Con esta nova adaptación cinematográfica da obra de MARJANE SATRAPI poderemos engaiolarnos de novo do particular universo que describe esta autora iraniana de banda deseñada. A autora de Persépole e Bordados achéganos con esta obra a vida dun personaxe, Nasser Alí, que perdeu o interese por vivir porque a súa muller lle estragou o seu querido instrumento musical. Esta historia sobre a saudade e as teimas do artista serviranos para ver o universo iraniano con outros ollos, liberándonos dos nosos prexuízos de sociedade occidental. Esta vez o relato cinematográfico recrea a historia sen os peculiares debuxos en branco e negro, que caracterizan a Satrapi.
