O luns 20 de marzo, o alumnado de 1º e 2º de ESO adentrouse no mundo da robótica e da arte na interesante visita que realizaron á Afundación Abanca de Pontevedra.
Pero que é o número π?, por que é tan importante?, por que se utiliza a letra grega π?
Xa na antigüidade, coñecían as fórmulas para calcular o perímetro do cadrado, do rectángulo, do triángulo, etc, pero non sabían como calcular o perímetro dun círculo de radio r. Esta non era unha cuestión sen importancia xa que o cálculo de áreas é moi importante para a agricultura, a arquitectura, a construción de camiños e pontes…
Precisamente a resposta para calcular o perímetro da circunferencia é π.
O alumnado de 1º da ESO coa súa profesora de matemáticas Estela Prol levaron a cabo un traballo para celebrar este Día no que intentaron calcular unha aproximación de π
O 17
de febreiro celebramos, a comunidade escolar do centro, o entroido 2023.
Fixemos un concurso de actuacións de disfraces por titorías. As clases que
participaron organizaron, cos seus titores, unha actuación que podía incluír
música, baile, teatro, murgas, etc. Os vencedores desfrutaron dunha merenda con
chocolatada.
Mellor
murga: 2º Bacharelato B.
Mellores letras de murgas: 1º de bach. B, 2º
de bach A, 1º ESO B.
A profesora Estela Prol que imparte a materia de matemáticas en 1º da ESO levou a cabo este mes de marzo un estudo estatístico de como cambia o alumnado dende 1º da ESO ata 4º da ESO. O alumnado fixo todas as tarefas dende a recollida de datos ata a publicación das conclusións. Elaboraron os traballos con medios tecnolóxicos. O seu manexo, os cálculos precisos e os razoamentos finais están dirixidos ao desenvolvemento das capacidades do alumnado e a súa maior independencia persoal nas tarefas.
O mércores 8 de marzo , Día Internacional da Muller no IES de Vilalonga tentamos visibilizar este día con actividades para o alumnado. Todas as clases foron baixando, ordenadamente, para escribir frases que lle suxerira esta data e pegalas formando distintos motivos: 8M, o símbolo da muller, etc. A organizadora foi a profesora de Igualdade: Laura Ramos Cuba. Gravamos un vídeo, aquí vós deixamos unha mostra:
O servizo de Normalización Lingüística do Concello de Pontevedra fíxonos un préstamo a exposición "CAntáMOLA en galego" que percorre o panorama musical en galego dentro e fóra de Pontevedra nas dúas primeiras décadas deste século. Con formato multimedia, a mostra busca conectar a inmensa variedade de estilos musicais con cadanseu público, especialmente co mozo.
O alumnado do centro visitou os diferentes paneis, accedeu ás listaxes de reprodución en Spotify e Youtube a través de códigos QR e a unha unidade didáctica. Grazas a todo este material puidemos achegarnos a moi diferentes estilos e artistas do noso panorama musical.
.jpg)
Na materia de Ética e filosofía do dereito visitamos o Xulgado do Penal nº 4 de Pontevedra, onde tivemos a oportunidade de presenciar varias vistas de casos de violencia doméstica e violencia de xénero e aprender un pouco máis sobre o funcionamento da xustiza.
.jpg)
O 7 de marzo, o alumnado de 3º da ESO recibiu unha charla sobre accesibilidade universal, tan necesaria para eliminar barreiras no noso entorno. Esta charla foi impartida desde a Federación Autismo de Galicia, e inclúese dentro da formación en atención á diversidade que este ano recibe alumnado e profesorado dentro do Contrato Programa Inclúe-T.
O martes 28 de febreiro, o alumnado de 4º de ESO que non participou na excursión organizada polo departamento de Relixión (aprox. 30 persoas) desfrutou da representación teatral 'Redeira', ofrecida por aAntena Teatro. A peza REDEIRA é un espectáculo sobre os malos usos das redes sociais e das comunicacións en internet. Expón 4 casos vividos por mozas da Idade da ESO/BAC interpretadas por unha actriz (Estíbaliz Veiga) quen, finalmente nun 5° episodio , e de xeito directo, dramatiza un episodio persoal no que sufriu malas praxis nas redes por ser unha figura con rostro recoñecible.
