O día 2 de marzotivo lugar unha charla de tres ex-deputados, organizada polo Seminario de Administrativo do Centro, a responsable foi a profesora Marina García Presas. Recolleu información da mesma o periódico Faro de Vigo:
"O instituto de Vilalonga acolleu onte unha charla- coloquio cuxo obxectivo era informar o alumnado do funcionamento do Parlamento de Galicia. Como relatores asistiron os exdiputados Rosa Oubiña ( PPdeG), Xulio Xosé Pardellas de Blas ( PSdeG-PSOE) e Francisco Trigo Durán (BNG).
Son sesións divulgativas que buscan dar a coñecer o traballo que se leva a cabo no Parlamento Autonómico. Os exparlamentarios explicaron as funcións da Cámara, a súa composición e órganos e contestaron ás preguntas dos estudantes. A charla completouse cunha proxección audiovisual, na que se fixo un percorrido pola realidade da principal institución política de Galicia."
O xoves día 2 de febreiro o arqueólogo da Deputación de Pontevedra Rafael Rodríguez deu unha conferencia no IES Vilalonga sobre as escavacións que se levaron a cabo na Lanzada dende o 31 de xullo de 2016 ata o 4 de febreiro de 2017 dirixida ao alumnado de Bacharelato.
A súa exposición dividiuse en tres partes, a primeira consistiu na proxección dun documental sobre ditas escavacións, na segunda expúxonos os traballos levados a cabo e as posibles explicacións ás que chegaron, pois aínda non ten todos os resultados das análises e achados realizados. Por último, abriu unha quenda de preguntas na que o alumnado puido aclarar algunhas cuestións que lles interesaron especialmente.
“Un equipo formado por
máis de 20 especialistas en arqueoloxía traballan no xacemento da
praia da Lanzada.
O obxectivo desta
actuación, que forma parte dun protocolo asinado entre a Deputación
de Pontevedra e o Ministerio de Fomento para a posta en valor dos
xacementos galaico-romanos na provincia, é a recuperación
patrimonial de todo este ámbito, no que se deixou de traballar hai
anos, ampliar a zona de visitas e escavar a área romana para aclarar
as cronoloxías.
O arqueólogo da
Deputación, Rafael Rodríguez, destacou a relevancia do xacemento da
Lanzada, "ocupado desde o século VIII a.C. ata o século X d.C.
e no que se sitúa a primeira factoría de salgados do noroeste".
A Lanzada, segundo os técnicos, é un xacemento moi interesante para coñecer o mundo da Idade de Ferro no noroeste peninsular e a importancia das relacións comerciais que desde alí se establecían, que situaban ao asentamento nos circuítos comerciais daquel momento.”
O IES de Vilalonga organizou un obradoiro impartido no centro polos Servicios de Emerxencia do Concello de Sanxenxo destinado ao alumnado da FP Básica e do Ciclo Medio de Automoción para formarse nos distintos métodos de autoprotección nos talleres como o uso de mangueiras, de extintores...
Tras unha charla teórica o alumnado tivo a oportunidade de poñer en práctica o aprendido.
Esta formación é importante xa que nos talleres hai líquidos inflamables e saber como proceder rápidamente ante un incendio pode evitar grandes daños persoais e materiais.
Ahmed Ali, acompañado dun tradutor, veu falarnos da realidade do seu país no que a palabra liberdade non existe tal e como a entendemos porque o réxime militar controla todo.
Tras o seu paso polo cárcere no que foi torturado e retido nunhas condicións infrahumanas e condenado a unha pena de 25 anos de cárcere por ilustrar coas súas fotos as protestas e manifestacións dos cidadáns, tivo que fuxir do seu país e actualmente está acollido en España por Amnistía Internacional dentro do programa de Protección Temporal para Defensores.
Ahmed Ali é membro do Movemento 6 de abril (data na que se fixo unha chamada a través das redes sociais para facer unha xornada de paro e de protestas sociais en solidaridade cos traballadores téxtiles da cidade de Mahalla al Kubra no Delta do Nilo) e testemuña da represión exercida polo réxime de Abdel Fattah al-Sisi contra a poboación exipcia pero sobre todo contra os mozos, os defensores dos dereitos humanos e os xornalistas.
No 2011 a xente de varios países árabes do norte de Africa e de Oriente medio saíu á rúa para pedir reformas e conseguiu derrocar algúns dirixentes como o exipcio Hosni Mubarak chegando a crer que as cousas ían cambiar pero o certo é que a poboación segue a sufrir a represión dos gobernos e como no caso de Ahmed o feito de querer mostrar a realidade ou non comungar coas ideas do réxime fai que sexa etiquetado de terrorista.
O relato de Ahmed Ali foi seguido con moita atención polos asistentes suscitando preguntas ao final da charla.
Onte tivemos o privilexio de contar coa presenza de Juan Vaello, psicopedagogo, orientador e profesor titor de Psicoloxía Xeral e Psicoloxía Evolutiva na UNED, que ten publicados varios libros sobre a resolución de conflitos, as habilidades sociais na aula, entre outros, dirixidos aos docentes. E diso nos falou no IES de Vilalonga respondendo tamén ás preguntas que lle fixemos. Tomamos boa nota dunhas cantas cousas que nos poden achegar melloras na nosa práctica docente.
Hai xa un par de semanas tivemos o privilexio de ter con nos ao profesor da Universidade de Vigo Don José Benito Vázquez Dorrío que deu unha charla para o alumnado de 1º e 2º de bacharelato sobre física re-creativa.
Foi unha charla que non deixou indiferente a ninguén, unha maneira de ver o ensino dende a aplicación e a explicación práctica desas fórmulas que a primeira vista nos pareces incomprensibles á maioría dos mortais.
