Un ano máis desde a Biblioteca do IES de Vilalonga fomentouse o intercambio de poemas e de cartas co tema do AMOR para celebrar o día de San Valentín.Colaborararon activamente na elaboración do "decorado" e na eleción dos poemas os alumnos de 4º de diversificación curricular.
Onte, 16 de febreiro, charlou co alumnado de 2º de ESO o escritor de "Game over", Santiago Lopo. O autor conseguiu que moitos deles pasasen ó outro lado do espello a través desta novela que gañou no seu día o Premio de Novela por Entregas da Voz de Galicia. Esta obra, aínda que inicialmente non está pensada para o público adolescente, engacha a moitos alumnos que non son moi fáciles de atraer ó outro lado deste espello que é a ficción, como ben apunta Santiago na dedicatoria deste libro.
Este é só un adianto das fotos que se publicarán con motivo da celebración do Entroido este ano no IES de Vilalonga. Como vedes a participación na ESO foi case absoluta e até os profesores se achegaron disfrazados con motivos relativos ás súas materias.
Por iso tivemos a visita de escritores como Valle Inclán eCastelao, personaxes literarios como Sancho Panza e a Celestina. Investigadoras como Madame Curie e até nos visitou Frank de la Jungla.
En breve, achegaremos as fotos de todos os participantes e premiados no noso Entroido escolar.
Desde o 2014 a Consellería de Cultura, Educación e Ordenación Universitaria incluíu no calendario de lectura a celebración do DÍA DA ILUSTRACIÓN en Galicia, coincidindo coa data do 30 de xaneiro, nacemento de Castelao.
O alumnado de
Antropoloxía de 1 de BAC realizou en grupos de 3 a 5 persoas unha
serie de traballos para os que tiveron que escoller os aspectos a
traballar, buscar información en libros e internet na biblioteca do
centro e redactar os informes que figuran nos carteis que forman a
exposición.
Os temas centrais son as diferencias entre homes e
mulleres e a socialización e aprendizaxe.
Dende o departamento
de Filosofía e o equipo da biblioteca agardamos que disfrutedes
desta exposición realmente interesante.
Nesta ligazón poderás atopar este libro con haikus contra a violencia de xénero realizados no IES Laxeiro de Lalín polo alumnado e o profesorado e coa colaboración de poetas, como Carlos Negro ou Chus Pato, e as artistas plásticas comos Mar García e Aránzazu Diñeiro.
O pasado 12 de xaneiro o alumnado de Ética e Filosofía do dereito de 2º de bacharelato asistiu a un xuízo na Audiencia Provincial de Pontevedra. Xulgábase a un home que estaba acusado de homicidio nun axuste de contas por droga. A súa avogada demostrou que fora en defensa propia.
Aínda que xa o tiñamos traballado en clase moitas cousas nos sorprenderon no xuízo: a distribución da sala, co acusado tan preto de nós; o fácil que é mostrar as constradicións dunha testemuña, etc. En fin, ata a propia indumentaria dos maxistrados (a toga, as súas puntillas que levan nos puños que, sabedes como se chaman? Puñetas.)
Pero o que máis nos sorprendeu foi a calidez e hospitalidade de todas as persoas que nos atenderon: os maxistrados, a fiscal, os avogados e Anxos, a lingüísta da Audiencia.
Cando a visita rematou fixémoslles preguntas espontanemente. A última foi ó avogado defensor, ó que lle preguntamos se non lle preocupaba ás veces defender a un culpable. Sabedes que nos contestou? Que todo o mundo ten dereito a ser defendido, e que el prefire que tres culpables estean na rúa, a que un inocente estea no cárcere. E vós que pensades?
Alumnado de 2º de bacharelato de Ética e Filosofía do Dereito.
Quédavos aquí unha escolma da cobertura mediática sobre o caso realizada pola lingüísta da Audiencia Provincial de Pontevedra, Anxos Sobriño.
Pero o que máis nos sorprendeu foi a calidez e hospitalidade de todas as persoas que nos atenderon: os maxistrados, a fiscal, os avogados e Anxos, a lingüísta da Audiencia.