DÍA DA BIBLIOTECA !!!!!!!!!!!!!!!!


 











 O 24 de outubro é o Día da Biblioteca Escolar, para celebralo cos nosos lectores colocamos unha mesa na entrada con libros dos que hai demasiados exemplares ou que foron donados por profesores, a Deputación, etc. Por suposto podían escoller e levar os que lles gustasen, non quedou ningún. Boa lectura!!!!!


 Non queremos que esta biblioteca sexa ningún “templo de silencio”, senón máis ben un espazo para o son, para o ruído. Unha biblioteca que xa é o lugar máis fermoso do instituto. Un espazo para desexar ir buscar lectura, pero tamén amizade, soños compartidos. Así que unha biblioteca non é só un lugar no que convidar a ler, senón tamén, ou por iso, un lugar no que convidar a escribir. As bibliotecas do século XXI son, teñen que ser o sementeiro de novas novelas, novos monolitos, mouteiras do noso futuro. Se o século XX foi sen dúbida o século da lectura, o século XXI pode chegar a ser o século da escritura, xa o está sendo. Gonzalo Moure
                                                                                             


A pontevedresa Alicia Estévez premiada

Santiago 2/10/2018 - A catedrática de Microbioloxía e directora do Grupo de Patoloxía en Acuicultura da Universidade de Santiago de Compostela (USC), Alicia Estévez Toranzo, foi recoñecida polo Pleno da Unidade de Muller e Ciencia co Premio María Josefa Wonenburger Planells 2018. 
Estes premios Wonenburguer, promovidos pola Xunta de Galicia a través da unidade de Muller e Ciencia, buscan resaltar as traxectorias relevantes de mulleres nos sectores da ciencia e a tecnoloxía, e o seu nome pretende ser unha homenaxe á figura da matemática coruñesa, pioneira e referente feminino internacional por ser unha adiantada ao seu tempo. 
 Alicia Estévez Toranzo é licenciada en Bioloxía e Farmacia e catedrática de Microbioloxía da USC desde o ano 1991. Durante a súa carreira promoveu unha decena de patentes de vacinas que preveñen enfermidades en peixes de interese comercial, fundamentalmente rodaballo e troita.
                                                            Páxina Web: Mis peces.com

Premio de literatura Príncipe de Asturias


A escritora francesa Fred Vargas ( Frédérique Audoin- Rouzeau), foi galardoado co Premio Princesa de Asturias das Letras 2018. A este premio optaban 35 candidaturas de 21 nacionalidades. Este é o quinto dos oito galardóns internacionais que convoca anualmente a Fundación que este ano alcanzan o súa XXXVIII edición.
Coñecida polo pseudónimo Fred Vargas, é unha escritora, arqueozoóloga e medievalista francesa, autora de novelas policíacas: a serie do comisario 'Jean- Baptiste Adamsber.
Ademais de tres novelas curtas protagonizadas por ' Adamsberg Coule a Seine'.


            Pregúntanos na biblioteca

COMEZAN OS CLUBS DE LECTURA NO IES VILALONGA


Entre esta semana e a que vén comeza a reunirse a rapazada do Club de Lectura do IES de Vilalonga nos seus diferentes grupos.

O alumnado de 1º ESO, xunto coa profesora Inés, vai ler e viaxar pola fantasía con Charlie y la fábrica de chocolate, un clásico de Roald Dalh que engaiola cada ano as xeracións que van chegando ao noso Club.



Os grupos de 3º ESO, que xa comezaron esta semana en dúas quendas dirixidas pola profesora Carme Picallo, están a facer un percorrido pola nosa historia a través das profundas e impactantes mensaxes que Castelao nos deixou nas súas Cousas.





Coa profesora Lidia Fernández comezan tamén dúas quendas de 1º BACH, quen os tentará guiar por unha banda, nunha viaxe ao pasado co escenario de fondo da II Guerra Mundial e pasaxes ás veces difíciles de dixerir pero que son unha lección necesaria de realidade para a sociedade actual, neste caso da man de Ledicia Costas e Un animal chamado néboa. Na banda oposta, o segundo grupo tentaremos que poida sentir e danzar ao ritmo das historias e melodías que nos ofrece Rosalía Fernández Rial no seu Bonus Track.



Tamén coa
profesora Lidia, comeza este luns o grupo de 2º ESO, desta vez da man de Iria Misa e a súa novela Mamá, quero ser Ziggy Stardust, que promete ser unha lectura desas que deixan pegada.



Agora só nos queda comezar, ir incorporando os outros grupos, deixarvos as impresións das nosas lectoras e lectores e facervos, na medida do posible, partícipes das súas viaxes particulares.

