"Parodia de 2º de bacharelato B"



Videocreación realizada para a materia de lingua e literatura galega. Curso 2014-15. IES de Vilalonga.

Nesta parodia a temática xirou ó redor do profesorado que lles impartiu clase este ano e as reaccións dun alumnado que sobrevive a un curso tan estresante como é o de 2º de bacharelato. 

Alumnado de 2º de bacharelato B: Tamara Abal, Martín Carramal, Mª Victoria Castro,Samantha Díaz, Alejandro Domínguez, Rebeca Entenza, Laura Ferreira, Darío Ferreira, Emma González, David Güimil, Marcos Martínez, Sara Martínez, J. Adrián Méndez, Ana Otero, Lucía Otero, Sara Ozores, Lucía Pérez, Tamara Soutullo, Ángela Torres e Antón Torres.

Expotaku Coruña 2015

                            



Esta fin de semana deu comezo a sexta edición de EXPOTAKU na Coruña para os fans do cine, os videoxogos e a banda deseñada. Celébrase os días 22,23 e 24 de maio; en 2014 superáronse os 12.000 visitantes.

Estará NINTENDO promocionando a súa xira news 3DS

Zona gamer con consolas de nova e pasada xeración e xogos.

Zonas habilitadas para LOL, xogos de mesa e MOBA.

Artes marciais e Cosplay

Tendas adicadas a manga e anime.

"Poesía en clave dixital" en Caldas de Reis


O pasado venres 15 celebramos en Caldas de Reis o evento "Poesía en clave dixital". As poetas Rosalía Fernández Rial e Susana Sánchez Aríns e os músicos Sergio Trillo (Serj) e Clara Pino foron os nosos invitados a impartir os obradoiros. 

O alumnado participante proviña de catro centros da provincia (IES de Poio, Vilalonga, Sanxenxo e San Paio de Tui e foi coordinado polo profesor Rafael Arines Gago. Despois dos obradoiros iniciais, realizouse o recital conxunto no Auditorio Municipal, coa participación do alumnado dos institutos e os autores citados. 

Tras o almorzo na Carballeira, realizamos un percorrido polas orillas do río Umia e a zona vella de Caldas. Iniciamos as actividades da tarde coa interpretación de "Adiós ríos, adiós fontes", cantada pola nosa alumna Sara Pombo, acompañada na guitarra por un compañeiro. A continuación tomamos fotografías do río para o concurso de fotografía "Poemas visuais do Umia". Tamén se homenaxeou a Ramón Pérez de Ayala, que escribiu a súa novela "AMDG" durante a súa estancia no balneario de Caldas de Reis, coa lectura dun poema extraído desta obra. O percorrido continuou pola zona vella da vila, ofrecendo versos e poemas ós viandantes e distribuíndo "publicidade poética" polos parabrisas dos coches. No remate, xa de volta á Carballeira, houbo un momento para a lectura dos poemas realizados polo alumnado no concurso de "Parodias musicais"

Faro de Vigo

"Parodia TVG"

O alumnado de 2º de bacharelato A ( Miguel Moldes, Adrián Agraso, Antón Rial, Francisco Prol, Santiago García, Jose Pazos, José Filgueira, Alberto González, Xoel Otero, Álvaro Insua, Carlos Besada, Sergio Muiños, Alba Gándara, María José Bouzada, Daniel Conde, Martín Domínguez, Raquel Mouco, Elena Pérez, Diego Trigo, Marta Otero, Lúa Martínez, Marcos Soutullo, Vanessa Fernández, Almudena Martínez, Noelia Figueroa) realizou a seguinte videocreación parodiando a TVG dunha maneira moi sui generis.


"Contextualizando a Filgueira"



Documental de Gonzalo E. Veloso sobre o escritor, historiador e profesor Xosé Filgueira Valverde, a quen se lle dedica en 2015 o Día das Letras Galegas. Interveñen historiadores, investigadores, familiares e amigos. Participantes: Carlos Reigosa, Xesús Alonso Montero, Francisco Fernández Rei, Xusto Beramendi, Daniel Lanero, Lourenzo Fernández Prieto, Antonio Míguez, Andrés Rodríguez Almansa, Víctor Freixanes, Ramón Villares, Inma López Silva, Henrique Monteagudo, Pegerto Saavedra, Carlos Valle, Francisco Díaz-Fierros, Xosé R. Fandiño, Anton Lopo, Luis Cochón, Amaia Bóveda, Valentín G. Bóveda, Xavier Fortes, Xosé Fortes e fillos/as de Filgueira Valverde.

OUTROS RECURSOS NA REDE NESTE ENLACE DE BOTÓNS. (PORTAL GALEGO DE EDUCACIÓN)

Engadimos tamén outra proposta de Associaçao Galega da Língua (AGAL) para traballar este autor que se completa co visionado do documental: "Decreto Filgueira".  

