[Panorámica do Castro de Carballedo onde foron atopados os brincos de ouro.
Fotografía procedente de A Nosa Terra.]
Vén de coñecerse un dos achados máis importantes da historia recente da arqueoloxía en Galiza, o descubrimento no castro romanizado da Cruz do Castro, na parroquia de Carballedo, Cotobade, do único pendente de ouro romano topado e documentado até o momento no país. Trátase dunha xoia feminina datada entre os séculos II e III d.C., infrecuente en Galiza e en todo o territorio romanizado, achada 18 séculos despois de que a súa portadora, presumibelmente, o extraviase por accidente.
Foi localizado, o pasado agosto, no marco dunha campaña de escavación dirixida por Anxo Concheiro e promovida pola Comunidade de Montes da parroquia de Carballedo
Cómpre remontarse dous anos atrás e viaxar até a cidade de Xerusalén para dar conta dun achado de semellantes dimensións procedente do Imperio Romano.
O pendente pasará a formar parte dos fondos do Museo de Pontevedra, segundo a resolución da Dirección Xeral de Patrimonio, e presumibelmente se exporá nalgunha das súas salas.
Vía A Nosa Terra.
Ningún comentario:
Publicar un comentario