Éxito rotundo!!!

ANDREA ARA SOLLA

SOFÍA MARTÍNEZ-ALMEIDA

A coordinadora de normalización lingüística (EDLG) do noso Centro: Carme Picallo está de noraboa.

A coordinadora do Salnés convocou, como os anos anteriores, o concurso de adhesivos. Catro dos seis premios outorgados foron para alumnas do noso instituto. Temos que agradecerlle tamén o profesor de plástica Eduardo Baamonde a súa colaboración.

UXÍA SOUTULLO TELMO

AINHOA FANDIÑO SALGUEIRO

  


Traballos premiados no XXV Concurso de Adhesivos

"As cores da nosa lingua"

CATEGORÍA 1º e 2º ESO

1º   Laura Ortega Barreiro	Lema: “O noso mar, a nosa xente, a nosa lingua”
IES FERMÍN BOUZA BREY (Vilagarcía de Arousa)
2º   Aitana Vaamonde Armas	Lema: “Teño unha querenza, unha querenza teño pola miña lingua de cores”
IES A BASELLA (Vilanova de Arousa)

CATEGORÍA 3º, 4º ESO e FP Básica

1º  Andrea Ara Solla	Lema: “Galego sen prexuízos”
IES VILALONGA
2º  Sofía Mª Martínez-Almeida Cuíña	Lema: “Déixate levar polo galego”
IES VILALONGA

CATEGORÍA: BACHARELATO, CICLOS FORMATIVOS

1ºUxía Soutullo Telmo	Lema: “A maxia do galego”
IES VILALONGA
2º Ainhoa Fandiño Salgueiro	Lema: “Abre as portas ao galego”
IES VILALONGA

PARABÉNS A TODAS!!!! 

Concurso de adhesivos do EDLG do Salnés

Xa está en marcha a nova convocatoria para o CONCURSO DE ADHESIVOS da Coordinadora de EDLG do Salnés.

Este ano o tema é "DO PERGAMIÑO Ó DIXITAL"

Os traballos terán que ser orixinais e inéditos e poden presentarse en calquera formato sobre papel ou cartolina, así mesmo poden empregarse cores e a técnica será libre. Por detrás deberás poñer o teu nome, apelidos, curso e centro escolar.

O prazo de entrega remata o 23 de xaneiro de 2018. 

Lembrade que hai dous premios por categoría:

- primeiro ciclo de ESO

- segundo ciclo e FPB 

- bacharelato e ciclos

Presentación de "Enórmic Banda"

A nova no Faro de Vigo

"Enórmic Banda", a revista de banda deseñada dos Equipos de Dinamización da Lingua Galega do Salnés,  saíu á luz un ano máis. O milagre fano posible unha serie de profesores entusiastas que este ano renderon homenaxe a unha das súas baluartes, Rosa Feixoo, tristemente desaparecida hai poucos meses. A ela está dedicado o limiar da revista da man do escritor Ramón Caride. Tamén este ano contamos cun debuxante de prestixio, Manel Cráneo, para a nosa portada e contraportada. Pero o máis especial de toda a nosa revista son os traballos do noso alumnado nela. Neste caso desde o IES de Vilalonga, Eva Basdediós e María Camiña de 3º de ESO foron as escollidas, pero non queremos deixar de citar que a colleita de bandas deseñadas deste ano foi especialmente boa e que o alumnado de 1º de bacharelato entregou estupendos traballos que non puideron entrar para a selección da revista por presentárense fóra de prazo. De aí que estean  nunha exposición nos corredores do noso centro para todos aqueles que os queiran ver.

A presentación da revista desenvolveuse o pasado día 30 de maio no IES Ramón Cabanillas. As nosas alumnas non puideron compartila co outro alumnado seleccionado porque se atopaban na saída do Club de lectura na illa de San Simón, pero séntense igualmente premiadas coa publicación dos seus traballos na revista.