MESA REDONDA CON EX-ALUMN@S: A UNIVERSIDADE EN PRIMEIRA PERSOA


A pesar de seren unhas datas e un día complicado(venres) tod@s @s tertulian@s invitad@s acudiron puntuais e o alumnado de 1º e 2º de bacharelato compartiu as súas experiencias universitarias e fomularonlles as preguntas sobre para aclarar as dúbidas que os asaltan nestes momentos de cambio. Para finalizar, Martina, a orientadora, leu o fermoso e axeitado conto de Jorge Bucay -quedavos o texto arriba-
Unha tertulia ben aproveitada que se prolongou ata ben pasadas as seis da tarde.
MOITAS GRAZAS AS RAPAZAS E RAPACES QUE NOS VISITARON.
PARA REPETIR!!!

"PODEMOS, O PRESTIGE E A CARRETAXE DE VOTOS"



Unha nova entrega das nosas videocreacións en lingua galega para celebrar as nosas peculiares Letras Galegas, que máis ben son Palabras Galegas Vivas. Neste caso trátase de alumnado de 2º de bacharelato B: Martín Carramal Meis, Marcos Martínez Cendón e Darío Ferreira Martínez e a temática xira cara á parodia da actualidade política.

Presentación de Enórmic Banda 2015

O pasado xoves presentouse a revista de banda deseñada da Coordinadora de  Equipos de Normalización Lingüística do Salnés  ENÓRMIC BANDA no IES Francisco Asorey.

Este ano a portada e contraportada foi deseñada polo artista cambadés Miguel Pérez Ramudo e o prólogo é da autoría da escritora vilagarciana Sabela Muñiz.

Seguimos aí un ano máis a pesar de todas as trabas económicas que nos poidan poñer, e aí están tamén os nosos alumnos, este ano formado por un amplo elenco, dado que non só colaboraron coas súas historietas de cómic, senón que tamén se achegaron con algúns deseños que xa presentaran ó concurso de pegatinas deste ano.

En breve, terédela nas vosas mans coas seguintes obras dos vosos compañeiros


"O trono e o lóstrego" de Alba Gándara Martínez

"Galeghome 2" de José Pazos Morhi


"Que ocultan as bágoas" de David Güimil Vázquez

"Non é o mesmo guapiña ca ghuapiña" de Álvaro Insua Vidal

" Diferenzas dialécticas" de Anxo Fernández Gómez

E unha obra sen título de María Victoria Castro Aragunde



Dicionario de "carallos galegos"






Desde a materia de lingua e 
literatura galega de 2º de bacharelato "animei" o alumnado a que traballasen a oralidade desde distintos puntos de vista. Unha destas formas sería a realización dunha videocreación de tema libre, na que se traballase a dicción, a posta en escena, a imaxinación, a actuación ou teatralización para perderlle o medo a falar en público e facelo, claro está, en lingua galega. É a nosa peculiar maneira de celebrar o idioma propio.



Aquí vos deixo o primeiro vídeo froito deste traballo realizado por un grupo de alumnado de 2º de bacharelato C: Nerea Aragunde, J. Antonio González, Silvia Morgade, Andrea Oubiña, Paula Prieto, Brenda Rodríguez e Isabel Uzal, no que a través do rexistro cómico-paródico versionaron un particular dicionario da familia léxica da palabra "carallo", algo tan noso e singular que amosa como esta familia está tan inserida no noso léxico cotián a través da fraseoloxía común con múltiples significados. 

En definitiva, os galegos somos "caralludos" porque nos gusta a "carallada"

MESA REDONDA "A UNIVERSIDADE EN PRIMEIRA PERSOA"

Mañá venres 8, ás 16h30, no Salón de Actos do IES de Vilalonga, terá lugar unha mesa redonda organizada polo Departamento de Orientación na que intervirán varios exalumnos e exalumnas do centro para contarlle ao alumnado de 1º e 2º de Bacharelato e a todas aquelas persoas ás que lles poida interesar a súa experiencia na universidade. Esperamos a vosa asistencia!

Chen Zhen : Table Ronde, 1995.  Centre Pompidou -París 2015-  Foto de Noli.

