I CERTAME DE REGUEIFAS CONCELLO DE SANXENXO

O alumnado de 2º ESO do IES de Vilalonga participou o pasado 11 de abril, xunto con compañeiras e compañeiros do IES de Sanxenxo e o Colexio Abrente, no I Certame de Regueifas do Concello de Sanxenxo que tivo lugar no Auditorio do Pazo Emilia Pardo Bazán.

Ao encontro asistiron ademais os regueifeiros Lupe Blanco e Josinho da Teixeira que guiaron esta xornada de lingua, cultura e convivencia entre o alumnado dos tres centros educativos de Sanxenxo.

          

Algúns enlaces de interese sobre este encontro:

https://www.sanxenxo.es/index.php/gl/concello/novas/todas-as-novas/25-noticias/noticias-cultura/2548-i-certame-de-regueifas-do-concello-de-sanxenxo?fbclid=IwAR0VIFXccizNKasDEIsWUmtptuPdlZNAiwF2vBGnKi2o3zoDvNEz6AB6530

https://www.facebook.com/1001950496537699/photos/a.1035545769844838/2223897524342984/?type=3&theater 

https://www.xunta.gal/notas-de-prensa/-/nova/39144/certame-regueifas-sanxenxo-promove-galego-oral-entre-alumnado-vila-pontevedresa?fbclid=IwAR1Wzezf86O6UWlbJ-fpbns7wMrNJaXZvQUPYwqsPOQKoZr2TcG1rRME09U

Materia nova no IES de Vilalonga

Este curso 2018/19 estamos de noraboa no Centro, temos unha nova materia optativa para o alumnado da ESO, o seu nome é "Violencia de xénero". A profesora que a propuxo e que a imparte é Patricia Díaz González (do seminario de Xeografía e Historia), está moi ilusionada e non para de traballar e ten un grupo bastante numeroso que se mostra moi activo igual que a súa profesora.

Están organizando numerosas actividades: un muro sobre o  machismo para derribar, un panel con lemas e debuxos para acabar con esta lacra, vídeos, fotos, etc.

Sen dúbida o obxectivo é  traballar en valores como igualdade, tolerancia, esforzo, xustiza, etc.

O que nos parece MOI IMPORTANTE.

Regueifando con Josiño da Teixeira

Un ano máis desfrutamos coa arte de regueifar que nos ensina Josiño da Teixeira, este xa sería o terceiro no que o seu obradoiro triunfa entre o alumnado de 2º de ESO, e tanto é así, que se nos queda moi curto.

TRABALLAMOS o uso da lingua galega NO XORNAL

Durante o primeiro trimestre traballamos o uso da lingua galega nun  xornal  xeneralista para evidenciar a falta de emprego da nosa lingua en calquera tipo de noticia. E moito máis se se trata dunha nova de maior importancia. Daquela non aparece en novas de actualidade, e só nalgunhas de temática cultural e, en poucas ocasión, nas de deporte local. 

No tocante á publicidade  atopamos o uso de galego na publicidade institucional e moi, escasamente, na outra. Este traballo de campo está moi relacionado coa noticia que sae hoxe mesmo, cuxo titular é: "A lingua galega, por detrás do inglés e do castelán para directivos de empresas do país"

No humor contamos con seccións fixas en lingua galega como as de Xaquín Marín que nos aledan a vida.

Co resultado deste traballo realizamos unha exposición no taboleiro do EDLG do noso corredor.

Neste segundo trimestre traballaremos as noticias que teñen que ver coa muller en xeral, e con todo tipo de prexuízos que lle poidan afectar.