Josiño da Teixeira ensínanos a facer REGUEIFAS

O venres 18 de marzo o regueifeiro, JOSIÑO DA TEIXEIRA,  impartiu un obradoiro de regueifas para o alumnado de 2º de ESO que fixo que dunha maneira lúdica estes rapaces aprendesen a improvisar as súas propias regueifas Aquí vos quedan os vídeos coas súas creacións .

OS DEUSES EXIPCIOS POR 1º ESO

 

        

Os alumnos e alumnas de 1º ESO fixeron uns traballos de caracter voluntario sobre os deuses de Exipto e expuxéronse no corredor onde están situadas as aulas deste nivel, todo iso enmarcado no contexto da unidade adicada a Exipto na materia de Xeografía e Historia.

CHARLA DE MIRIAM RIAL SOBRE A SÚA EXPERIENCIA COMO COLABORADORA DUNHA ONGD

Como pasa o tempo e como se van facendo maiores os nosos alumnos e alumnas buscando o seu lugar e o seu camiño na vida. Hai uns días unha exalumna do centro, Miriam Rial Alonso, veu falar da súa experiencia como colaboradora da ONGD Solidariedade Internacional de Galicia ao alumnado de 3º ESO.

Esta ONGD promove e participa en Proxectos de cooperación internacional, axuda humanitaria e de emerxencia, educación para o desenvolvemento e sensibilización e    comercio xusto entre outros.

Miriam entrou en contacto con esta ONGD na Universidade de Santiago onde estudou Socioloxía. Ao rematar os seus estudos marchou a Nicaragua onde viviu experiencias que como ela mesma di lle cambiaron a maneira de ver as cousas.

Quizais o que mais lle chamou a atención é o felices que poden ser con tan poucas cousas as persoas que coñeceu alí. A escola faise ao aire libre, o transporte en vellos vehículos por carreteras pero tamén corredoiras, ainda hai pontes e estruturas derruidas polo furacán Mitch...

Unha das cousas que destacou Miriam é o interese do goberno local en que as mulleres non teñan voz e non sempre miran con bos ollos as reunións e as asociacións entre as féminas.

Todos sabemos que as grandes empresas buscan man de obra barata en países do Terceiro Mundo e que pensan antes nos beneficios económicos propios que no mal que se lle pode facer á poboación deses países como a contaminación a causa dos residuos debidos á producción industrial. Para tentar de dar ás persoas un medio de vida que respete o seu entorno e non estea baseado na explotación creouse o comercio xusto.

En Galicia hai actualmente tres tendas de Comercio xusto, unha delas en Pontevedra (nas Galerías da Oliva), outra en Ourense e a terceira en A Coruña. Nestas tendas podedes atopar productos alimenticios, xoguetes, libros que non atoparedes noutros sitios e que poden ser un agasallo diferente.

Si queredes mais información sobre esta ONGD non tendes mais que pinchar en Solidariedade Internacional deGalicia.

Manuel Lourenzo González tróuxonos a súa "Flor de area"

O pasado xoves 17 de marzo contamos coa visita de Manuel Lourenzo González para charlar co alumnado de 1º de bacharelato sobre o seu libro Flor de area.  

Asisitiron tamén alumnos e alumnas de 4º de ESO que leran  Irmán do vento. 
 

No primeiro libro é Khaled quen nos conta a súa historia, nesta novela na que se continúa a historia de amor é a perspectiva femenina da súa amada, Amrah, a que nos introduce  nuns acontecementos ambientados na posguerra de Iraq.

O escritor explicounos  como procurou certa similitude estrutural de ámbas as dúas novelas coas interseccións de anacos doutras historias de arrecendo oriental que se van encaixando polo medio a modo de boneca rusa. As dúas novelas teñen o mesmo número de capítulos, pero a segunda é moito máis longa e complexa na trama que a primeira.

Na quenda de preguntas o interese do noso alumnado xirou en torno a cales foron os motivos que o inspiraron para crear esta novela. A oposición popular a calquera guerra e, en concreto, á guerra de Iraq moveu o autor a  enfrontarse e indagar neste conflito e no mundo árabe en xeral. As anécdotas que adornaron a súa disertación sobre as posibilidades de narrar con verosimilitude estes feitos fixeron que ficcionase a tribo á que pertence a nosa protagonista, os koblai, sobre todo porque nesta novela tiña que desenvolver unha psicoloxía femenina que fose crible no mundo árabe. 

XVII Salón do Libro infantil e xuvenil de Pontevedra

Un ano mais chega a Pontevedra o Salón do Libro dirixido aos mais novos e adicado este ano aos animais de todo tipo. Podedes visitalo do 1 ao 23 de abril no Pazo da Cultura de Pontevedra e ver as exposicións, participar nos obradoiros, asistir a representación de obras teatrais e ás sesións de contacontos. Hai actividades que requiren inscrición previa. podedes consultar o programa neste enlace

Facendo Ioga en 1º de bacharelato

O alumnado de 1º de bacharelato estivo a facer ioga na materia de Educación Física e praticando o "saúdo ao sol". Unha actividade na que tiveron que  fotografíarse para analizar a corrección das súas posturas ou asanas fomentando a actitude crítica afin de mellorar os resultados. Os carteis resultantes deste traballo están expostos no hall do instituto.

O saúdo ao sol está considerado como un dos exercicios de ioga mais completos que hai xa que combina as principais posturas coa respiración consciente deixando corpo e mente relaxado para comenzar as actividades cotias. Foi concebido para desenrolar a flexibilidade e a potencia muscular .

