O xoves 17 de decembro tivemos a oportunidade de gozar coas achegas de
Borja Guerrero e Carlos Madureira, da editorial OQO, ao mundo da
animación. Foi un obradoiro no que coñecemos a historia desta arte e nos
explicaron varios aspectos sobre o incrible mundo das imaxes en
movemento, de como funciona o noso cerebro no campo visual, das
necesidades técnicas neste traballo, os primeiros obxectos ou "xoguetes"
relacionados con el... E logo chegou o mellor: facer as nosas propias
animacións en plastilina coa app Stop Motion. Encantounos deixar saír o
lado creativo e comprobamos que algúns participantes teñen moito xeito e
poden acabar sendo uns artistas de primeira!
Na tardedo pasado 10 de marzo, o alumnado de 3º e 4º de ESO do IES de Vilalonga
celebrou o Día de Rosalía cun acto no que subiron ó estrado máis de cincuenta
estudantes dos dous cursos para ler, recitar ou cantar poemas da cantora do
Sar.Os profesores Juan Ventoso e Xaquín
R. Pomares tamén contribuíron acompañando co violín e o piano a Noelia, a alumna
de 3º que interpretou “Negra sombra”. O acto estivo presentado por Nerea e
Daniel e de ir pasando os videopoemas realizados polo alumnado
encargouse Alejandro.
O EDLG agradece a masiva participación do
noso alumnado e o esforzo realizado, especialmente tendo en conta o pouco tempo que
tiveron para preparar os textos.
Cartas
de amor á lingua
Ó remate, tivo lugar a entrega de
agasallos e diplomas ás gañadoras do concurso“Cartas de amor á lingua”,convocado polo EDLG, a Biblioteca e o Departamento de Lingua e Literatura
Galegas: Inés Costado, pola carta máis orixinal; Nerea Vila, pola carta máis
sentida, e Paula Padín, pola carta máis reivindicativa.
Moitas
grazas pola vosa entrega
nas
actividades que vimos desenvolvendo
en
prol da normalización da lingua galega!!!
Por outra banda, a
profesora de Debuxo, Alba Piñeiro, realizou un retrato de Rosalía para
conmemorar o 24 de febreiro. Este retrato quedará exposto nun lugar destacado
da biblioteca para que poida ser contemplado por toda a comunidade educativa.
O alumnado de 2º de bacharelato do IES de Vilalonga continúa participando no club de lectura no que seguro será o derradeiro ano no centro para eles. Desta vez atrevémonos con
A crueldade de abril de Diego Ameixeiras, unha obra de novela negra proposta conxuntamente co club de lectura do IES Monte da Vila do Grove.
Aínda que o noso club este curso volve ser moi numeroso, desfrutamos da lectura e as xuntanzas que nos serviron para comentar esta obra que tivo unha moi boa acollida.
Ademais, sabemos que isto non remata aquí e, aínda que xa estamos lendo Beleza vermella, de Arantza Portabales, quédannos aínda algunhas sorpresiñas arredor de A crueldade de abril, entre elas a visita do autor o 12 de marzo.
17/01/2020. Aquí vos deixamos un estupendo vídeo sobre as telleiras da zona de Sanxenxo e outros lugares próximos. Fíxerono o alumnado de 4º da ESO coas súas profesoras de Lingua Galega: Lidia Fernández e Carme Picallo, así como o profesor de Xeografía e Historia José Ramón Pérez.
Parabéns a todos/as por investigar sobre o noso entorno.
Atendan agora ó reto que
temos en marcha no instituto de Vilalonga, en Sanxenxo. Alí propoñemos
convivir 21 días co galego… e máis. A iniciativa busca normaliza-la nosa lingua
entre a rapazada, un sector de falantes en evidente retroceso. A campaña está impulsada
pola Secretaría Xeral de Política Lingüística da Xunta e nela participan unha
decena de centros de toda Galicia.
Ten como obxectivos que os mozos falen máis o galego e perfeccionen o seu uso dentro e fóra das aulas.
‘21 días co galego e +’ é un programa promovido pola Xunta de Galicia baseado nos 21 días que se consideran necesarios na adquisición dun hábito, unha experiencia que se desenvolveu hai uns anos no IES da Pobra do Caramiñal, da man da profesora Pilar Ponche e que, desde o curso pasado, o Goberno galego asumiu como propio para facelo extensivo a outros catro centros, un por provincia. Participaron na primeira edición un total de 95 docentes e de 1.316 alumnas e alumnos de 12 a 18 anos. A iniciativa recibiu o Premio da Cultura Galega 2019 na modalidade de Lingua da Consellería de Cultura e Turismo.
