Para celebrar o día de Rosalía o alumnado de 2º FPB de administrativo e automación realizaron as súas propias creacións artísticas de vangarda. Sairon verdadeiras xoias!!!
Amosando publicacións coa etiqueta poesía. Amosar todas as publicacións
Amosando publicacións coa etiqueta poesía. Amosar todas as publicacións
DÍA DAS LETRAS GALEGAS 2021 - XELA ARIAS III
O venres 14 de maio tivemos a fortuna de contar cun grupo de alumnado para facer unha pequena homenaxe a Xela Arias e nos nosos "Patios poéticos" gozamos dun recital-concerto de poemas da autora.
Ao saxo Marcos Sabor Camiña e recitando Laura Pereira Dadín, Daniel Padín Soto, Nerea Martínez Prol, Carmen Aguiño Guío e Claudia Pérez Viñas.
De agasallo pola súa colaboración unha fermosa camiseta cun verso de Xela.
DÍA DAS LETRAS GALEGAS 2021 - XELA ARIAS II
Xa temos aquí algunhas das creacións inspiradas en Xela para os nosos "Patios poéticos"!
Unha marabilla!!!
XELA ARIAS, POETA HOMENAXEADA NAS LETRAS GALEGAS 2021
A distancia, observo
que me observas,
que probas, vacilas,
e recólle-las certezas.
Este ano novo iniciámolo dando a coñecer o nome da nova persoa ligada á nosa cultura e homenaxeada co día das Letras Galegas no 2021, que nesta ocasión recae sobre a poeta Xela Arias.
Real Academia Galega: Xela Arias Letras Galegas 2021
Podes adentrarte nos seus versos neste libro que atoparás na nosa biblioteca!
Benvido sexa o ano de Xela Arias!
Guía de poesía de outono
Ler poesía é unha experiencia íntima, ás veces abrumadora, ás veces relaxante; pero nunca indiferente.
Achégate á poesía, oirás melodías.
DURANTE: UN ADEUS Á NOSA POETA LUZ POZO GARZA
Vai polo sangue un rego de memoria
unha fogueira intacta do tempo doutras vidas
que chamamos amor.
LPG
Esta semana soubemos do pasamento dunha das grandes poetas galegas,
a académica Luz Pozo Garza. Deixounos pois a muller, a voz feminina que encheu de poesía todas
as xeracións poéticas que foron xurdindo dende a Promoción de enlace ata hoxe. Voz
esencial da poesía galega da segunda metade do século XX, a súa última
publicación en galego foi Pazo de Tor (2019).
Que a súa poesía siga a vivir en nós e nas vindeiras xeracións galegas.
Real Academia Galega
Entrevista Premio Trasalba 2019
Luz Pozo réndelle homenaxe a Rosalía
DÍA INTERNACIONAL DA POESÍA
Hoxe, 21 de marzo, é o día Internacional da Poesía. A celebración foi proposta pola Unesco xa en 1998 e con ela quérese consagrar a palabra esencial e a reflexión sobre o noso tempo.
A poesía contribúe á diversidade creativa e fala da nosa humanidade común e dos nosos valores compartidos. Como ben dicía Lorca en 1936 nunha entrevista a Felipe Morales: “la poesía es algo que anda por las calles. Que se mueve, que pasa a nuestro lado. Todas las cosas tienen su misterio y la poesía es el misterio que tienen todas las cosas.”
Se vos gusta escribir, non deixedes de expresarvos con poemas!
PREMIO CERVANTES 2018
Un final improvisado díxoo todo. Ida Vitale (Montevideo, 1923) finalizara o seu discurso. Acalou os aplausos cun xesto. “Querería facerme perdoar a audacia de vir aquí, a este lugar, e meterme a falar de Cervantes”. Só despois descendeu as escaleiras do púlpito laico do paraninfo da Universidade de Alcalá de Henares, onde esta mañá recibiu o Premio Cervantes 2018 de mans do rei Felipe VI. Dixera o que non estaba escrito e quería dicir, unha desas “cousas absurdas e desacomodadas” que lle saen da alma, como os bicos
que enviou coa man ao público ao recoller o premio e ao Rey tras escoitar o seu discurso.
PREMIO CERVANTES 2018
La poeta uruguaya Ida Vitale (Montevideo, 1923) es la ganadora del Premio Cervantes 2018, el galardón más importante de las letras en español que concede el Ministerio de Cultura desde 1975. Este premio reconoce la trayectoria de un escritor que con el conjunto de su obra haya contribuido a enriquecer el legado literario hispano y está dotado con 125.0000 euros. Este año se ha roto la regla no escrita que alternaba desde 1996 a autores españoles y latinoamericanos, ya que Vitale sucede al nicaragüense Sergio Ramírez.
