A entrega dos premios das Portas de Nadal no curso 2023-24.
Guías de inverno
Aquí vos deixamos as guías de lectura do inverno, todos estes materiais e moitos máis atoparédelos na biblioteca.
Felicidades
O equipo da biblioteca desexa boas festas a toda toda a comunidade escolar do IES de Vilalonga e que o 2024 veña cargado de boas novas para todos/as.
Bo Nadal !
Árbore matemática
Felices Festas💓💓
Departamento de Matemáticas
ACTIVIDADE TEI
A primeira das actividades programadas para o TEI tivo lugar esta semana. O alumnado de 1º e 3º de ESO tivo a oportunidade de coñecerse, conversar e tomar conciencia de que son parte dunha mesma comunidade. Foi unha experiencia enriquecedora que fomentou a empatía e solidariedade entre os estudantes. Parabéns!
Biblioteca do IES de Vilalonga
.jpg)
Durante os recreos a biblioteca do noso centro está chea de vida, o alumnado: estudia, consulta nos ordenadores, imprimen apuntes e traballos, fan deberes, encóntrase, piden libros en préstamo e devolven os que levaron, reúnense os clubs de lectura, fan traballos de grupo...
Anímate e visita a túa biblioteca!!
ACTIVIDADE 25N
Co motivo da conmemoración do 25N varias alumnas do IES de Vilalonga leron un manifesto, no que se puxo en valor o compromiso e solidariedade da comunidade educativa na loita pola igualdade e o respecto a todas as mulleres.
MAGOSTO 23
O pasado martes 21 celebrase o magosto no IES de Vilalonga. Asamos castañas e chorizos, degustamos deliciosos biscoitos e xogamos a xogos populares como a carreira de sacos ou o brille. Foi unha experiencia chea de ledicia e tradición!
CHARLA SOBRE O BOSQUE ATLÁNTICO
Este luns o alumnado de 1º de ESO puido asistir a unha charla sobre o bosque atlántico e a importancia de coñecer e conservar o bosque autóctono. Tras a exposición, tivo lugar un taller de xogos sobre o recoñecemento de especies arbóreas autóctonas. Foi unha experiencia moi educativa!
PROGRAMA "AGRESIÓN OFF"
Este mércores o CIM en colaboración co Concello de Sanxenxo instalou no centro un stand dentro do programa "Agresión off". Varios grupos de estudantes puideron visitalo, xogar a diversas actividades e recibir formación sobre prevención da violencia contra a muller. Foi unha iniciativa que contribuíu a concienciar e educar no respecto.
OBRADOIRO DE REGUEIFAS
O alumnado de 4º ESO participou nun obradoiro de regueifas, organizado pola Asociación ORAL de Galicia arredor da regueifa e da improvisación oral en verso. O monitor da actividade foi Pinto d‘Herbón e desenvolveuse en dúas sesión: a primeira o 19 de outubro e a segunda o 10 de novembro
PRÁCTICAS DE CORTE DE XAMÓN DO ALUMNADO DE COCIÑA
CARREIRA DE CAMPO A TRAVÉS
O 15 de novembro, 36 alumnos e alumnas de 1º da ESO do IES de Vilalonga participaron na carreira de Cros Zonal do Salnés (Montalvo) dentro da modalidade Xogade do “Proxecto de Vida Activa e Deportiva”.
.jpg)
II SEMANA DA CIENCIA IES DE VILALONGA
O noso planeta está en perigo! A contaminación está afectando aos distintos
ecosistemas e tamén á nosa saúde.
Mais non todo está perdido: o noso alumnado de ESO deberá pór en práctica
os seus coñecementos para superar distintos retos científicos que permitan
crear unha máquina ecolóxica revolucionaria. O planeta está nas súas mans!
⇓
Segue abaixo
II SEMANA DA CIENCIA IES DE VILALONGA
O IES de Vilalonga segue innovando co club de ciencias , que este curso
acaba de comezar a súa andaina. Recentemente, o alumnado participante puido
realizar actividades relacionadas coa reflexión, refracción, difracción e
polarización da luz.
ESTACIÓN EDUCACIÓN FÍSICA
Para lograr chegar á ultima estación de
investigación a tempo o alumnado deberá percorrer a distancia restante (4 km)
empregando un dos medios de transporte máis ecolóxicos: a bicicleta. Mediante
relevos, desenvolverán a maior enerxía posible. Chegarán a tempo? Confiamos en
vós!
ESTACIÓNS CHAVE (MATEMÁTICAS)
Para ir dunha estación de investigación a outra, os nosos equipos de alumnado deberán superar unha serie de probas matemáticas que lles permitan obter a chave para teletransportarse á seguinte estación. A darlle á cabeza para resolver os enigmas formulados!
ESTACIÓN QUÍMICA
Desde a estación química promóvese o estudo de novos combustibles; especialmente algunhas substancias fluorescentes. Para continuar o traballo dos científicos, os distintos grupos de alumnado investigará sobre a fluorescencia da clorofila presente nas follas de espinaca. Esperemos que o alumnado poida visualizar a cor do espectro correspondente á súa enerxía!
CHARLAS IGUALADAS
Durante as últimas semanas, o alumnado de 2º da ESO participou nunha
actividade organizada desde o Concello de Sanxenxo sobre "Relacións
afectivo sexuais saudables para a prevención das violencias machistas"
Obxectivo principal das 4 sesións de formación que tivo o alumnado foi fomentar
a igualdade de trato e rexeitar todos os tipos de violencia de xéneroCHARLA INGLÉS
O día 2 de novembro o alumnado de 1º de bacharelato puido gozar dunha
charla cultural no salón de actos organizada polo Departamento de Inglés. A
través dunha presentación audiovisual
a cargo do existoso conferenciante da editorial Burlington, o alumnado
puido aprender moitos detalles curiosos sobre os países de fala inglesa. Algúns
alumnos e alumnas tiveron ocasión de
convertirse en protagonistas da charla, conseguindo premios pola súa
audacia na aprendizaxe.
Club de Ciencias
CLUB DE CIENCIAS IES DE VILALONGA
O IES de Vilalonga segue innovando co club de ciencias , que este curso acaba de comezar a súa andaina. Recentemente, o alumnado participante puido realizar actividades relacionadas coa reflexión, refracción, difracción e polarización da luz.
Subscribirse a:
Publicacións (Atom)