8 de marzo

A comunidade educativa do IES de Vilalonga levou a cabo unha serie de actividades ao longo do trimestre con motivo do Día Internacional da Muller. 

A meirande parte delas foron expostas ao público nestes últimos días, especialmente o día da propia conmemoración, no que se acompañou da lectura do Manifesto do Día Internacional da Muller.  

Nada máis acceder ás instalacións do primeiro edificio colocouse a exposición fotográfica "Desenfocando a Automoción", elaborado polo alumnado de 2º curso dos Ciclos de Formación Profesional Básica de Mantemento de Vehículos e Servizos Administrativos, guiados polas súas profesoras de Ámbito Socio-lingüístico Patricia Díaz e Gala Puy. O obxectivo é visibilizar a escasa presenza de mulleres en determinados ciclos e oficios, neste caso a automoción. A situación neste eido académico-laboral é sangrante, contando unicamente con 4 alumnas dun total de 81.

     

A exposición prolóngase polo lateral exterior da Biblioteca, onde se colocaron diferentes fotografías das alumnas destes ciclos.

      

Casualmente, dúas delas son nai e filla, que recentemente saíron en diferentes medios de comunicación: 

• https://www.lavozdegalicia.es/noticia/arousa/2022/03/08/carmen-quiere-trabajar-itv-yanire-taller-chapa-pintura/0003_202203A8C3991.htm
• https://www.farodevigo.es/arousa/2022/03/08/madre-hija-motores-63549527.html
  

A profesora do Departamento de Artes Plásticas, Alba Piñeiro, realizou co seu alumnado da ESO unha grilanda e un mural con motivo deste día, que se colocaron en diferentes puntos do centro.   

     

O Grupo de Igualdade, coa súa profesora Patricia Díaz, elaboraron distintos materiais que colocaron por todo o centro: 

• Varios murais reivindicativos

• Imaxes con lemas feministas na pantalla do edificio 1

     

• Unha comparativa entre as rúas de Sanxenxo dedicadas a homes a mulleres respectivamente, onde se pode ver o claro sesgo de xénero e un cartel sobre as diferentes dimensións da violencia.