O alumnado de Vilalonga aprende a salvar vidas.

Os 400 alumnos de ESO  e Bacharelato do noso Centro tomaron conciencia da importancia que teñen as técnicas de reanimación nunha urxencia vital.

Os técnicos e médicos do SEMES (Sociedade Española de Medicina de Urxencias) de Galicia explicaron as técnicas máis sinxelas para salvar unha vida en caso de paro cardíaco, de atragoamento ou de ictus cerebral.

Os expertos subliñan a importancia destas técnicas no caso de risco vital: "É unha formación básica que os alumnos aprenden con facilidade".

"Salvar vidas é cuestión de calma". Esa é a mensaxe que se trasmitiu ao alumnado que escoitaron as instrucións e fixeron masaxe cardiopulmonar ao ritmo das cancións "Macarena"e "Stayin Alive".

Campaña: separemos ben, reciclemos mellor.

O día 10 de novembro de 2016 tivo lugar no salón de actos unha charla sobre reciclaxe para os alumnos de 1º da ESO.

Os obxectivos eran:

- concienciar da importancia de separar ben e reciclar.

- desenvolver a conciencia ecolóxica dos alumnos.

- que pregunten as dúbidas sobre o tema a un experto.

- formar cicadáns responsables no tema.