A beira das palabras: 2024-06

Xuntanza final dos Clubs de Lectura

O 17/06/2024 reunimos na cafetería do centro ao alumnado que participou nos clubs de lectura este curso. Os rapaces e rapazas dos diferentes niveles xuntáronse coas súas respectivas profesoras (coordinadoras dos clubs). Comemos e bebemos, tamén festexamos a chegada das vacacións e prometemos continuar coa lectura o próximo curso. Eran en total 46 alumnos/as.

Club de 1º de bacharelato coas súas profesoras Raquel e Uxía.

Club de 3º da ESO coa súa profesora Cuky.

Congreso Mobilidade Sustentable en medios de Transporte.

Este ano o Foro de Automoción evoluciónou nun congreso.

Aquí queda o vídeo do Congreso de Mobilidade Sustentable en Medios de Transporte 2024.

Visita ao Banco de España

O pasado 21 de maio o alumnado de 1º de FP Básica, de administración, visitou o Banco de España en A Coruña, onde dous traballadores realizaron unha explicación dos diferentes medios de pago que existen na actualidade e tamén fixeron fincapé nas estafas e fraudes financeiros que existen na actualidade, vinculados ao uso de dispositivos electrónicos, internet e redes sociais. Esta actividade estivo financiada polo programa de aulas de emprendemento.

Excursión a Betanzos

O pasado mércores 29 de maio as alumnas e alumnos de relixión de 2º e 3º da ESO viaxaron a Betanzos para coñecer esta vila histórica, pasamos un día de aprendizaxe e lecer.

Un guía betanceiro levounos polas rúas antigas ata chegar ás igrexas de San Francisco de Santa María de Azougue. Na primeira ademais das explicacións de Julián escoitamos a Enrique Lista, franciscano, que nos contou como funcionaba o espazo solidario "Familia aberta" para persoas que viven en soidade e precisan atoparse. Unha desas persoas contounos a súa experiencia alí.

Logo visitamos Santa María de Azougue onde Julián nos preparou unha busca de "tesouros" medievais que se atopan nesta igrexa. Xa había fame. Marchamos a comer e a descansar a beira do río. Despois paseamos a beira do río e rematamos na praza tomando xeados, repoñendo forzas antes de voler a Vilalonga. Organizou a excursión a profesora de relixión Ana González e acompañárona os profesores Adrián Nespral Valle, Juan Ventoso, Rafael Arines e Carmen Sayáns.

VI CONCURSO DE PODCAST RADIO NA BIBLIO

O noso centro presentou no mes de abril dous podcast ao VI Concurso de podcast radio na biblio. As alumnas de 4º da ESO e de 1º de BACH prepararon dúas propostas baseadas na relación da literatura e a música en diferentes momentos da historia da literatura galega.

Entrega de premios do Certame Literario de Sanxenxo

O 7 de xuño tivo lugar a entrega de premios do XVIII Certame Literario do IES de Sanxenxo, ás 20h no Auditorio Emilia Pardo Bazán. O noso centro participa todos os anos no mesmo. Foron seleccionados como finalistas un bo número do noso alumnado:

Categoría B

ROI PRADO QUIÑONES