Si vos sentides estresados e non tedes moito tempo ou ganas de facer exercicio o saúdo ao sol é unha das solucións mais prácticas: podes facelo na casa ou onde ti queiras, é gratis e só tardarás uns 10 minutos. Probade en época de exámenes, para durmir mellor ou porque senta tan ben que vale a pena.

Din que o mellor momento para facer o saúdo ao sol é xusto despois de erguerse (por algo se chama saúdo ao sol) nun lugar no que ninguén te distraiga. Si nunca practicaches o ioga pode que non te resulten moi fáciles as posturas pero pouco a pouco o teu corpo se fará mais forte e flexible.

No artigo de Miguel Angel Bargueño Siete cosas que no sabía del yoga do xornal O País podedes atopar mais información.

           

GUÍAS DE PRIMAVERA

Para, soñar, para viaxar, para evadirse, para aprender, para pasar o rato baixo o sol primaveral, no autobús, no salón cómodamente sentados, na cama ... aquí vos deixamos as Guías de Primavera.

Guías Primavera Biblioteca IES de Vilalonga

Leer más publicaciones en Calaméo

Participación do alumnado de 4º ESO no Congreso INNOVA FP Galicia

O evento ‘Innova FP Galicia’ tivo lugar en Santiago de Compostela os días 23 e 24 de febreiro na Cidade da Cultura de Galicia e reuniu centros educativos, alumnado, profesorado e empresas  vinculados á formación profesional. 

Os asistentes puideron coñecer de primeira man os proxectos de innovación desenvolvidos polos centros de ensino e alí estaba o noso alumnado de 4º ESO presentando o seu obradoiro de robótica "RoboticByMe" coa súa profesora Susana Oubiña. En grupos de 10 interactuaron  con diferentes robots para presentar ó público os proxectos realizados na materia de Tecnoloxía durante o presente curso académico e chamaron a atención de moitos docentes.

O noso alumnado aproveitou tamén para interactuar noutros obradoiros relacionados con diferentes ciclos da FP de Galicia e descubrir cousas novas.
  

                       
                       RoboticByMe (Innova FP Galicia) from Susana Oubiña Falcón on Vimeo.

Profesorado e alumnado valoraron esta actividade de xeito moi positivo. Preguntando ao alumnado pola súa experiencia responden con expresións como  "xenial", "lo más", "nos dijeron que éramos los más pequeños y los que mejor lo habíamos hecho" e non hai mais que ver as súas facianas cheas de orgullo e ledicia para darse de conta que ademais de aprender disfrutan.

Irena Sendler : O anxo do gueto de Varsovia.

   (Varsovia, 15 de febreiro de 1910 - Varsovia, 12 de maio de 2008), coñecida como «O Anxo do Gueto de Varsovia», foi unha enfermeira e traballadora social polaca católica, que durante a Segunda Guerra Mundial axudou e salvou a máis de dous mil cincocentos nenos xudeus practicamente condenados a ser vítimas do Holocausto, arriscando a súa propia vida.

   Cando Alemaña invadiu o país en 1939, Irena era enfermeira no Departamento de Benestar Social de Varsovia, o cal levaba os comedores comunitarios da cidade. Alí traballou incansablemente para aliviar o sufrimento de miles de persoas tanto xudías como católicas. Grazas a ela, estes comedores non só proporcionaban comida para orfos, anciáns e pobres senón que ademais entregaban roupa, medicamentos e diñeiro.

En 1942 os nazis crearon un gueto en Varsovia, e Irena, arrepiada polas condicións en que se vivía alí, uniuse ao Consello para a Axuda aos Xudeus, Zegota. Os nazis souberon das súas actividades. O 20 de outubro de 1943, Irena Sendler foi detida pola Gestapo e levada á infame prisión de Pawiak, onde foi brutalmente torturada.

 Condenada á morte, Irena historiaybiografias.com  puido escapar da prisión grazas a un soldado,quen a axudou, e o seu nome foi apuntado na lista de executados. Ata o fin da guerra, continuou co seu labor baixo un nome falso.

"Só fixen o que había que facer, debín salvar a máis"

Enlaces: https://es.wikipedia.org/wiki/Irena_Sendler, www.mujeresenlahistoria.com/.

 historiaybiografias.com 

MULLERES A TRAVÉS DO CINE

Todas elas interesantes e algunhas mesmo lindas e moi lindas

The Bostonians (As bostonianas); Reino Unido,1984;

James Ivory

As primeiras sufraxistas bostonianas son burguesas ilustradas que loitan por conseguir a emancipación das mulleres

 Julia(Xulia); EE UU, 1977; Fred Zinnmermann

Lilliann Hellman, futura escritora norteamericana, entabla amizade con Julia, estudante escocesa, pouco antes de que para Europa corran outros malos tempos, o ascenso do nazismo

Linda película!

 Libertarias(Libertarias); España,1996; Vicente Aranda

Un grupo de milicianas anarquistas libra a súa propia batalla contra a sublevación militar de 1936

Thelma & Louise (Thelma e Luísa); EE UU, 1991; Ridley Scott

Thelma e Louise deciden tomarse un fin de semana para romper coa rutina das súas viadas. Este seu intento de vivir en liberdade resulta case un drama

Fermosa e moi interesante!

Suffragette (Sufraxistas); Reino Unido, 2015; Sarah Gavron

O movemento sufraxista naceu en Inglaterra pouco antes da Gran Guerra (1914-1918). Eran mulleres que sairon da clase obreira, do proletariado, e que se radicalizan cando ven que as súas pacíficas protestas non servían para nada. Nesta súa loita son incansables e mesmo deciden exporse a perdelo todo. A protagonista loita denodadamente pola dignidade das mulleres

Unha moi linda película actual!