A primeira das actividades programadas para o TEI tivo lugar esta semana. O alumnado de 1º e 3º de ESO tivo a oportunidade de coñecerse, conversar e tomar conciencia de que son parte dunha mesma comunidade. Foi unha experiencia enriquecedora que fomentou a empatía e solidariedade entre os estudantes. Parabéns!
O xoves 22 de decembro tivemos a terceira actividade, dirixida ao alumnado de 1º e 3º ESO, dentro do programa TEI. Nesta ocasión o alumnado tivo a oportunidade de poder xogar, por parellas e equipos, ao concurso Furor. Que de artistas temos no centro!
Parabéns ao alumnado e profesorado do IES de Vilalonga!
O día 1 de decembro,
tivemos no IES de Vilalonga unha actividade dirixida ao alumnado de 1º e 3º de ESO
dentro do programa TEI, un programa de convivencia centrado especialmente na
prevención do acoso escolar. Nesta ocasión o alumnado viviu unha xornada de
presentación titor/a-titorizado/a. Pasómolo en grande!
O mércores día 19 de decembro de 2019 tivo lugar no instituto un xornada de Titorización Entre Iguais. O alumnado de 3º da ESO xogou, bailou e divertiuse. O obxectivo é que os alumnos/as socialicen, se fagan novas amizades, interactúen, etc. Como mostra as seguintes fotos:
A derradeira semana tivo lugar unha actividade de cohesión do programa TEI (Titorización entre iguais) na que o alumnado de 1º e 3º ESO tivo a ocasión de iniciarse na danza africana e , o mais importante, estreitar lazos entre eles.
Lembrar que a persoa que coordina o TEI no noso centro é o profesor Xoaquín Rodríguez Pomares e que o TEI é un programa de convivencia no que se implica toda a comunidade educativa e que ten como obxectivo mellorar a integración escolar fomentando o respecto e a non violencia.
A actividade foi organizada polo equipo TEI e o departamento de Educación Física.
O 5 de decembro a 4ª e 5ª hora da mañá, tivo lugar a actuación
da contacontos Ángeles Goas. A 3ª hora asistiron os alumnos de 1º
A e 3º B, e a 5ª hora os de 1ºB, 1º C e 3º A.
Esta
actividade enmarcouse dentro das actividades de cohesión do programa
TEI. Tentamos que o alumnado participante neste programa fixeran
actividades en común, se relacionaran e se divertiran xuntos.
A
sesión de contacontos levou o título de “ O medo é libre” e
consistíu nunha serie de historias, con base real, na que Ángeles
contou en ton de humor, situacións nas que o medo domina a vida da
xente e de como o sentimento do amor sempre se sobrepón ao do medo e
da angustia.
A
actividade resultou satisfactoria para os alumnos. Ángeles
Goas é Profesora de Educación Infantil. A raíz da súa profesión
e vocación, leva máis de 20 anos contando contos para nenos. Nos
últimos 3 anos comezou a súa andaina como contadora de contos para
maiores. Ten un estilo moi claro, unha expresión moi diáfana, na
que combina o humor, a tenrura e o sentido común. Deste xeito, vai
levando ao público a través das personaxes e do fío das historias,
enmarcadas case sempre no rural galego, cara unha conclusión sempre
positiva e alentadora.
A finais do curso pasado o Departamento de Orientación realizou unha enquisa ao alumnado, para valorar o estado da convivencia entre iguais no I.E.S de Vilalonga. Como resultado da información obtida a partir desta enquisa, puxemos en marcha un plan para mellorar a convivencia e previr o acoso escolar. Para empezar contactamos, inicialmente, cos institutos máis próximos a Vilalonga e invitámolos a unirse a nós nun itinerario de convivencia tutelado polo Centro de Formación de Profesorado de Pontevedra, dentro dos PFPP (Plans de Formación Permanente de Profesorado). Sumáronse a este proxecto o I.E.S de Bizocas (O Grove) e o I.E.S. Portonovo (Baltar).
Deste xeito comeza a singladura no IES de vilalonga do Programa TEI (Titoriación entre Iguais) cunha primeira fase de formación que estamos a levar a cabo no primeiro trimestre do curso. Na segunda fase que terá lugar a partir de xaneiro, empezará a aplicarse o programa no seo da comunidade educativa. Logo desta experiencia debutante, contamos desenvolvelo durante o próximo curso 2016-2017 e seguintes.
A formación do curso de titorización entre iguais realizase mediante un cursiño e un seminario.
O día 14 de outubro veu impartir a primeira sesión do curso de titorización entre iguais, Andrés González Bellido, psicólogo, orientador do Instituto Front Maritim de Barcelona, experto en acoso escolar e ideólogo do programa.
O programa TEI é un proxecto pioneiro de mellora de convivencia e en contra do acoso escolar que se está implantando en centros de moitas comunidades autónomas.
A súa dinámica fai que o alumnado de 3º de ESO se convirta en titor/a, mediador/a e valedor/a do alumnado de 1º de ESO.
Cada alumno/a de 1º ten en 3º un compañeiro/a a quen contarlle as súas dificultades e os seus problemas e este/a pasa a ser o/a guía que o/a axuda e anima comprometéndose voluntariamente a asumir esta responsabilidade ao mesmo tempo que fomenta unha dinámica de colaboración e de respecto mutuo permanecendo atento aos comportamentos negativos nas relacións entre compañeiros e intentando evitalos. O obxectivo é acadar unha mellora global nas relacións e no nivel de asunción de responsabilidades dos/as alumnos/as.
Andrés González Bellido verbalizou o acoso escolar, falounos sobre a raiz do problema e de como os propios rapaces e rapazas por medio dun cambio na dinámica do grupo, son os máis indicados para evitar, sendo eles e elas mesmos/as mediadores/as, os problemas de relación que poidan xurdir durante a convivencia escolar, creando un ambiente de respecto e colaboración.
O profesorado participante elaboraremos a partir do esquema xeral do programa TEI, unha programación para aplicar no I.E.S de Vilalonga a partir de xaneiro de 2015, e durante os vindeiros cursos.
A súa posta en marcha parecenos que aporta unha estratexia alentadora para mellorar a calidade de vida do alumnado e profesorado no I.E.S de Vilalonga. A nosa intención é levalo a cabo implicando a toda a comunidade educativa. Desexamos que dea bos froitos e teña continuidade neste instituto.
Non deixes de ver os vídeos seguintes, son moi necesarios e ilustrativos.
A primeira das actividades programadas para o TEI tivo lugar esta semana. O alumnado de 1º e 3º de ESO tivo a oportunidade de coñecerse, conversar e tomar conciencia de que son parte dunha mesma comunidade. Foi unha experiencia enriquecedora que fomentou a empatía e solidariedade entre os estudantes. Parabéns!
.jpg)
A finais do curso pasado o Departamento de Orientación realizou unha enquisa ao alumnado, para valorar o estado da convivencia entre iguais no I.E.S de Vilalonga. Como resultado da información obtida a partir desta enquisa, puxemos en marcha un plan para mellorar a convivencia e previr o acoso escolar. Para empezar contactamos, inicialmente, cos institutos máis próximos a Vilalonga e invitámolos a unirse a nós nun itinerario de convivencia tutelado polo Centro de Formación de Profesorado de Pontevedra, dentro dos PFPP (Plans de Formación Permanente de Profesorado). Sumáronse a este proxecto o I.E.S de Bizocas (O Grove) e o I.E.S. Portonovo (Baltar).