En 2020, o programa continúa a súa expansión coa participación de 10 centros e 3.877 alumnos e alumnas dos 12 aos 18 anos da ESO, de bacharelato e de FP, que se comprometen a falar soamente en galego as 24 horas do día durante as 21 xornadas que dura o programa, é dicir, un total de 504 horas ininterrompidas en galego desde o 13 de xaneiro ao 2 de febreiro de 2020, dentro e fóra do centro de ensino. Así mesmo, tamén participan de forma directa 305 profesoras e profesores e 60 membros do persoal de administración e servizos.
Os centros participantes son o IES As Lagoas (Ourense), IES Afonso X Ou Sabio (Cambre), IES Antón Alonso Ríos (Tomiño), IES Ánxel Fole (Lugo), IES Arcebispo Xelmírez I (Santiago de Compostela), IES Eduardo Branco Amor (Ourense), CPR Plurilingüe Fogar de Santa Margarida (A Coruña), IES Illa de Ons (Bueu), IES de Poio e IES de Vilalonga (Sanxenxo).
O día 13 de xaneiro empezou a nosa participación , estamos ilusionados e desexando arrancar.
A
Biblioteca e o EDLG, coa axuda do alumnado de 3º de ESO, quixeron achegar a
figura de Castelao a toda a comunidade educativa.
Unha
serie de debuxos que os alumnos de 3º ESO B colocaron nun taboleiro do corredor
lembran a vertente artística dopolifacético rianxeiro, nado o 29 de xaneiro de
1886 e finado o 7 de xaneiro de 1950.
Por
outra banda, os de 3º A foron os encargados de darlles visibilidade ás obras do
autor coas que conta a Biblioteca, dispoñendo os libros no moble en que
habitualmente se expoñen as novidades.
Para
rematar, unha alumna de 3º C foi quen realizou o rótulo co nome da actividade: Xaneiro,
mes de Castelao.
Con motivo do Día contra a Vilencia de Xénero, 25 de novembro de 2018, o IES de Vilalonga levou a cabo varias actividades:
- Derruba o muro do machismo:o alumnado da materia de Igualdade de xénero, impartida pola profesora Patricia Díaz, de 2º da ESO realizou un muro, con caixas envoltas en papel morado, con lemas típicos do machismo. O obxectivo e derrubalo a golpes simbolizado a loita e a necesidade da súa desaparición.
-Proxección do vídeo contra o maltrato gañador do 1º premio do concurso de pezas audiovisuais con motivo de o 25 de novembro convocado pola Xunta de Galicia (Consellería de Igualdade). Aquí vos deixo o enlace:https://www.youtube.com/watch?v=X6rzUSZAotw O premio ademais da alegría do traballo ben feito, foi un lote de
libros, relacionados co tema, unha viaxe a Padrón para visitar a casa de
Rosalía de Castro e 750 euros en vales para o Corte Inglés. NORABOA!!!!!!
-Manifestación do 23 de novembro ás 12,10h: toda a comunidade escolar reuníuse no patio no segundo recreo, para mostrar o seu rechazo a esta lacra, leuse un manifesto de repulsa sobre o mesmo. Manifesto:
BO DÍA A
TODAS E TODOS:No marco das
actividades realizadas con motivo do Día Internacional contra a Violencia Machista, o IES de Vilalonga suma a súa voz ás concentracións que teñen lugar
hoxe en moitos centros de ensino do país, en rexeitamento contra a barbarie que
representa a violencia machista. A ONU recoñece a
violencia contra as mulleres como unha manifestación das relacións de poder
históricamente desiguais entre homes e mulleres e que impide a igualdade plena
das mulleres, sinalando á violencia como un dos mecanismos que mantén esta
situación de subordinación.
Segundo estatísticas
oficiais un 75% das mulleres e nenas do mundo son vítimas da violencia física
ou sexual no transcurso das súas vidas. En España foron asasinadas máis de 1400
mulleres dende 1995 e só neste ano houbo 89
feminicidios, 45 segundo o
reconto oficial. Estes casos representan só a punta do iceberg, posto que
existen moitos fogares onde a violencia é o comportamento habitual. Ademais, nos
últimos 10 anos 83 menores foron asasinados
polos seus pais, 8 nenase 2 nenos no
que vai de ano.
O alumando e profesorado que
hoxe nos damos cita aquí queremos manifestar o noso apoio e solidariedade coas familias das mulleres asasinadas e o
noso compromiso para loitar por unha sociedade verdadeiramente xusta e igualitaria na que as mulleres
teñamos recoñecidos, dunha forma efectiva
e real, os mesmos dereitos dos que gozan os homes.
