A beira das palabras: 2024-05

Visita Inditex

Dentro da iniciativa de aulas de emprendemento, o pasado xoves o alumnado de Ciclo Superior de Administración e Finanzas e 2º de Bacharelato tiveron a oportunidade de visitar as instalacións de Inditex en Arteixo. Durante a visita tivemos a posibilidade de coñecer os diferentes departamentos, proxectos, espazos e tendas piloto da empresa. Sin dúbida unha gran visita que esperamos volver a repetir nos vindeiros anos.

Taller primeiros auxilios de protecciónc civil de Sanxenxo.

Os días 22 e 28 de maio, o alumnado de Formación profesional das familias de Automoción e Administración recibiron un taller sobre primeiros auxilios impartida polo servizo de protecciónc civil de Sanxenxo. Na charla tiveron a oportunidade de coñecer cómo actuar ante un accidente, practicar a RCP e as técnicas de atragantamento.

ENAPAS

Visita do GIAT- Automoción

O venres 3, o noso alumnado de automoción recibiu a visita do GIAT de Pontevedra (Grupo de Investigación e Análise de Tráfico da Garda Civil) . Durante a charla, abordáronse aspectos como os procesos de homologación de vehículos e os controis aos que son sometidos os vehículos para asegurar a súa idoneidade e conformidade coas normativas vixentes. Parabéns ao profesorado e alumnado do IES de Vilalonga!

CURSOS DE CAPACITACIÓN DIXITAL 2024

CARACTERÍSTICAS DOS CURSOS:

- Cursos gratuítos de 30 horas de duración. Haberá varios grupos e diversas quendas e horarios.

- Formación asociada á cualificación de nivel 2 do Catálogo Nacional de Cualificacións Profesionais IFC748_2 Dixitalización aplicada á contorna profesional.

- Ao remate obterás un certificado de asistencia e aproveitamento, co que se poderán acreditar unidades de competencia de cualificación profesional.

INSCRICIÓN:

- A inscrición realizarase de forma presencial na Secretaría do IES Vilalonga.

- A documentación a entregar será calquera tipo de documento de identidade (DNI, NIE).

- Poden solicitar máis información chamando ao 886159137

Exposición ODS

Os últimos quince días, 13-28 de maio, puidemos desfrutar dunha exposición organizada pola profesora de relixión Ana González. Titúlase: Letras que crean historias, Historias que contan vidas, ODS. A exposición foi cedida pola ONG Mans Unidas. O alumnado puido reflexionar sobre os Obxectivos de Desenvolvemento Sostible (Axenda 2030 da ONU) e practicar coas TICs pois tiñan diversas actividades coas mesmas.

Xornada Clubs de lectura

O día 14 de maio de 2024 tivo lugar, na cidade da cultura en Santiago de Compostela, a XVI Xornada dos Clubs de Lectura. O Cafi reuníu a representantes de todos os centros de Galicia que organizan clubs de lectura. Puidemos gozar de múltiples actividades: conferencias, obradoiros, visitas de escritores, videoconferencias, etc. Agradecemos a asesoría das bibliotecas escolares de Galicia e ao CAFI a organización e o bo trato.

Entrega de premios

O 22 de maio de 2024 entregamos, na biblioteca, os premios do concurso Portadas vivas organizado polo departamento de Lingua castelá, con motivo do Día do Libro. Os premios consistiron en material escolar do instituto: bolígrafos, libretas, bolsa..., un vale para a cafetería do centro, outro vale para material escolar ou libros nunha librería da localidade e un diploma. Noraboa aos gañadores.

Gael Roch Czanecki González

de 1º ESOC

Nerea Varela Garrido

de 3º ESO B

Concurso PortadasVivas

Pois xa temos gañadores do concurso PortadasVivas que organizou o Departamento de Lingua Castelá e Literatura en colaboración coa Biblioteca co gallo da celebración do Día do Libro, un concurso que pretendía aunar lectura e arte.

Categoria A.

Na categoría A, o gañador foi Gael Roch Czarnecki González, de 1º ESO C, cunha foto moi ben encadrada.

Categoria B.

Na categoría B gañou por unanimidade de votos Nerea Varela Garrido, de 3º ESO B, cunha foto que non só é perfecta no encadre, senón tamén nas cores.
Noraboa ao alumando gañador!

VIAXE A BRAGA II

Xa na cidade de Braga fomos recibidos pola profesora Maria da Luz e con ela compartimos unha mañá na Escola Secundária Carlos Amarante. O grupo do alumnado portugués foi encantador, acolléronnos con alegría e moita curiosidade. Con eles falamos de música, de cultura, de como é a vida escolar nun país e noutro...

Visitamos as instalacións da escola, que acolle a 1800 alumnos, agasalláronnos cun percorrido personalizado pola mostra que tiñan sobre o 25 de abril, regaláronnos cancións desa época, un cravo (caravel)... Unha marabilla de visita, cun trato excepcional por parte de todo o persoal do centro, xa fosen PAS ou docentes. Sentímonos como na casa e os alumnos puideron vencer a timidez inicial e interactuar con persoas no idioma que están a aprender. Para rematar, agasalláronnos cun libro sobre a historia do centro e unha imaxe dun mural que decora unha das paredes exteriores (obra da artista galega Lidia Cao).

A maiores, tivemos a fortuna de coincidir con tres docentes turcas que se mostraron moi interesadas en Galicia e no noso centro.

Complementamos a estadía cunha visita a diferentes monumentos da cidade para coñecer as súas diferentes etapas (romana, medieval, barroca...), ademais de librarías e pastelarías.

En definitiva, unha viaxe na que coidamos do corpo e do espírito!!

VIAXE A BRAGA I

O día 16 de maio saímos de viaxe co alumnado de 1º da ESO da materia de segunda lingua estranxeira: portugués con destino a Braga. Alí imos visitar unha profesora, Maria da Luz, e o seu alumnado. Con eles colaboramos no curso pasado no proxecto Lendas de aquí e de acolá no que compartimos e traducimos aos respectivos idiomas lendas galegas e portuguesas. Por fin nos imos coñecer en persoa!

Levamos un pequeno agasallo artístico, a obra O Salnés en acuarelas do artista e ex-profesor Eduardo Baamonde, e tamén gastronómico cuns cantos de Sanxenxo e unha torta de améndoa.