La poeta uruguaya Ida Vitale, Premio Cervantes 2018 - RTVE.es http://www.rtve.es/v/4841751/ vía @rtve
FIN DE CURSO 2017-2018
O 21 de xuño rematou o curso 2017/18, para despedirnos fixemos un festival ó que invitamos a escritora Tamara Andrés que nos deleitou cun espectáculo de poesía e imaxe.
Repartimos os premios dos concursos no que participou o noso alumnado: Certame literario "Hora de escribir" , Concurso de adhesivos e de banda deseñada. Rematou a festa con música no patio para todos.
Gañadores da Hora de escribir:
- - 1º premio: Manuel Arnoso Dovalo (3º ESO A)
- 2º premio: Natalia Díaz Padín (1º ESO C)
- 3º premio: Zaira Muñiz Míguez (3º ESO B)
Sara Sánchez Fernández (2º ESO C) - Gañadores do Certame literario do Instituto de Baltar (Sanxenxo) :
- Categoría A:
- Santiago Reinal Giménez (1º bach. B)
- Iria Guiance Piñeiro (1º bach. D)
- Noa Méndez Piñeiro (1º bach. C)
- Saray Lorenzo García (1º bach. C)
- María Villanueva Agís (1º bach. B)
- Gabriel Mosquera Riande (bach. A)
- David Chan Radío (1º bach. D)
- Manuel Otero Portas (1º bach.C)
- Walda González Piñeiro (1º bach. C)
Categoría C:
- Lucía Villanueva Parada
- Samar Rodríguez Costas
- Nuria Carballa Silva - Concurso de adhesivos organizado por Normalización Lingüística:
- Finalistas: Sara Garrido
Iván Sanmartín
- 2º Ciclo da ESO:
- Andrea Ara Solla
- Natalia Revuelta Medina
- Concurso de Banda deseñada (Revista Enormic Banda):
- María Weiss (3º ESO A)
PARABÉNS A TODOS/AS
Ata setembro!!!!!!!!!!!!
Obradoiro de creación poética.
Tamara
Andrés (Combarro, 1992) é graduada en Tradución e Interpretación e titulada no
Máster en Estudos
Teóricos e Comparados da Literatura e da Cultura e no Máster para o
Profesorado. Na actualidade
exerce como docente de linguas, tradutora e intérprete e realiza a súa tese
sobre poesía e tradución na
Universidade de Vigo.
En 2015
publicou a novela Amentalista e gañou o
Concurso de Poesía O Facho co poemario Nenæspiraes, que foi
editado posteriormente baixo o selo Medulia. A finais de 2017 publicou Corpo de
Antiochia coa
editorial Galaxia. Textos seus foron premiados en diversos certames e publicados
en obras colectivas, como na antoloxía. No seu
despregar (Apiario).
Alén de
poñer en práctica a dimensión sonora e corporal do texto e de participar en
proxectos escénicos e
audiovisuais, realiza obradoiros poéticos e de animación lectora e dirixe e
cordina diversos
eventos literarios
Tamara Andrés visitou o IES de Vilalonga este mércores (30/05/18) para levar a cabo un obradoiro de creación poética no segundo curso de ESO. A escritora estivo dúas sesións con cada un dos grupos para achegalos á poesía e guialos na creación de textos.
A actividade, promovida polo EDLG coa colaboración
da Biblioteca e o Departamento de Lingua Galega, tivo moi boa acollida entre
alumnos e alumnas e pareceulles moi interesante e
entretida.
Agardamos ter de novo a Tamara con nós en pouco tempo.
ANTONIO GARCÍA TEIJEIRO, PREMIO NACIONAL DE LITERATURA INFANTIL E XUVENIL
Antonio Manuel García Teijeiro (Vigo, 1952) súmase á nómina de escritores galegos premiados co PREMIO NACIONAL DE LITERATURA INFANTIL E XUVENIL , o que é unha mostra máis da vizosidade da nosa literatura. Este autor ten unha contribución moi variada á literatura infantil. Neste caso o libro premiado é un poemario: "Poemar o mar", que forma parte dunha triloxía composta tamén por «En la cuna del mar» e «Palabras do mar». Estas tres obras teñen o mar como principal protagonista. Xan López Domínguez ilustra a obra pola que García Teijeiro foi galardoado con este premio. |
| PREMIOS NACIONAIS DE LITERATURA INFANTIL E XUVENIL destes últimos anos. Para seguir a ler máis información sobre esta nova preme esta ligazón da revista Babar. |
Subscribirse a:
Publicacións (Atom)