Campaña COMO CHO DIGO

Esta campaña realizada pola Coordinadora de Traballadores pola Normalización Lingüística (CTNL) reinvindica a visibilización do galego nos medios de comunicación, en particular naquelas entrevistas que se traducen ó castelán reiteradamente por estes medios na escrita.

 

Nesta campaña recóllense os testemuños de persoas de moi distintas profesións: xuíces, actores, escritores, controladores aéreos, cantantes, adestradores de fútbol, editores e persoas doutros sectores da nosa sociedade, que mostran o seu descontento por esta actitude continuada dos nosos medios de comunicación escrita.

Exposición do CONCURSO DE ADHESIVOS "Redes sociais e lingua"

A edición do CONCURSO DE ADHESIVOS organizado pola Coordinadora de Equipos de Dinamización Lingüística do Salnés deste ano tivo como tema "Redes sociais e lingua". 

Andrea Garrido González resultou gañadora para imprimir o seu debuxo nun adhesivo. Graciela Méndez Camiña e David Souto Dadín foron finalistas nas súas respectivas categorías.

A BIBLIOTECA DO IES DE VILALONGA HOMENAXEA AS MULLERES

En homenaxe a todas as mulleres, na Biblioteca do IES de Vilalonga fixemos unha exposición cunha selección de libros e películas nas que as mulleres son autoras e/ou protagonistas. Aquí vos deixamos un pequeno video coa música de fondo de Ricardo Arjona e o seu tema Mujeres.

CHARLA DE MANUEL GAGO SOBRE O PATRIMONIO ETNOLÓXICO E CULTURAL GALEGO

A Biblioteca do IES de Vilalonga, organizou unha charla sobre o patrimonio cultural e arqueolóxico galego que correu a cargo de Manuel Gago, xornalista e profesor na Universidade de Santiago de Compostela.

A charla, á que asistiu o alumnado de 4º ESO e 1º de Bacharelato, foi artellada arredor de 3 historias moi cercanas a nós xeográficamente das que podedes ver un resumo nos seguintes videos.

Manuel Gago falou apaixoadamente de distintos achados na Ría de Arousa e da  importancia desta como lugar de paso nas rutas de moitas poboacións dende hai séculos.
Gago é o creador dunha páxina web tipo wikipedia  http://patrimoniogalego.net/ na que nos invitou a colaborar co obxectivo de "elaborar un Catálogo Social do Patrimonio Cultural galego, estruturado por comarcas, concellos, pero no que tamén podes recuperar a información por tipo de ben cultural, por cronoloxía…". Escribe tamén Capítulo Cero (http://www.manuelgago.org/blog/),ten publicado o libro Vento e chuvia. Mitoloxía da antiga Gallaecia  así como varios ensaios.

"Ollos de aula", no seu número 13.

Ollos de aula. nº 13. versión para imprimir en a4 a dobre cara from Coordinadora Galega ENDL

LUISA VILLALTA: PAIXÓN E COMPROMISO

Unha poeta galega, Luísa Villalta, como símbolo da paixón e compromiso da muller no seu quefacer, neste caso literario par celebrar que hoxe, 8 de marzo, é o DÍA INTERNACIONAL DA MULLER.

 

"O español e o multilingüismo"

Juan Carlos Moreno Cabrera,  catedrático de lingüística xeral da UAM, e autor de "Los dominios del español: guía del imperialismo lingüístico panhispánico" aclara mitos e prexuízos sobre as linguas.

O noso alumnado visita a Audiencia Provincial de Pontevedra

            O martes 18 de febreiro o alumnado das materias optativas de filosofía (Antropoloxía e Filosofía do dereito) asistiu acompañado polos seus profesores a unha vista na Audiencia de Pontevedra. Tratábase dun xuízo por narcotráfico con cinco acusados de pertencer a unha rede galega e colombiana que pretendía introducir cocaína agochada no interior das baldas de madeira dun cargamento de plátanos. Sesenta quilos de grande pureza. Os responsables do cargamento estaban sendo vixiados pola  Garda Civil. O alixo non foi descuberto malia os rexistros á súa chegada ó porto de Vigo en novembro de 2010. Pero o cargamento ficou retido polas autoridades xa que ese tipo de plátano precisa permisos especiais para entrar en España. Os traficantes non lograron sacar a mercadoría do porto ata dous meses despois, pero para aquel entón os plátanos non eran aptos para o consumo e agora eran as autoridades de sanidade as que retiñan o cargamento e xestionaban a súa destrución. Inmediatamente os móbiles pinchados comezaron unha febril actividade de contactos e xestións para interceptar o cargamento antes de que fora destruído. A Garda Civil procedeu a un rexistro exhaustivo e deu coa droga agochada. Inmediatamente realizaron as detencións dos presuntos traficantes. Trátase de cinco homes, de nacionalidade colombiana e española, que negaron a meirande parte das acusacións do fiscal.