Convencidas de querer derrubar o muro do machismo, esiximos:
-Non
silenciar as múltiples manifestacións da violencia machista que
sufrimos acotío polo simple feito de ter nacido muller: A discriminación laboral, a dobre xornada, o
acoso sexual na rúa, os estereotipos e bromas sexistas… son tamén formas de machismo que vulneran os nosos
dereitos a unha vida libre de
violencia e discriminación.
-Queremos leis igualitarias,
orzamentos transversais e
propostas educativas que aborden todas as formas de violencia
machista.
-Queremos
unha educación coeducadora en
valores
igualitarios e respectuosos
coas diversidades, que garanta o empoderamento das nenas e nenos para poder
establecer relacións de xénero baseadas no respecto mutuo e a non violencia.
-Queremos todos os espazos: que o
patio, a rúa e a noite
sexan tamén espazos nos que
nos sintamos libres e seguras.
-Queremos os mesmos dereitos
que os homes. Queremos o
que nos corresponde. Nós,
as mulleres, somos máis da metade da poboación.
-Queremos
que os gobernos poñan os medios necesarios
para loitar contra a vulneración dos dereitos humanos das mulleres e das nenas. Queremos que
se implementen medidas eficaces contra o patriarcado feroz que se move ás súas
anchas.
-Queremos que os xuíces
se formen en materia de
Igualdade, porque impunemente aplican leis contra as vítimas en lugar
de penalizar aos agresores.
-Queremos
que os medios de comunicación non trasladen
unha imaxe sexualizada de nós, as mulleres e as nenas, porque nos invisibilizan, porque sacan réditos
económicos da publicidade sexista e da explotación sexual.
-Queremos que a sociedade non mire para outro lado e
que
rexeite contundentemente todas as manifestacións de violencia machista.
-Queremos
que os centos de asasinatos de mulleres non
queden nunha estatística cruel, senón que se poñan en práctica todos
os medios de educación e prevención que supoñan o fin dos feminicidios.
-Queremos deixar de escoitar
cancións sexistas que nos
cousifican e nos denigran dende que somos nenas.
-Queremos erradicar para sempre a violencia das
nosas
vidas.
-Queremos unha sociedade democrática que
non manteña
nin consinta ningunha forma de violencia.
-Queremos
dicir alto e claro que somos feministas,
porque
ansiamos unha sociedade igualitaria, queremos vivir nun mundo libre de
estereotipos de xénero e de machismo.
-Queremos estar nun instituto
no que o seu alumnado e
profesorado se forme dende unha perspectiva de xénero e se esforce por
re-educarse dende o trato igualitario e respectuoso para con nós, as alumas e
profesoras deste centro.
Somos unha xeración activa e concienciada, disposta a
maternos unidas, diversas e
combativas ata acadar a igualdade efectiva e real.
Farémolo porque o Feminismo
veu para quedar e nós, esta nova xeración que somos todas e todos nós, seremos quen de derrubar o muro do machismo.
En Vilalonga a 23 de novembro de 2018
- Exposicón de libros contra a violencia de xénero:
- A biblioteca colocou nas súas instalacións unha exposición de libros sobre feminismo, mulleres insignes e contra a violencia.
Exposición sobre a violencia de xénero: a profesora de Lingua e Literatura galega e coordinadora de normalización lingüística: Carme Picallo traballou o tema da violencia de xénero co seu alumnado de 3º da ESO, para o 25 fixeron unhas cartolinas que mostran o seu rechazo. Colocámolas no corredor do edificio 1. Gracias rapaces/as.
- No corredor do Edificio 1 colocamos unha pancarta , fixoa o alumnado de Igualdade de Xénero, contra os malos tratos:
- A porfesora Lidia Fernández Pastoriza, do Departamento de Lingua e Literatura galega, traballou co seu alumnado este tema:
“Só se ve o que se mira
e só se mira o que se ten en mente” (A. Bertillon)
O grupo de 2ºESO B do IES de Vilalonga sabemos que a igualdade de xénero é un
reto que debemos ter presente no noso día a día e somos conscientes do papel
que temos na sociedade para tentar erradicar calquera manifestación de
violencia de xénero. Por iso, aproveitando a lembranza especial que se fai o 25
N, quixemos repasar algúns conceptos asociados á igualdade visualizando un fragmento dun vídeo de Carmen Ruiz
Repullo sobre “as lentes de xénero” que nos aclarou algúns conceptos como patriarcado, sexismo, misoxinia,
androcentrismo, sexo-xénero...
E, para rematar, nós tamén quixemos ver o
mundo a través das nosas “LENTES VIOLETAS”.
- O alumnado de 3º da ESO foi o 15 de novembro ao teatro a Pontevedra. Viron a obra "Invisibles" baseada no libro de Montserrat Fajardo, que trata o tema da violencia de xénero. esta obra tamén a van a ler e traballar o alumnado de Igualdade de xénero coa profesora Patricia Díaz.