O grupo de Oratoria (3º de ESO, por volta de 12 estudantes) e o grupo de
Igualdade de Xénero (2º de ESO, 11 estudantes) recibiron o pasado venres 24 de
febreiro ás 8:30 horas unha palestra sobre a violencia e desigualdade de xénero
en medios de comunicación e na publicidade. O evento está enmarcado dentro das
actividades ofrecidas no Plan Proxecta 365 días... e foi conducido pola
consultora Gela G. Sánchez-Albornoz.
O martes 28 de febreiro as alumnas e os alumnos de Relixión de 4º de ESO e Bacharelato do IES de Vilalonga, saímos do IES para desfrutar dunha visita ás terras de Vilasantar, Sobrado e Mesía, concellos rurais do interior de Galicia con anacos de natureza, historia, cultura e humanidade que moitos de nós acabamos de descubrir.
En Vilasantar, entre a Ruta dos Muíños do río das Gándaras e
a Ruta espiritual de San Pedro de Mezonzo, contemplamos unha xoia da arte
románica galega, Santa María de Mezonzo; camiñamos aldea abaixo para ver a
Hórrea de Vilaboa e as casas antigas, mentres as vacas pastando nos observaban
recordándonos de onde vén o leite… Seguimos a camiñar á beira do río para
atoparnos co conxunto de fervenzas, muíños e o impresionante Batán de Mezonzo,
máquina de orixe medieval movida pola forza da auga, que transformaba os
tecidos de lá en mantas.
A Sobrado dos Monxes fomos ver o Mosteiro e a comunidade que
alí vive compartíu con nós o seu momento de oración que observamos con ollos de
quen se achega con asombro ao descoñecido .
Á hora da comida chegou o momento máis agardado: A visita ao
lugar chamado Raíña, en Cabrui (Mesía). Nese lugar vive e acolle a moita xente
un cura especial, amigo, inquedo, soñador de proxectos solidarios, Víctor, quen
ofrece unha casa coas portas abertas,
sen pechadura, un lugar onde soñar, como di a canción, que "todo o mundo era un
fogar, todo o mundo unha familia, unha familia universal".
Este xoves, outra actividade relacionada coa música e a creación artística foi o obradoiro de hip-hop de Serxio García Mc. Este rapeiro galego estivo co alumnado de 1º FPB de Cociña, 2º de FPB de Administrativo e 2º de FPB de Automoción para que coñecesen as orixes de diferentes estilos musicais e se atrevesen a crear a súa propia canción.
Para celebrar o día de Rosalía o alumnado de 2º FPB de administrativo e automación realizaron as súas propias creacións artísticas de vangarda. Sairon verdadeiras xoias!!!
O alumnado da materia de Historia da Arte de 2º de bacharelato viaxou a Italia, nunha saída didáctica relacionada con esta materia.
Acompañados polos profesores José Dopazo Blanco ( Latín e grego) e María Teresa Fidalgo Villaverde (Historia da Arte). A viaxe abarcou do 9 ao 14 de Xaneiro e visitaron Roma. O obxectivo principal era ver as obras no seu contexto, tratando de observar as súas características directamente, tamén comprender a súa transcendencia no pasado e no presente e asemade vivir a experiencia da viaxe, visitar outro país, escoitar outro idioma, ver outros costumes, etc.
Visitamos e
comentamos numerosas obras artísticas de arquitectura, escultura e pintura,
consideradas senlleiras da arte occidental. Moitas das mesmas forman parte do
temario da materia.
A volta
preguntamos ao alumnado a súa opinión sobre a actividade e a resposta foi: marabillosa.
A biblioteca expuxo no taboleiro do corredor do edificio 1 os materiais que enviou o INTEF: Instituto Nacional de Tecnoloxías Educativas e de Formación do Profesorado. Recursos Educativos Dixitais.
Van
a traballar con estes materiais diferentes departamento: TIC, Igualdade,
Ética... O alumnado lerá, preguntará o que non comprenda e fará as diversas
propostas que se indican no texto.
