SON O FILLO DO FILLO DO REI DE GRECIA

 Rematamos o trimestre co relato autobiográfico de Isaac Xubín que, baixo o título de Son o fillo do fillo do rei de Grecia, levou o alumnado de 1º de Bacharelato por diferentes percursos xeográficos e emocionais desde a infancia á idade adulta. É neste camiño no que se constrúe a identidade e aprendemos que todo o vivido nos dá forma e ten un valor.




Bo Nadal

 

Bo Nadal e próspero ano 2023 a toda a comunidade escolar do IES de Vilalonga!

O equipo da biblioteca, o EDLG e a Subdirección do Centro.

A VOLTA Á PROVINCIA DAS MISIÓNS PEDAGÓXICAS

Co grupo Polo correo do vento tivemos hoxe a oportunidade marabillosa de achegarnos ao proxecto das Misións Pedagóxicas que na Segunda República  levaron a diferentes lugares galegos a cultura, o teatro, os libros... e deixaron unha pegada alí por onde pasaron. Recupérase, a través das figuras de Rafael Dieste e Maruja Mallo, o que foi esta iniciativa e o que supuxo; e todo isto usando a narración oral, a música, a lingua de signos e as ilustracións para conectar co noso público de 3º de ESO.

Grazas a Quique Mauricio que actuou de narrador, Carlos Taboada e Tania Solla que estiveron na ilustración, Marcelo Dobode e Antón Ke na música e Rebeca Araujo na lingua de signos.

Foi un pracer  tervos no noso centro e que a rapazada puidese coñecer desta forma tan atractiva esa etapa da nosa historia e da nosa cultura.






Árbore de Nadal matemático

 


Como xa é tradición, o departamento de matemáticas organizou a montaxe da árbore de nadal. Este ano sorprendéronnos cunha máxica árbore flotante, composta por sólidos platónicos realizados de xeito cooperativo entre o alumnado do centro. Esperemos que vos guste.

Bo nadal!

Enerxía sostible


Proxecto A CAIXA SOSTIBLE

O alumnado de 4º ESO de bioloxía e xeoloxía e ciencias aplicadas á actividade profesional  colaborarán no proxecto A CAIXA SOSTIBLE proposto por persoal docente e investigador da Escola de Enxeñería de Minas e Enerxía da Universidade de Vigo co obxectivo de amosar a necesidade dun emprego sostible da enerxía e dos recursos mineiros dende unha perspectiva máis local e concienciar a nosa mocidade de que a enxeñaría e a ciencia son uns dos motores transformadores da sociedade; fundamental para alcanzar os Obxectivos de Desenvolvemento Sostible (ODS) da Axenda 2030.

Estamos moi emocionados, a nosa caixa sostible acaba de chegara o centro!!! 


PROGRAMA TEI


     O día 1 de decembro, tivemos no IES de Vilalonga unha actividade dirixida ao alumnado de 1º e 3º de ESO dentro do programa TEI, un programa de convivencia centrado especialmente na prevención do acoso escolar. Nesta ocasión o alumnado viviu unha xornada de presentación titor/a-titorizado/a. Pasómolo en grande! 



 

CLUB DE LECTURA 1º ESO

 Hoxe xuntouse o club de lectura de 1º ESO para falar e intercambiar opinións sobre o libro de Paula Carballeira Trece avisos. Contos para ler pola noite da editorial Xerais.

Houbo quen ata pasou medo con algunha das historias ou das imaxes que as acompañan, e non é para menos!

Agora hai que seleccionar un novo libro para o 2º trimestre. Xa vos avisaremos, a ver se vos animades a unirvos.




PORTAS GAÑADORAS DO CONCURSO "DECORA A TÚA PORTA DE NADAL"

 Xa está aquí a decisión máis importante de todo o ano!!! O resultado do concurso Decora a túa porta de Nadal.

Foi ben difícil, xa que había moitas portas ben bonitas e con moito traballo, pero había que tomar unha decisión.

