CINE:
Unha manadiña de xoias con música
Na casa, de François Ozon
Excelente película francesa de 2012 para ver
cos nosos alumnos dos IES.
Lévanos da ficción á realidade e viceversa. Invítanos a fixarnos
naquel alumno que se senta ao fondo da aula..., mais...
Mediterráneo , de
Gabriele Salvatores
Película italiana de 1991. Talvez é tempo de
que volvamos a Grecia. Entón, no filme, chegaron alí os xermanos para deixalos
ben mortos, agora volveron para matalos vivos. Volvamos a Grecia para quedarnos
alí e ver pasar o tempo desta guerra desde calquera outeiro nunha fermosa illa, sen máis.
Para amala e amar e preservar a memoria da súa memoria, do seu legado. Que os
ladros do norte e seus cómplices do sur afoguen no seu propio lixo... Nós
quedámonos coa beleza. Sinxela, fermosa...
Isadora, de Karel Reisz
Película inglesa de 1968. Retrata a vida da bailarina Isadora Duncan, que prendeu en moitas de nós, seguramente, un soño de liberdade e de incansable búsqueda de beleza...
Os catrocentos
golpes, de François Trufaut
Película francesa de 1959. Antoine Doinel, asfixiado polos problemas familiares e sociais e maila fría disciplina escolar, emprende a fuxida cara ao mar...
Tess, de Roman Polanski.
Película de 1979, de ambiente inglés pero rodada en Francia. Enorme recreación do seu autor a partir dunha novela inglesa. Non debe descoñecerse este relato feminista que é ademais unha gran obra de arte. 
Chovendo pedras, de Ken
Loach
Esta película inglesa de 1993
é bastante máis que unha obra
divertida, encarna a loita pola dignidade humana,
dereito que a
señoraThatcher puxo en
cuestión para asalariados e
parados.
Total, daquela, que máis lle daría á filla do tendeiro e, hoxe, á
filla do pastor luterano e seus esbirros?
A Aura, de Fabián Bielinski
Unha película arxentina de 2005, un thriller ben artellado e
unha espléndida actuación de Ricardo Darín. Interesante.
Ningún comentario:
Publicar un comentario