cartografía musical da memoria histórica de Pontevedra", no que se mostran os diferentes lugares relacionados coa represión franquista na provincia de Pontevedra. Os testemuños de familias e  asociacións aparecen aquí acompañados das voces de diferentes artistas musicais de Galicia. Todo para dar luz ao ocorrido e traer un pouco de xustiza e reparación.

Como complemento inaugurouse tamén esta semana a exposición do mesmo nome, que estará no centro ata o 24 de abril.

31 de marzo Visibilidade Trans

 

O pasado 31 de marzo conmemorouse no IES de Vilalonga o día Internacional da Visibilidade Trans. O alumnado asistiu á lectura dun manifesto reivindicativo dos dereitos das persoas trans e cuxo obxectivo foi sensibilizar sobre a discriminación que estas persoas sufren día a día.

Entre todos podemos conseguir unha sociedade máis igualitaria e respectuosa cos dereitos de todas as persoas."

Charla de memoria histórica

 O martes 11 de abril volveu visitarnos Montse Fajardo, nesta ocasión para achegarlle ao alumnado de 1º de bacharelato a realidade do que pasou na nosa historia máis recente. A través da charla "A represión contra as mulleres tras o golpe de estado do 36" puideron coñecer os feitos atroces e aínda non subsanados da vida chea de aldraxes, amezas e crimes que viviron as mulleres da provincia nesta etapa.

Un complemento magnífico á exposición "Rexas" que xa tivemos anteriormente no centro. Ambas son actividades que for,an parte do programa O pasado por vir da Deputación de Pontevedra. 

Obradoiro de iniciación á creación dunha curtametraxe

 Ó longo da semana o alumnado de 3º da ESO puido, na compaña de María Ruíz, do FICBUEU (Festival Internacional de Cinema de Bueu) iniciarse no coñecemento da creación dunha curtametraxe. 

Coa análise de diferentes elementos propios da arte cinematográfica o alumnado aprendeu a ver o cinema desde outra perspectiva e cales son os pasos necesarios para sacar adiante unha produción.

Exposición "Cartas de amor"

 

Desde o martes 11 de abril até o martes 9 de maio, os corredores do IES Vilalonga (Sanxenxo) estarán engalanados coa exposición 'Cartas de amor'. A mostra forma parte do Plan Proxecta 365 días de respecto e igualdade: prevención da violencia de xénero no ámbito educativo. 

 

O alumnado de ESO, Bacharelato e FP poderá contemplar as creacións artísticas de diferentes autoras galegas nas que imaxe e texto dialogan para ofrecer unha reflexión sobre as relacións afectivas, o amor e a autoestima durante a adolescencia.