Na categoría 1 (1º ESO, 2º ESO e 1º FPB) a gañadora foi a clase de 1º ESO C; na categoría 2 (3º ESO, 4º ESO e 2º FPB) a vencedora foi 3º ESO A; na categoría 3 (BACH E CICLOS) o premio foi para 1º BACH C. Todas estas clases gozarán da súa festa con biscoito e chocolate para celebrar o seu éxito. 

Faremos un poster/composición con imaxes de todas as portas e esperamos que todo o mundo o teña pasado moi ben traballando en grupo e organizando o traballo creativo.

Parabéns a toda a rapazada do IES de Vilalonga!!!

A continuación podedes ver as fotos das portas gañadoras.

1º ESO C

3º ESO A

1º BACH C



REXAS. DESPEDIDA DA EXPOSICIÓN

 Hoxe foi o último día no centro da exposición Rexas. Mulleres baixo o terror franquista. Todo un pracer terra á nosa disposición un traballo tan ben feito e fundamental para a reparación e a xustiza a todas as vítimas da represión franquista.










REXAS. MULLERES BAIXO O TERROR FRANQUISTA

 A Deputación de Pontevedra reivindica a memoria das vítimas do alzamento de 1936 a través da exposición creada por Montse Fajardo baixo o nome "Rexas. Mulleres baixo o terror franquista". Nesta escolma formada por 78 fotografías cóntase a historia de represión sufrida por 172 pontevedresas que foron perseguidas, asasinadas, encarceradas e, ademais, polo feito da súa condición de mulleres, soportaron tamén vexacións de corte sexista. A mostra está distribuída ao longo do edificio 1 e podemos visitala e aprender dela ata o 15 de decembro.

Grazas por un material tan ben feito e que nos achega un pouco máis á verdade, xustiza e reparación de todas as vítimas da barbarie inciada en xullo do 36.









PREMIOS DO CONCURSO "O MEU OUTONO EN FOTOS"

 Xa temos gañadoras do concuros "O meu outono en fotos". A categoría da ESO e FPB quedou deserta, na de BACH-CICLOS gañou a alumna de 2º  de bacharelato Sara Martínez Nogueira e na de PROFESORADO-PAS resultou escollida a da profesora Silvia Castro Gondar.

Parabéns a todas e grazas por participar!





25N no IES de Vilalonga

 

 

Durante o venres 25 de novembro, todo o alumnado do IES de Vilalonga baixou ao patio frontal ás 12 horas. Na entrada había unha mesa con pintura de mans lila, para poderen pintar as palmas desa cor.

As xanelas desa fachada (1ºESOA, 1ºESO B, 1ºESO C e Desdobre 1 no primeiro andar; aula de idiomas, 3º ESO A, 2º ESO C e Desdobre 2 no segundo andar) estarán abertas e as persianas fechadas agás a ventá central de 2º ESO C. Unha das xanelas de 2º ESO C estaba completamente aberta e coa persiana levantada, porque era onde estaba disposto o equipo de son e as persoas (catro alumnas) que leron o manifesto.Da fachada colgarán as faixas de igualdade que posúe o centro.

Unha vez concluída a lectura do manifesto, o resto das voluntarias ergueron as persianas e berraron o lema deste ano: "Caladas e sumisas, nunca máis". Repetirano varias veces e amosarán as pancartas que fixeron individualmente, con lemas feministas.

Todo o acto foi gravado desde o patio, e acabou cunha salva de aplausos e coa reprodución dun tema musical . Despois, o alumnado voltou ás súas aulas.

Polos corredores do Centro as alumnas de Igualdade coa súa profesora Laura Ramos Cubas colocaron bandeirolos e pancartas con lemas en contra da violencia de xénero.




VISITA A GADISA



 

O alumnado dos segundos cursos dos ciclos de Administración e Xestión dentro da iniciativa de aulas de emprendemento, visitaron as instalacións do grupo Gadisa en Betanzos. A súa visita foi guiada pola encargada de recursos humanos. Coñeceron o funcionamento da empresa, liñas de negocios, principais innovacións que están implementando… Asemade, familiarizáronse co proceso de selección de persoal. Finalmente, visitaron o almacén principal e visualizaron o seu funcionamento, desde o punto de vista de xestión do almacén, preparación de pedidos e a loxística necesaria para o seu reparto.