Saída didáctica a Pontevedra

VISITA A FEIRA DE EMPRENDEMENTO PONT UP STORE PONTEVEDRA

O alumnado de 2º do CM e CS de Administración e 2º CM de Automoción visitou o día 23 de setembro a feira PONT UP STORE na cidade de Pontevedra, unha actividade organizada polo Programa Aulas de Emprendemento do IES Vilalonga

Parabéns ao profesorado e alumnado do IES de Vilalonga por contribuír de maneira participativa a un ensino público e de calidade!

Visita a Galiciencia e Ourense.

O 24 de maio o alumnado de 3º da ESO foi a visitar Ourense e a mostra de Galiciencia 2019. Organizou a saída o Departamento de Bioloxía e acompañaron o alumnado os profesores: Inés Giménez, J. José Pérez Maceira e Montserrat Ferreirós. Pola mañá fixeron un visita guiada a cidade de Ourense coa colaboración da oficina de turismo da mesma.Recorreron as prazas, visotaron as termas, a catedral, etc.

Pola tarde das 15h as 18h visitaron Galiciencia no Parque Tecnolóxico de Galicia- Tecnópole. Participaron en dous talleres relacionados coa ciencia e a tecnoloxía e as ciencias da saúde e a alimentación. O alumnado dividiuse en tres grupos- taller que trataron sobre:

- Mundos dixitais. 50 minutos. Alumnado de Secundaria/Bacharelato/FP. O taller ten como finalidade facer reflexionar aos participantes sobre os seus hábitos de consumo de contidos dixitais e a falta de privacidade que pode derivarse dun uso inadecuado. Durante a actividade, o alumnado irá descubrindo o seu nivel de uso dos medios dixitais respecto ás recomendacións dos expertos e as implicacións que ten para a súa saúde e a súa seguridade un uso excesivo e/ou imprudente dos mundos dixitais

-Alquimia na cociña: Reaccións químicas, cambios físicos, microbioloxía, anatomía, matemáticas... A cociña é Pura Ciencia. Por que cheira así o pan? Que lle dá ese sabor ao queixo? Por que torna en dourado a carne cando a facemos na grella? Neste taller responderemos dunha forma didáctica, sinxela e divertida a estas e outras tantas preguntas por medio de explicacións teóricas e prácticas mergullándonos neste incrible mundo. Espertaremos nos cativos a curiosidade pola cociña saudable e sustentable concienciándoos para que leven unha alimentación que mellore tanto a súa saúde como a saúde da nosa terra. Charla sobre o uso dos aditivos nos alimentos.

Dirección de enlace a páxina web: https://www.galiciencia.com/

Administrativo en Pull&Bear.

O alumnado de Vilalonga asistiu a unha visita didáctica ao centro de Confeccións Industriais de Pull & Bear, en Narón. Acudiron os estudantes de 2º FP Básica Servizos Administrativos, 2º Ciclo Medio de Xestión Administrativa e 2º de Ciclo Superior de Administración e Finanzas.

A visita consistiu nunha viaxe pola empresa que partía dende o laboratorio de ideas ata o paso final no que o produto sae cara a clientela. O alumnado pasou polas diferentes seccións que compoñen a empresa: Deseño, patronaxe, escaparatismo e tenda piloto, recursos humanos, comercio electrónico, apertura de novos mercados, centro loxístico…

Saída a Santiago de Compostela.

                                                   
CASTELAO MAXISTRAL

O pasado 16 de novembro o alumnado de 4º curso de ESO e de 3º PMAR desprazouse a Compostela  para realizar unha visita guiada pola obra literaria e gráfica de Castelao e por determinados aspectos do ensino no primeiro terzo do século XX.

A exposición Castelao maxistral,organizada no Museo Centro Gaiás, ten como elemento central o impresionante óleo A derradeira leición do mestre, pintado por Castelao durante o seu exilio na Arxentina  para lembrar o seu amigo Alexandre Bóveda, fusilado o 17 de agosto de 1936.

 

É a primeira vez que o cadro, de dous metros de altura e propiedade do Centro Galicia de Buenos Aires, pode ser contemplado en Galicia.

Despois da visita, e con Compostela ó fondo, gozamos dun día solleiro paseando polos exteriores da  Cidade da Cultura.

Saída ao teatro de Pontevedra (3º da ESO)

As actrices e a directora co alumnado do IES de Vilalonga.

Mela Casal, Nieves Rodríguez e Sheyla Fariña,

dirixidas por Marián Bañobre,

poñen en escena Invisibles

no Teatro Principal de Pontevedra.

O IES de Vilalonga estivo alí.