Participantes:

JAVIER CAL (Estudante de Relacións Laborais na USC)
NOELIA CASAL (Estudante de Tradución e Interpretación na Universidade de Vigo)
DAMIÁN GÓMEZ (Estudante de Ciencias Políticas na USC)
ESTEFANÍA LÁZARO (Estudante de Enfermería na USC)
JESÚS LEIRO (Estudante de Filoloxía Inglesa na USC)
SANDRA MORAÑA (Estudante de Químicas na USC)
LOLI VARELA (Estudante de Químicas na USC)
SANDRA VIEITEZ (Estudante de Matemáticas na USC)

"Ensinas máis do que cres"


Ensinas máis do que cres from SNL da USC on Vimeo.
vimeo

"Cando un docente usa o galego o seu alumnado tamén o emprega moito máis. Amparado nun estudo realizado na USC que demostra que un mesmo grupo de clase usa o galego nos exames ata un 70% máis co profesor que lle imparte as clases nese idioma que co docente que o fai en castelán, o Servizo de Normalización Lingüística da USC lanza a campaña ‘Ensinas máis do que cres’." 

Estas son as palabras literais na presentación desta campaña da man do responsable do Servizo de Normalización Lingüística da USC, Manuel Núñez Singala este martes pasado.

  
  

ALUMNADO DE CIENCIAS E DE ARTES EN SANTIAGO


O día 24 de abril, o alumnado de 2º de bacharelato de Arte e de Física e Química realizou unha visita a Santiago para achegarse a Catedral e o seu entorno e o CHUS  (Hospital Clínico Universitario de Galicia) onde visitaron a FGMX o CEGEN e o IDIS , respectivamente. O grupo de ciencias pola tarde visitou o Museo de Historia Natural Luís Iglesias. O vídeo e un resume gráfico da visita do grupo de ciencias e abaixo tedes a unidade didáctica elaborada pola profesora Mercedes Mora para o alumnado de arte.


                                                                     Música: Muse "The 2nd Law: Isolated System"

CRÓNICA DE Alba Gándara e Daniel Conde de 2º de bacharelato A

O pasado venres 24 de abril, visitamos o Complexo Hospitalario Universitario de Santiago de Compostela (CHUS), onde se atopa o Centro Nacional de Xenotipado. Con motivo do Día do ADN (25 de abril), recibimos unha charla de enxeñería xenética, en relación coas PCR (reaccións en cadea da polimerasa), as cales permiten realizar unha amplificación do ADN co fin se estudar o Xenoma Humano (conxunto dos xenes dunha especie) e o proteoma (conxunto das proteínas que se expresan nunha célula nun determinado momento e condicións), co obxectivo de crear unha medicina máis eficaz e personalizada, pois o ADN permítenos coñecer como poden ser as determinadas reaccións de cada individuo a un medicamento. Puidemos observar distintas formas de traballar con ADN dependendo da súa finalidade, cun equipamento de prezos desorbitados, polo que os laboratorios precisan unha importante financiación.
Explicáronnos tamén a importancia deste Complexo Hospitalario, onde traballan en distintas ramas da medicina punteiras no noso país. Faláronnos das actuais ramas de investigación contra enfermidades como o cancro ou os ictus cerebrais. Por outra banda,  o centro emprega animais para experimentar, o que provocou a recepción de críticas de certo sector da sociedade. Tamén nos explicaron a importancia de atoparse situados ao carón dun hospital, pois así é posible a investigación conxunta, tendo así os investigadores a oportunidade de traballar co que se atopan os doutores día a día. Aquí traballan persoas recoñecidas mundialmente, como o experto en xenética molecular Ánxel Carracedo.
 Despois dun paseo polo zona antiga da cidade de Santiago, visitamos o Museo de Historia Natural Luís Iglesias, onde puidemos observar unha magnífica colección de animais disecados, minerais de todos os confíns do planeta e rochas que nos visitan desde o espazo.
Este centro ten a súa orixe no século XIX. O seu primeiro director foi Antonio Casares. Con diversas compras de coleccións e de exemplares foise incrementando o seu patrimonio durante este século.
A comezos do século XX atopábase ocupando dúas plantas da actual facultade de Xeografía e Historia, para ser trasladado no 1961 á actual facultade de Química.
Hoxe en día atópase no parque de Vista Alegre. Este museo constitúe o conxunto de patrimonio histórico-científico máis importante de Galicia, pois entre o material que alberga destacan os traballos de investigación dos máis importantes científicos galegos desde o século XIX. 
Sen dúbida un día entretido e moi produtivo, polo que convidamos aos nosos mestres a que nos volvan levar de excursión cando o desexen.

DÍA DO LIBRO E DAS MULLERES NAS TICS


Cartel para o día do libro feito por Eduardo Baamonde


    Na biblioteca repartíronse, como xa é tradición, libros e caraveis.
                       

Case non demos abasto co préstamo...
Alumnado de diversificación curricular
celebrando o día do libro.
Alumnado do club de lectura de 3º de ESO


Levounos algún tempo, pero aquí tendes a memoria gráfica do reparto de caraveis e libros o día 23 de abril.