            O día da vista recibiunos Anxos, do gabinete lingüístico da Audiencia de Pontevedra, que xestionou a nosa visita con moita eficiencia desde o principio. Antes de comezar, ás 10.15 horas, o xuíz Barreiro comentounos dun modo moi ameno o funcionamento dunha vista desas características, e presentounos ós demais membros da sala: os outros dous maxistrados, o secretario e o fiscal antidrogas Uriarte. Estaban na sala tamén estudantes de dereito e á hora do inicio entraron xornalistas de numerosos medios. Comezaba a sesión co interrogatorio dos acusados, dos cales catro viñan esposados e escoltados por policías. Poucos declararon ante o fiscal antidrogas, que leu numerosas transcricións de chamadas incriminatorias. Logo foi a quenda dos testemuños, principalmente os axentes da Garda Civil que fixeron as escoitas, rexistros, seguimentos e detencións dos acusados. Os avogados, un por cada acusado, preguntaron  ós axentes se o cargamento estivera sempre baixo control das autoridades, se as escoitas se facían con autorización, etc. Buscaban algunha fenda na que poder basear unha rebaixa da pena solicitada polo fiscal, entre 18 e 22 anos de cadea. Tamén houbo a intervención de peritos, ata o remate da vista arredor das 13:00 horas. Finalmente o xuíz pediu a opinión e as preguntas dos alumnos do instituto, que se convertían así por un momento nos protagonistas da vista.

            Resultou unha experiencia de gran interese, xa que puidemos ver todo o proceso e contamos ademais coas explicacións do propio maxistrado, un luxo que os alumnos e profesores de Vilalonga temos a sorte de desfrutar dende hai anos. Só falta coñecer a sentenza, despois de que os maxistrados deliberen e revisen as probas e testemuños. 

CRÓNICA DO PROFESOR FERNANDO LÓPEZ PRADA

CINE EN PRIMAVERA

O ÚLTIMO CONCERTO

El último concierto, por Carlos Boyero

Un drama dirixido por Yaron Zilberman; EE UU; 2012; interpretada por Philip S. Hoffman, Katherine Keener, Christopher Walken, Mark Ivanir...

Moi fermosa película. Trátase dun cuarteto creador de beleza que nos fai partícipes tamén das súas vidas, das súas emocións e relacións. Magnífica interpretación.

A GRAN FAMILIA ESPAÑOLA

A gran familia española, imaxes

Comedia española dirixida por Daniel Sánchez Arévalo; 2013. Ganadora de 2 premios "Goya" e con 11 nominacións aos mesmos.

É unha comedia xove, divertida e intelixente, onde non falta de nada.

WEEKEND

Drama e romance do director inglés Andrew Haigh; 2011.

Weekend

“Chico conoce a… chico … Sí, Weekend, con su sencilla historia romántica del encuentro de dos gays en un fin de semana, acabó convirtiéndose en una de las películas más estimulantes de la pasada edición del Festival de Cinema d’Autor de Barcelona…”

“Y NO SOLO ESO, CIRCUNSCRITA AL CINE RECIENTE TAMBIÉN CONSIDERO, QUE WEEKEND ES UNA DE LAS PELÍCULAS MÁS POLÍTICAS Y CERTERAS SOBRE EL HECHO HOMOSEXUAL…”

           

                              THÉRÈSE D.

                                                     Drama dirixido por Claude                                                         Miller e protagonizada por Audrey                                                    Tautou, Gilles 

                                        Lellouche, Anaïs Demoustier, Catherine                                                          Arditi, Isabelle Sadoyan,                                                                Francis Perrin. Francia 2012.

                                                  Baseada na novela de François                                                        Mauriac: Théresè Desquereux

177 anos do nacemento de Rosalía

Hoxe é o aniversario do nacemento de Rosalía de Castro. Esta autora, nada en 1837 será a voz que poña de novo o galego na historia da literatura mundial, calquera dos seus versos poden testemuñar esta afirmación sen ningún xénero de dúbidas:

Daquelas que cantan ás pombas i as frores, 
Todos din que teñen alma de muller 
Pois eu que n´as canto, Virxe da Paloma, 
¡Ai!, ¿de qué a terei? (...)

Das múltiples homenaxes que circulan polas redes sociais hoxe, unha delas é a de facerse unha autofoto con algunha iconografía de Rosalía e publicala no twitter co #euRosalía.