Reflexións do alumnado asistente:

“O pasado xoves,15 de novembro, os alumnos de 3º de ESO desprazámonos a Pontevedra para ver Invisibles, que trataba sobre diferentes tipos de violencia de xénero”. (Sandra Soutullo)

“Invisibles é a historia de sete mulleres, sete vítimas da violencia de xénero”. (Noa García)

“Gustoume moito porque a mensaxe era moi clara e importante”. (Diego Magdalena)

“Creo que a obra intentaba transmitir que ás veces as mulleres sofren violencia de xénero e non se decatan, buscan outras explicacións ou cúlpanse a si mesmas do que están sufrindo”. (Tania Aguín)

“Aínda que foi bastante entretida e graciosa, a obra recreaba o que ocorre actualmente nesta sociedade, na que se menospreza as mulleres.(...)  Foi a primeira obra que vin na que todos os papeis os fan mulleres”. (Rodrigo Prieto)

“Ao principio son moi bos coas súas mozas, pero despois empezan a controlalas. Máis tarde, comezan a insultalas e acaban pegándolles. Elas non queren denuncialos porque pensan que todo foi sen querer, pero acaban fartas deles ou os homes acaban asasinándoas”. (Antía González)

“Espero que ningunha muller pase polo que pasaron as sete mulleres que aparecen na obra. Fagamos que a nosa xeración sexa recordada por non ter estes problemas, que sexa recordada por vivir nunha mellor época para a muller”. (Nerea Fernández)

“Ao final, as actrices fixeron un discurso no que se dicían cousas moi reais. Está moi ben aprender mediante explicacións feitas así”. (Alba González)

“Relatos de violencia de xénero que nos ensinan que non debemos ser invisibles fronte ao maltrato, que hai que denunciar”. (Daniel Castro)

“Este problema está moi presente na sociedade de hoxe en día. Por iso, obras coma esta son importantes para que as novas xeracións aprendan e non cometan os mesmos errores”. (Gabriel Folgada)

“Ela fixera unhas cabazas cos seus fillos para o colexio e chegou o marido e rompeunas”. (Lucas Cores)

“Ela non aguantou máis, saíu fóra e enfrontouse a el”. (Nicolás Straehli)

“Moi entretida, conmovedora e moi realista”. (Andrea Varela)

“Invisibles busca concienciarnos dos danos que causan estes actos nas mulleres e que o problema desapareza.  (...) Unha grande axuda para promover a desaparición do machismo”. (Aitor Domínguez)

“Representa todo o que as mulleres estamos a sufrir día a día”. (Laura Pereira)

“A obra mostra a importancia da muller na sociedade, a pesar de que sexamos menosprezadas polo machismo”. (Samar Rodríguez)

“Paréceme moi importante concienciar a xuventude contra a violencia de xénero e de que as mulleres teñen un papel moi importante na nosa sociedade. (...) Invisibles destaca o traballo que fan as mulleres para sacar a súa familia adiante e como buscan a maneira de facerlles o menor dano posible ós seus fillos”. (Ana Pérez)

“A historia que creo que se axusta máis á nosa idade é a da rapaza que ten un mozo, bastante maior ca ela, a quen coñecera nas redes sociais. Un día ve a noticia de que ese mozo matara a súa ex parella, que estaba no cuartel para denuncialo”.( Laura Abal)

“Unha obra moi orientadora para cambiar os pensamentos tan parvos que ten a xente. (...) Ese tipo de cousas teriamos que pensalas un pouco, como dixo unha personaxe: “Ti só vés unha cara da moeda, eu vexo as dúas”. (Carmen Soto)

EXCURSIÓN A ATAPUERCA- ALTAMIRA

 

O alumnado de bioloxía de 4º da ESO e 1º de bacharelato foron do 16 ao 20 de maio a diferentes lugares de interés: Atapuerca, Cabarceno, León, Altamira, As Médulas,etc. Os profesores que  organizaron a viaxe foron Lourdes Acuña e Jorge José Pérez Maceira do Departamento de Bioloxía, acompañounos na excursión o profesor de Lengua e Literatura castelá Manuel Radío.

Según non informaron a volta a saída resultou moi entretida, divertida e didáctica.

Parabéns a todos/as.

Excursión de 1º e 2º da ESO- clubs de lectura

VISITAMOS PADRÓN

O alumnado de 1º e 2º de ESO  puxo fin ás actividades do Club de Lectura achegándose a Padrón.

A andaina comezou polo Paseo do Espolón e o centro da vila ata chegar á Casa museo de Rosalía, que visitaron despois dun pequeno descanso no xardín. Xa de volta, repuxeron forzas con xogos e un xeado no xardín botánico.