Entrega de premios do Concurso de adhesivos

O pasado xoves, 27 de abril, efectuouse a entrega de premios do XXIII Concurso de adhesivos da Coordinadora de EDLG do Salnés no IES Bouza Brey de Vilagarcía. Lembremos que o noso centro gañou os dous premios da categoría de bacharelato e ciclos formativos, O primeiro premio foi de Tomás Uhía e o segundo para Isabel Martínez.

A entrega de premios contou coa presenza de Bieito Iglesias que impartiu unha charla sobre o homenaxeado das Letras Galegas deste ano, Carlos Casares. Nesta amena conferencia a través dunha serie de fotos persoais do escritor percorreu a súa biografía dun xeito moi didáctico. Desde os seu anos mozos de estudante no Seminario, onde froito da represión lingüística da época lle facían copiar como castigo: "No hablaré más en gallego" até 100 veces, pasando polos seus anos universitarios  e xa como escritor, autor de Ilustrísima, personaxe inspirado nun tío de súa nai, bispo en Cuba. Así mesmo, comentou como o feito de casar cunha muller de orixe sueca provocou que fose todos os anos de vacacións a Suecia e puidese fuxir da opresión do réxime franquista accedendo ás películas e libros que se estaban a ver e ler no resto de Europa.

Como facer un cómic

Xa empezamos a conta atrás para o noso CONCURSO DE BANDA DESEÑADA que obtén como premio a publicación do teu traballo na revista ENÓRMIC BANDA da Coordinadora de EDLG do Salnés.

💭💭💭💭💭💭💭💭💭

Só te tes que aplicar un pouco, seguindo as seguintes bases:

• Tema libre.
• Máximo dous folios só por unha cara.
• Preferiblemente en branco e negro.

Tes até o 24 de abril para presentar a túa banda deseñada.

Por se precisas bibliografía para o teu traballo. Tes estes dous libros na biblioteca do centro e deixo aquí tamén esta presentación para refrescar ideas.

Entender o cómic de crissanmartin

Exposición dos traballos do CONCURSO DE ADHESIVOS 2017

Durante este trimestre contamos coa exposición dos traballos que participaron no CONCURSO DE ADHESIVOS 2017 organizado polo EDLG.

Este ano foron os seres míticos galegos os protagonistas das ilustracións e lemas que parciparon no concurso: trasnos, sereas, urcos, meigas, nubeiros, unicornios, homes do saco, lobishomes, Santa Compaña e demais fauna máxica galega decoraron os nosos corredores.

Con lemas tales como: "Soña en galego", "Penso, logo falo", "Por unha Galiza de lenda", "Nas nubes sempre está, máis o galego nunca esquecerá" "Mergúllate no galego", "Terra de meigas", "Animais fantásticos e onde atopalos en Galicia", "Exercita o galego", "Embrúxate co galego".

PREMIAD@S NO CONCURSO DE ADHESIVOS 2017

1º PREMIO 1º-2º ESO: Alejandra Rubianes
IES Miguel Ángel González.

2º PREMIO 1º-2º ESO: Virginia Serantes
IES Femín Bouza Brey

1º PREMIO 3º- 4º, FPB:
Anne H. Gallego
IES Fermín Bouza Brey

2º PREMIO 3º-4º ESO, FBB:

Paula Hernández

IES Francisco Asorey

1º PREMIO BACH, CICLOS F.:
Tomás Uhía
IES de Vilalonga

2º PREMIO BACH, CICLOS F.:
Isabel Martínez
IES de Vilalonga

CONCURSO DE ADHESIVOS 2017

A Coordinadora de Equipos de Dinamización Lingüística do Salnés organiza como cada ano o CONCURSO DE ADHESIVOS. Nesta ocasión o tema son os SERES MÍTICOS CON PODERES SUPERLINGÜÍSTICOS.

Para achegarnos a esta temática nada mellor que o Dicionario dos seres míticos galegos e a páxina de Galicia Encantada. (Enciclopedia da Fantasía Popular de Galicia.

BASES DO CONCURSO DE ADHESIVOS (basespegatas 16-17) by maraleixa on Scribd