SANTIAGO POSTEGUILLO, PREMIO PLANETA 2018 CON 'YO, JULIA'




O
valenciano Santiago Posteguillo é o gañador do LXVII Premio Planeta 2018 con 'Yo, Julia', unha novela histórica protagonizada pola emperatriz romana Julia Domina. O narrador ofrécenos o relato do ascenso fulgurante dunha muller nun mundo de homes inmersos na loita polo poder político e que pensan que o liderazgo só lles pertence a eles pero, como poderemos ver na novela e na propia historia, "Só unha muller pode forxar unha dinastía imperial".
A finalista do premio foi a periodista, actriz e presentadora Ayanta Ballini coa novela 'Un mar violeta escuro'. Esta é unha historia de loita, superación e supervivencia de tres xeracións de mulleres dunha mesma familia ás que unha figura masculina aboca á loucura. É esta unha novela que, segundo o xurado, amosa a evolución da imaxe social da muller.

Orgullosos da nosa literatura



Falamos dun repunte da literatura galega porque está en constante crecemento desde os seus inicios que fai decadas obrigou, ao sector literario a ampliar os seus horizontes e expor obras por cada xénero literario. Aproximadamente 2 millóns de persoas son falantes habituais de galego e medio millón úsao como segunda lingua ao rededor do mundo. Os expertos coinciden en que a literatura galega nunca deixou de crecer, cada vez hai máis libros, editoriais e autores que ademais, foron galardoados polas súas obras, é o caso de Antonio García Teijeiro recente Premio de Literatura Infantil ou Xuvenil ou o de Ledicia Costas, viguesa e tamén Premio Nacional.

 Cadena SER. Radio Vigo. 2018

Loita contra o maltrato de xénero















O martes 9 de outubro celebrouse unha conferencia no IES de Vilalonga sobre o maltrato de xénero: como detectalo, que facer sendo a vítima ou simple espectador do mesmo, etc.
 Este ciclo de conferencias está organizado pola Deputación de Pontevedra, o Concello de Sanxenxo e o CIM (Centro de Información as Mulleres). 
En primeiro lugar déuselle unha charla ao alumnado de 4º da ESO, despois proxectaron curtos feitos por alumnado de outros centros educativos nos cursos pasados, que a continuación se comentában e se reflexionaba sobre o seu contido.

Os conferenciantes propuxeron ao alumnado asistente participar nun concurso de guións titulado"Curtas contra as violencias de xénero"convocado polo concello de Sanxenxo  para empregar o cine como ferramenta de sensibilización e concienciación para a prevención da violencia de xénero(según as súas propias palabras). O concurso vai dirixido ao alumnado de 2º, 3º e 4º da ESO.
Bases do concurso:
- O obxectivo e elaborar un guión  que teña como mensaxe a prevención da violencia de xénero.
- Os traballos deben promover valores ligados á prevención deste tipo de violencia.
- Pódese participar individualmente ou por grupos (máx. 3 persoas).
- O guión estruturarase nun máximo de seis esceas.
- Deberá levar obrigatoriamente: un título, unha sinopse e unha mensaxe didáctica final.
- Todos os traballos serán orixinais.
-Criterios de valoración:contidos e promoción de valores, mensaxe didáctica e orixinalidade.
-No guión deben figurar: nome e apelidos do autor/es, curso, Centro educativo.

O prazo de presentación remata o 5 de novembro de 2018


"A derradeira lección do mestre"



Chega por primeira vez a Galicia, desde o Centro Galego de Bos Aires, "A derradeira lección do mestre" de Castelao.
Este cadro é un óleo de dous metros por 136 centímetros no que Castelao reproduce a lámina número 6 do seu álbum de guerra Galicia Mártir. Segundo Miguel Anxo Seixas, comisario da exposición que poderemos visitar no Museo Centro Gaiás en Compostela, Castelao "volve reproducir en Bos Aires esta obra, xa como pintura, porque quere recuperar dúas datas: unha é o 28 de xuño para lembrar que Galiza ten un estatuto de autonomía pendente e a outra, para lembrar aos mártires galegos, o 17 de agosto, día do asasinato de Alexandre Bóveda". 
No cadro e na lámina podemos ver como Castelao representa, co impacto que caracterizan as súas obras, a Alexandre Bóveda, asasinado polos golpistas o 17 de agosto de 1936, mentres dous dos seus alumnos choran diante do seu cadáver. Di Miguel Anxo Seixas que  no cadro "Castelao expresa como un home paga co máximo que ten, a súa vida, por defender unhas ideas".
A derradeira lección do mestre forma parte da exposición que poderemos visitar do 5 de outubro ao 3 de marzo na Cidade da Cultura: "Castelao maxistral. A boa obra ao mestre honra". 


Esperámoste na biblioteca- IES Vilalonga (Sanxenxo)



 A lectura ofrece innumerables beneficios, entre eles:
Agudiza a astucia. 
Estimula o intercambio de información e coñecemento.
O costume continuado de ler, retarda a aparición dos síntomas de demencia. 
Estimula a percepción. 
Estimula a concentración. 
Estimula a empatía.

Cales son as vantaxes de ler?
 Así que as convidamos a coñecer 10 beneficios de ler, aínda que hai moito máis. 
Aumenta o teu vocabulario. ... 
Adestras ao cerebro. ... 
Patróns de soño saudables. ... 
Diminúe o risco de padecer Alzheimer. ... 
Aumenta a concentración. ... 
Sempre terás tema de conversación. ...
Mellora a memoria. ... 
Entretemento barato.