Unha mañá para compensar os recreos perdidos ó longo do curso.

Viaxe didáctica do departamento de Relixión

O pasado venres, 1 de xuño, alumnos e alumnas de Relixión de 1º, 2º e 3º de ESO fomos de viaxe  coa profesora Ana, acompañados tamén por Carmen e Isabel.

Visitamos o Castelo de Pambre, en Palas de Rei (Lugo). Lembramos  a Idade Media en Galicia e disfrutamos da construcción e da paisaxe subindo ás torres.

Logo achegámonos á igrexa de Vilar de Donas, tamén en Palas de Rei. Sorprendémonos coa arte románica e gótica que conserva esta igrexa, coa súa historia de donas e cabaleiros relixiosos, vinculada ao Camiño Francés de Santiago. Ben se nota isto, pois atopámonos con bastantes peregrinos.

Por último, collemos rumbo cara a Cabrui (Mesía), á casa da asociación solidaria “Raíña” onde, como outras veces, nos agardaba o cura Víctor para falarnos de perseguir soños que dean sentido á nosa vida. Unha veciña ensinounos a facer queixo co leite das vacas que por alí andan. E asamos chourizos para a merenda, con moi boa man.

Voltamos ao instituto pola tarde, cansos e contentos.

SAÍDA A RIBADAVIA E CELANOVA

O 24 de abril o alumnado de 1º de bacharelato realizou unha saída a Ourense programada polo EDLG.

Pola mañá, ademais de facer un percorrido pola vila de Ribadavia (castelo, barrio xudeu, Casa da Inquisición...), alumnos e alumnas asistiron a unha visita guiada polas salas  dedicadas á pesca, á cerámica, ó liño, á fotografía ou ó viño no Museo Etnolóxico.

Pola tarde, houbo dúas visitas tamén guiadas:  Celanova e Vilanova dos Infantes.  Na casa natal de Curros, a Casa dos Poetas, o alumnado achegouse á traxectoria vital do autor de Aires da miña terra. En Vilanova subiu á Torre da Homenaxe, desde a que se pode contemplar o santuario da Virxe do Cristal, e coñeceu  a relevancia que tiveron os zapateiros nesta vila, na que a mediados do século XX  desenvolvían o seu labor máis dun cento de  artesáns deste gremio.  A poucos metros da torre o noso alumnado visitou a cova de san Vivián, na que teñen os zapateiros o seu museo.

Curros fai referencia a eles ó versificar a lenda da Virxe do Cristal: “Vilanova dos Infantes / é vila de grande sona: / n’hai zapateiros no mundo / que batan millo-la sola”.

Viaxe didáctica a Santiago de Compostela

O venres 6 de abril fomos a Santiago, todos os grupos de 2º de bacharelato. O alumnado de ciencias visitou o laboratorio de Medicina Xenómica e o Museo Luís Iglesias de Historia Natural. O alumnado de letras visitamos a Catedral:

1. O interior: naves, cubertas, presbiterio, capelas,etc.
2. A Fachada de Platerias.
3. A Fachada do Obradoiro.
4. A Fachada do Paraiso.
5. O conxunto da Quintana: Porta Santa, Pórtico Real, Torre do Reloxo,etc.
6. O Pórtico da Gloria.
7. As cubertas e as tribunas.

Os obxectivos eran:

1. Ver e analizar unha obra de arte na realidade.
2. Valorar o noso patrimonio.
3. Desenvolver a capacidade de oratoria do alumnado.
4. Apreciar en detalle os múltiples aspectos da obra de arte.
5. Desenvolver valores como o compañeirismo, a solidariedade, etc.

Pasamos un día moi agradable, destacar o comportamento exemplar dos alumn@s e a súa valoración da mesma que foi moi positiva.

SAÍDA DIDÁCTICA A SIRADELLA

O martes día 20 de febreiro de 2018 o alumnado de 1º da ESO tiveron unha excursión, organizada polo Departamento de Bioloxía e Xeoloxía. Visitaron o Centro de interpretación da Naturaleza de o Monte Siradella (O Grove).Os obxectivos eran:

1. Que o alumnado coñeza e repecte o seu entorno.
2. Que valoren a natureza e tomen conciencia da importancia da mesma para a vida.
3. Que sepan distinguir as áreas protexidas da súa contorna.
4. Pasar un día xuntos nun espazo diferente e divertido.
5. Aprender a aprender no medio natural.
6. Reforzar valores como: o respecto, o compañeirismo, a educación, etc.
7.