O alumnado participou nos experimentos, disfrutou, aprendeu e quedou con ganas de mais.
Como pasa o tempo e
como se van facendo maiores os nosos alumnos e alumnas buscando o seu lugar e o
seu camiño na vida. Hai uns días unha exalumna do centro, Miriam Rial Alonso, veu falar da súa experiencia como colaboradora
da ONGD Solidariedade Internacional de
Galicia ao alumnado de 3º ESO.
Esta ONGD promove e
participa en Proxectos de cooperación internacional, axuda humanitaria e de emerxencia,
educación para o desenvolvemento e sensibilización e comercio xusto entre outros.
Miriam entrou en
contacto con esta ONGD na Universidade de Santiago onde estudou Socioloxía. Ao
rematar os seus estudos marchou a Nicaragua onde viviu experiencias que como
ela mesma di lle cambiaron a maneira de ver as cousas.
Quizais o que mais
lle chamou a atención é o felices que poden ser con tan poucas cousas as
persoas que coñeceu alí. A escola faise ao aire libre, o transporte en vellos
vehículos por carreteras pero tamén corredoiras, ainda hai pontes e estruturas
derruidas polo furacán Mitch...
Unha das cousas que
destacou Miriam é o interese do goberno local en que as mulleres non teñan voz
e non sempre miran con bos ollos as reunións e as asociacións entre as féminas.
Todos sabemos que
as grandes empresas buscan man de obra barata en países do Terceiro Mundo e que
pensan antes nos beneficios económicos propios que no mal que se lle pode facer
á poboación deses países como a contaminación a causa dos residuos debidos á
producción industrial. Para tentar de dar ás persoas un medio de vida que respete
o seu entorno e non estea baseado na explotación creouse o comercio xusto.
En Galicia hai
actualmente tres tendas de Comercio
xusto, unha delas en Pontevedra (nas Galerías da Oliva), outra en Ourense e
a terceira en A Coruña. Nestas tendas podedes atopar productos alimenticios,
xoguetes, libros que non atoparedes noutros sitios e que poden ser un agasallo
diferente.
Un axente da Garda Civil visitou o noso centro para alertar dos riscos da internet. Aquí vos deixo un resumo da charla na que os rapaces e as rapazas interviñeron para preguntar dúbidas e compartir experiencias.
As ferramentas que pon á nosa disposición internet son fabulosas pero poden converterse nun arma de dobre fío se non as empregamos ben, xa que non só se empregan para buscar información senón para ameazar, calumniar, inxuriar e violar o noso dereito á intimidade.
Temos que saber que NON SE PODEN SUBIR FOTOS DE MENORES DE IDADE A INTERNET SEN CONSENTIMENTO ESCRITO DOS SEUS PAIS, NAIS OU TITORES LEGAIS, xa que é un delito coas consecuencias que eso leva consigo ante unha denuncia.
Non podemos esquecer que as fotografías que se aloxan na rede xa non se poden quitar.
Ademais, as fotos que subimos a internet levan moita información que se pode obter cun software como a marca do móbil, a data na que foi feita a foto e incluso as coordenadas onde se fixo co que se pode indagar onde vivimos ou realizamos actividades durante o tempo de lecer.
Debemos ter claro que se empregamos as redes sociais ou a mensaxería instantánea xamais debemos aceptar contactos de descoñecidos xa que, para que querería falar con nós alguén que non nos coñece? Quizais o video seguinte poida responder a esta pregunta.
Como vedes é moi sinxelo enganar a través de internet, moitos de vós o facedes dende o momento en que vos rexistrades cunha data de nacemento que non é a correcta para poder ter un perfil en facebook ou outras redes sociais (o facebook a partir dos 14 anos, o watsapp para usuarios maiores de 16).
O axente da Garda Civil deu ademais unha serie de consellos para navegar seguros na rede:
-Cando nos conectamos a través dunha rede wiffi pública ou aberta non debemos facer compras online, acceder á banca electrónica, cambiar contrasinais de acceso, acceder a facturas online, conectarse a redes sociais ou a chats, conectarse en remoto a outros equipos, posto que a rede pode estar intervida e se é o caso poderían acceder ó noso dispositivo e obter fotos, contrasinais ou calquera tipo de arquivo.
-Se abrimos calquera aplicación nun ordenador público hai que cerrar sempre a sesión.
-Redes P2P. A palabra "gratis" en internet non existe e co Emule, o Ares, o Bit Torrent podemos introducir un malware, un virus e infectar o ordenador ó descargar algo.
-Por suposto hai que ter sempre instalado un antivirus -mellor con firewall-(no ordenador, no móbil, na tablet...), actualizar o navegador e mercar só en páxinas con https , sen o -"s" non é segura.
Mañá venres 8, ás 16h30, no Salón de Actos do IES de Vilalonga, terá lugar unha mesa redonda organizada polo Departamento de Orientación na que intervirán varios exalumnos e exalumnas do centro para contarlle ao alumnado de 1º e 2º de Bacharelato e a todas aquelas persoas ás que lles poida interesar a súa experiencia na universidade. Esperamos a vosa asistencia!
Chen Zhen : Table Ronde, 1995. Centre Pompidou -París 2015- Foto de Noli.
Participantes:
JAVIER CAL (Estudante de Relacións Laborais na USC)
NOELIA CASAL (Estudante de Tradución e Interpretación na Universidade de Vigo)
DAMIÁN GÓMEZ (Estudante de Ciencias Políticas na USC)
ESTEFANÍA LÁZARO (Estudante de Enfermería na USC)
JESÚS LEIRO (Estudante de Filoloxía Inglesa na USC)
