PLAN DIRECTOR

 

No transcurso de tres xornadas durante o mes de outubro, leváronse a cabo as charlas do Plan Director, dirixidas ao alumnado da ESO, Bacharelato e Formación Profesional Básica. Estas sesións anuais supñen un pilar fundamental da formación dos nosos mozos e mozas, abordando temas relevantes para o seu desenvolvemento persoal e social. No presente ano, o Plan Director sorprendeunos cunhas novas temáticas, como outras adicións, a orientación laboral e a prevención de delitos sexuais, nun esforzo por manterse ao tanto das necesidades actuais da nosa comunidade estudantil.

CHARLA UE

 

O martes 31 de outubro, os estudantes de 1º de Bacharelato tiveron o privilexio de asistir a unha charla, impartida por María Sande Landeira, sobre a oferta educativa da Unión Europea. Enfatizouse como a UE promove programas de intercambio, bolsas e colaboración entre os seus países membros, creando un ambiente propicio para que os mozos amplíen os seus horizontes académicos e persoais.

Igualdade

Durante as últimas semanas, o alumnado de 2º da ESO participou nunha actividade organizada desde o Concello de Sanxenxo sobre "Relacións afectivo sexuais saudables para a prevención das violencias machistas" Obxectivo principal das 4 sesións de formación que tivo o alumnado foi fomentar a igualdade de trato e rexeitar todos os tipos de violencia de xénero.

SAÍDA AOS XULGADOS DE PONTEVEDRA - EDUCAR EN XUSTIZA

 

Durante a mañá do 31 de outubro, o alumnado de 4º que cursa a materia de Filosofía gozou dunha interesante visita aos xulgados de Pontevedra que nos permitiu coñecer ben de cerca como funciona a xustiza.

A decana ensinounos a sala de vodas, a dos interrogatorios a menores e incluso os calabozos. O forense mostrounos o seu importante traballo e finalmente puidemos asistir a dous xuízos.

Foi unha saída moi proveitosa tanto para coñecer aspectos relativos a xustiza referida aos menores como tamén para poder achegarnos a unha parte tan esencial da nosa sociedade.

A biblioteca do IES de Vilalonga está de medo!!

Na biblioteca do instituto de Vilalonga coáronse unhas pantasmas revoltosas que fan falcatruadas, ven a velos e axudaranche a buscar a lectura que che gusta. A diversión está asegurada, métense entre os libros, cómics e revistas, aparecen de repente e sorprenden cos seus aullidos. Este ambiente de medo e diversión temos que agradecerllo a profesora de plástica Alba Piñeiro e o seu alumnado de ESO e Bacharelato.

Vinde a pasear con nós polo máis alá!

As pantasmas saen de entre os libtos AUUUUUUUUUUUUUU! e sobre as mesas tes LIBROS DE MEDO! para levar o terror contigo UAJAAAAAA!.

O corredor do edificio 1 está adornado cunha exposición de seres mitolóxicos dá cultura galega típicos destas datas do Samaín. Organizouna o departamento de Lingua Galega e levouna a cabo a profesora Laura Ramos Cuba xunto o seu alumnado de 1º de ESO. Os relatos de terror escritos polos alumnos de 1º da ESO para a celebración de Samaín son unha mostra da creatividade e a imaxinación destes mozos e mozas escritores en potencia. A pesar da súa idade, lograron crear historias que evocan un ambiente de misterio, suspense e, en algúns casos, auténtico terror.

Ben feito rapaces/zas!

Participación en EDUGAL

Un ano máis, departamento de Automoción do IES de Vilalonga   participou en Edugal, no curso lectivo 2023-24, dando a coñecer a oferta formativa que se imparte no IES de Vilalonga: ESO, Bacharelato e Fp (Automoción, Administrativo e Hostalaría e servizos), impulsando así a formación profesional nas diferentes familias profesionais e os seus niveis educativos.

Premio Nobel de la Paz

 Este año 2023, en su 122 edición, el Premio Nobel de la Paz ha sido para Narges Mohammadi, activista y periodista iraní, por su incesable lucha contra la opresión de la mujer en Irán, y promoción de la libertad y los derechos humanos.6 oct 2023

National Geographic España

https://www.nationalgeographic.com.es › mundo-ng › n...

Visita a Feira de emprendemento Pont-up store

   O pasado venres 29 de setembro o alumnado de 2º de CM e FP Básica de automoción e o alumnado de 2º de CM CS e FP Básica de Administración asistiron a feira de emprendemento Pont-up store que se celebrou en Pontevedra.

Esa iniciativa financiada polo programa de aulas emprendemento ten como obxectivo o incremento e difusión da cultura emprendedora entre o alumnado do noso centro.

Visita a Edugal

O pasado xoves 5 de outubro, o alumnado de 2º curso das familias de administración, automoción e cociña visitaron o salón da oferta de educación e formación de Galicia.

Nesta visita organizada polo programa de aulas de emprendemento do noso centro, o alumnado tivo a ocasión de asistir a conferencias, recibir orientación sobre a oferta formativa e visitar o stand do departamento de automoción do noso instituto.

Premio Nobel de Literatura

 A Academia Sueca otorgou o premio Nobel de Literatura de 2023 ao escritor e dramaturgo noruegués Jon Fosse  recoñecido "polas súas innovadoras obras de teatro e prosa, que dan voz ao indescritible".